download HolidaySmart 假期日常 app
打工仔預料會打風決定銷假 遭上司狠批:點解唔plan好先請假?

打工仔預料會打風決定銷假 遭上司狠批:點解唔plan好先請假?

生活熱話
By Stephanie on 13 Oct 2021
Digital Content Writer

強烈熱帶風暴「圓規」來襲,廣大嘅市民們都受到影響!有位打工仔就於討論區表示自己因為有私事,打算將年假嘅日子由星期三改到星期五,但就反而被上司質問?!

打工仔因為颱風而打算銷假,更改假期日期。Photo from TVB

#預告颱風將於星期三接近香港!

強烈熱帶風暴「獅子山」啱啱先走咗,又迎來第二個颱風「圓規」,而天文台今次好早就預先同大家講預計星期三會最接近香港,並預告今次嘅颱風威力好有可能比「獅子山」更加厲害,希望市民有心理準備!

天文台表示預計熱帶氣旋「圓規」將會星期三凌晨最接近香港。Photo from 香港天文台

#打工仔星期三請咗年假!

日前,有位打工仔就表示本身自己就喺星期三請咗假,打算嗰日處理銀行事務。但眼見颱風來襲,原先嘅計畫好大可能將會受到影響,所以佢就決定要銷假!

打工仔表示本來星期三請咗年假!Photo from 香港討論區

#希望將假期改為星期五!

打工仔表示自己就同上司講希望可以改星期五放假,不過卻竟然還來上司嘅責怪「點解唔plan好先請假?你點知星期三係咪真係會打風?」,並開始質疑打工仔臨時改星期五放假係想一次過放4日假期!

打工仔決定將假期改為星期五,卻遭上司質問?!Photo from TVB

#換來上司質問?!

唔單止係咁,上司仲同該名打工仔強調「就算星期三大風,你哋都係要WFH(work from home),唔好以為唔洗做嘢啊!」,令佢十分無奈,唔諗過只係改請假日期都會被上司「審問」一輪!

上司仲提醒打工仔就算星期三真係打風,都需要WFH!Photo from TVB

#網民撐打工仔有權利改!

有唔少網民都認為呢位上司未免太不近人情「改假期都要講咁多嘢」、「咁嘅上司平時點忍?」等,認為打工仔都有權利可以更改自己請假嘅日期。有網民仲講笑咁話可能係因為上司都想星期五請假,所以唔可以批假俾佢!

唔少網民都認為呢位上司非常苛刻!Photo from 香港討論區

唔少網民都認為該打工仔好可憐,覺得呢位上司平常應該都對員工唔太好!Photo from TVB

#部分網民認為打工仔係貪心!

不過有網民就認為其實上司嘅做法先係正確嘅,認為打工仔改假期嘅事件太急,並且應該要跟隨返公司本身嘅請假制度先啱。有網民就覺得好明顯打工仔非常厚面皮,竟然夠膽因為打風而去改假期,並且覺得佢改日期嘅原因十分無謂!

有部分網民就認同上司,認為打工仔臨時改日子,非常自私!Photo from 香港討論區

唔少網民都認為打工仔臨時改假期嘅行為好厚面皮!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

打工仔呻公司新規矩返工唔準玩電話!捉到要鎖locker!員工一星期內陸續遞信

29 Sep , 2021

工作中需要一點私人時間,但有啲公司會要求員工喺辦公時間全力工作,近日有網友喺討論區指公司最近要求員工返工唔可以玩手機,令佢哋苦不堪言,更有唔少人因此而辭職

工作中需要一點私人時間,但有啲公司會要求員工喺辦公時間全力工作Photo from TVB

打工仔呻公司規定返工唔準玩電話

手機已成為現代人不可缺少嘅一部分,就算唔打機都要用嚟覆下WhatsApp、Signal等。不過唔係間間公司都可以喺上班時間用手機。

手機已成為現代人不可缺少嘅一部分,就算唔打機都要用嚟覆下WhatsApp、Signal等Photo from TVB

近日喺連登討論區就有網友開post「返工唔比玩電話真係好趕客」,佢表示自己返咗10個月工都相安無事,但上個月office最高職位嘅高層突然出email話唔畀玩電話。

近日喺連登討論區就有網友開post「返工唔比玩電話真係好趕客」,佢表示上個月office最高職位嘅高層突然出email話唔畀玩電話。Photo from TVB

公司高層下令捉到玩手機要鎖locker

之後更每星期都出一封email叫各個team head唔準畀下屬玩手機:「捉到要鎖locker」,令網友直言:「返咗去讀中學咁!」

高層更每星期都出一封email叫各個team head唔準畀下屬玩手機:「捉到要鎖locker」Photo from TVB

員工陸續遞信辭職

樓主指近一個星期office已有3、4位同事遞信辭職,紛紛表示唔畀玩電話太大壓力。樓主又提到佢係喺Bank office工作,平時都唔洗對客嘅,但係連覆下WhatsApp、上下網都唔畀。

樓主指近一個星期office已有3、4位同事遞信辭職,紛紛表示唔畀玩電話太大壓力Photo from TVB

樓主又提到佢係喺Bank office工作,平時都唔洗對客嘅,但係連覆下WhatsApp、上下網都唔畀Photo from TVB

網民表示返office都無得玩手機好難捱

有返銀行工嘅網友表示自己曾經喺唔同bank office工作過,最誇張試過連手機放枱面都唔畀!直言:「觀念好守舊」

有返銀行工嘅網友表示自己曾經喺唔同bank office工作過,最誇張試過連手機放枱面都唔畀Photo from lihkg

公司高層下令唔準玩手機,令網友直言:「返咗去讀中學咁!」 Photo from TVB

有網友就疑惑返工平時都會同其他部門同事溝通、聯絡,手機基本上一定會用到,樓主話高層出咗email指非urgent請用email聯絡、urgent打內線電話。

樓主話高層出咗email指非urgent請用email聯絡、urgent打內線電話。Photo from lihkg

有咩事用email聯絡?Photo from TVB

唔少網民都指返工無得玩電話好難頂:「包請唔到後生入職」,而樓主都表示將會辭職,依家無視高層新訂規矩,繼續玩手機。

唔少網民都指返工無得玩電話好難頂Photo from lihkg

網友:「包請唔到後生入職」Photo from lihkg

樓主都表示將會辭職,依家無視高層新訂規矩,繼續玩手機。Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel