新垣結衣星野源結婚後仍分居？日本新興「分居婚」感情反能保鮮？！
Photo from 《逃避雖可恥但有用》
新垣結衣與星野源因拍《逃避雖可恥但有用》結緣，宣佈結婚
現年32歲有「國民老婆」之稱嘅新垣結衣於2021年5月宣佈同40歲男歌手星野源結婚，驚震成個亞洲。
Photo from 《逃避雖可恥但有用》
兩人喺2016年合作拍攝日劇《逃避雖可恥但有用》，劇集大獲好評之餘，兩人更收穫珍貴嘅緣份，喺2021年公佈結婚消息後，結衣宣佈與事務所不再續約，日後將以個人身份繼續演藝活動。
日媒報道新垣結衣星野源婚後並未同居
結衣BB同星野源因拍劇擦出愛火，維持地下戀情幾年終於修成正果。但近日據日本傳媒《MAG2NEWS》報道，兩人雖然住喺同一幢大廈，但婚後未有同居。
Photo from 《逃避雖可恥但有用》
Photo from 《逃避雖可恥但有用》
星野源早前上日本綜藝節目《到處都是奧黛麗》就透露佢同結衣仲未開始同居生活，甚至連一齊住嘅想法都無。兩人各自住喺自己屋企，但為咗見對方都會互相前往彼此嘅家。
Photo from 《逃避雖可恥但有用》
日本近年流行新婚姻形式「分居婚」
其實結衣BB同星野源婚後分居亦係日本近年流行嘅婚姻生活，畢竟同居一室就要適應彼此嘅生活習慣，更有可能會因為對方嘅「壞習慣」而互相睇大家唔順眼。
Photo from 《逃避雖可恥但有用》
除此之外，一齊住仲要分擔家務，日見夜見，相處時間越多越容易有磨擦，出現夫婦嗌交嘅情況。
Photo from 《逃避雖可恥但有用》
「分居婚」唔止可以有返自己嘅個人空間，亦唔使花時間遷就對方嘅生活習慣，而且保持距離更唔會相看兩生厭，令感情可以繼續保持新鮮。
Photo from 《逃避雖可恥但有用》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
新垣結衣婚前曾透露理想型需具備呢幾項要求 星野源中哂?
25 May 2021
32歲日本「國民老婆」新垣結衣上星期宣佈同40歲男歌手星野源結婚，令各地fans非常震驚。近日，結衣BB喺過往訪問中公開嘅理想丈夫條件被網民翻炒，綜合出佢對老公有10項要求，包括「喜歡小孩」、「要一直對我感情不變」等等。原來要做結衣嘅理想老公好難！但星野源始乎全部過關。
Photo from @kj_hsj_blue0618 Twitter
新垣結衣係好多人心目中嘅老婆，佢同星野源共同拍攝嘅大熱日劇《逃避雖可恥但有用》於2016年啟播，不論當中劇情，二人間嘅化學作用，定係片尾編舞「戀舞」都成為城中熱話。
Photo from 《逃避雖可恥但有用》官方Twitter
由於劇集大受歡迎，《逃恥》於今年1月播出全新2小時特別篇，劇情描繪兩人飾演嘅美栗和平匡進入婚姻生活第3年嘅故事，同時描述自2020年突如其來嘅疫情為佢哋帶嚟嘅影響。
Photo from 《逃避雖可恥但有用》新春SP特別篇 截圖 HMVOD Digital Group
結衣同星野源不僅喺劇中擦出火花，更加喺現實發展地下情。宜家修成正果，好多粉絲都仲未能平復心情。唔少人為咗抒發對結衣BB嘅思念而翻睇佢過往訪問，仲發現到佢已公開過對未來丈夫嘅10大要求！
Photo from 《逃避雖可恥但有用》官方Twitter
經網民整合後，結衣BB對丈夫有以下10項要求：「要一直對我感情不變」、「喜歡小孩」、「要顧及別人感受」、「要價值觀一致」、「我即使睡覺到任何時候也不會介意的人」、「性格溫柔」、「寵物也會喜歡的人」、「可以一同分享歡樂的人」、「能夠了解女性內心的人」、「可以在背後給予意見的人」。
Photo from 《逃避雖可恥但有用》官方Twitter
除咗以上條件，結衣BB亦曾表示希望可以同未來丈夫真誠相對，又希望對方擁有為每件事都竭盡所能嘅精神，對自己做嘅事自豪。
Photo from @Gakkiyuiaragaki Facebook
有網民認為結衣對老公猶如「婚前協議」嘅要求好嚴格，但咁係因為結衣非常重視家庭，佢現時事業有成，目前有7個代言，單靠廣告代言酬勞已能「袋袋平安」。結衣同星野源嘅婚事引起極大迴響，有指已有唔少廣告商想搵二人以夫妻檔拍廣告，估計酬勞可高達1億日圓（約711萬港元），業界更有消息指最新叫價可升至1.4億日圓（約1千萬港元）。
Photo from 《逃避雖可恥但有用》官方Twitter
所以，有指結衣認為於丈夫快樂生活比起賺錢更重要，有消息盛傳佢拍畢明年播出嘅NHK大河劇《鎌倉殿的13人》後，可能會於2023年退出演藝界。
Photo from 星野源 IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
