download HolidaySmart 假期日常 app
劉德華老婆朱麗倩舊照曝光!清秀樣貌獲網民大讚:果然係天王嫂!

劉德華老婆朱麗倩舊照曝光!清秀樣貌獲網民大讚:果然係天王嫂!

娛樂新聞
By Stephanie on 13 Oct 2021
Digital Content Writer

天王劉德華嘅私生活一直都十分低調,鮮少公開同老婆朱麗倩嘅合照。最近,有網民就翻查出過往朱麗倩以前嘅照片,仲大讚女方樣貌清秀,氣質出眾!

劉德華老婆朱麗倩過往照片曝光,獲網民大讚!Photo from 華仔天地

# 劉德華入行只認愛過2次!

現年60歲嘅劉德華嘅私生活一向低調處理,入行以來甚少傳出緋聞,婚前只係承認過同喻可欣嘅戀情,並於2008年與少4年嘅朱麗倩結婚。婚後兩人育有一女劉向蕙Hanna,一家三口幸福美滿!

劉德華一直都十分低調,十分保護老婆同女兒嘅隱私!Photo from 《拆彈專家》微博

劉德華曾於粉絲見面會罕有公開同囡囡合照!Photo from 微博

# 朱麗倩選美舊照曝光!

最近,有網民就翻出劉德華老婆朱麗倩過往參加選美比賽時期嘅照片,獲網民大讚美貌出眾!從照片中所見,朱麗倩身穿白色連身裙,配搭華麗搶眼嘅首飾,五官十分標緻;而另一張照片就身穿黃色背心裙,配上沖天炮髮型,展現青春魅力~

朱麗倩選美時期嘅舊照片曝光!Photo from 微博

其中一張照片,朱麗倩身穿黃色裙,超青春~Photo from 微博

# 網民指神似日本女星!

有網民仲話覺得第二張照片,朱麗倩同木村拓哉嘅細囡木村光希有幾分相似呢~

有網民覺得朱麗倩以前嘅照片同木村光希撞樣!Photo from 木村光希IG

# 兩人1986年認識

朱麗倩係一位馬來西亞華裔,於1985年嘅時候參加馬來西亞「新潮小姐」比賽榮獲季軍,並正式入行成為平面模特兒。有傳,佢同劉德華喺1986年嘅時候透過朋友介紹而認識,繼而開始相戀。

劉德華與朱麗倩於1986年就認識!Photo from 微博

# 2009年認愛!

雖然之後一直都有唔少傳媒傳出兩人相戀嘅緋聞,不過劉德華都非常小心翼翼咁對待戀情,從來都冇公開認愛!直到2009年,朱麗倩嘅父親因病出世,劉德華以女婿身份出現於訃告,才導致兩人秘密結婚嘅消息曝光!

劉德華於2009年公開戀情,並於香港機上拖住朱麗倩,引起轟動!Photo from 中天新聞

# 兩人感情恩愛

兩人拍拖多年,不過感情一直都十分甜蜜。劉德華曾經喺訪問中透露1997年時,就已經彼此認定對方終生伴侶,並下定決心唔會讓對方受到傷害。而兩人拍拖以來幾乎從來冇吵過架,感情好到身旁嘅朋友都表示羨慕啊~

劉德華婚後受訪時,就罕有地提起同老婆朱麗倩嘅相識過程、相處等。Photo from 《鲁豫有约一日行》

劉德華表示兩人好少吵架!Photo from 《鲁豫有约一日行》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

劉德華曾經話「唔想再同某女演員合作」? 因為拍攝時經常遲到/情緒失控?!

7 May , 2021

天王劉德華入行以嚟拍過唔少電影,十分受歡迎,敬業嘅態度更加係眾所周知!不過,佢曾經喺綜藝節目揚言唔會再同某位女明星合作,究竟係邊個令出名脾氣好嘅天王都唔希望再同佢合作呢?!

《拆彈專家2》FBPhoto from 《拆彈專家2》FB

現年59歲嘅劉德華係大家眼中嘅全能藝人,可以唱歌,又有演技。入行多年,拍攝過好多出名嘅影視作品,吸引咗一大班粉絲,而佢嘅敬業態度更加令同佢合作過嘅演員們都讚不絕口!

《拆彈專家2》FBPhoto from 《拆彈專家2》FB

劉德華亦係圈中公認脾氣好嘅人,喺2011年拍攝電影《建黨偉業》時,一起合作嘅Angelababy仲係一位新人,所以拍哭戲嘅時候,無論點都喊唔出!但佢依然好耐心咁教導佢演戲,就算對方聽唔明,佢都三番四次咁解釋俾佢聽,仲親自為佢塗上催淚棒,等佢可以順利完成拍攝哭戲~

《建黨偉業》Photo from 《建黨偉業》

微博Photo from 微博

然而,劉德華就曾經喺節目中話自己唔會再同某位女演員合作,而佢就係張柏芝!佢哋兩人於2003年一齊合作拍攝電影《大隻佬》,據聞當時張柏芝就已經出名任性,不過因為向華強不停推薦同說服佢,所以最後就只好答應合作。

張柏芝微博Photo from 張柏芝微博

但張柏芝喺拍攝期間,經常都情緒失控,仲經常遲到耽誤大家嘅拍攝進度。而當時劉德華因為角色需要,長期都要穿著30KG嘅「假肌肉」,但就有好幾次都因為張柏芝,而需要中斷拍攝。搞到佢忍唔住同向華強抱怨,自己係因為比面佢先願意繼續拍!

《大隻佬》Photo from 《大隻佬》

《大隻佬》Photo from 《大隻佬》

劉德華仲曾經喺節目分享過有一場戲係需要喺高空吊威亞直落地下救女主角,但喺正式拍攝嘅時候就竟然發現佢傾緊電話,令佢覺得不受尊重。雖然喺節目中,佢並冇透露當時嘅女演員係邊一位,但唔少網民都已經估到佢講緊嘅正正就係張柏芝!

《康熙來了》Photo from 《康熙來了》

《康熙來了》Photo from 《康熙來了》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel