download HolidaySmart 假期日常 app
盤點10位「過檔」ViuTV離巢藝人 余子明大爆TVB工作辛酸史!

盤點10位「過檔」ViuTV離巢藝人 余子明大爆TVB工作辛酸史!

娛樂新聞
By Stephanie on 15 Oct 2021
Digital Content Writer

TVB自開台至今,已經培育咗好多嘅藝員明星。然而,唔少TVB出身嘅藝人喺約滿之後,都可能會選擇回復自由身,並選擇去「對手」ViuTV公司出演節目㗎!而家就等我哋一齊睇下有邊啲離巢藝人係曾經參與過ViuTV嘅節目啦~

唐寧因為TVB合約問題而不受力捧?!Photo from 唐寧IG

廖碧兒

廖碧兒於2000年參加溫哥華華裔小姐並獲得冠軍,再於2001年參加國際華裔小姐競選。隨後,佢就加入第15期無綫電視藝員訓練班,與TVB簽下10年合約,2011年滿約後離開TVB!

廖碧兒2001年加入TVB藝人訓練班!Photo from TVB

廖碧兒與TVB簽下為期10年嘅合約!Photo from 廖碧兒IG

自2016年開始,廖碧兒不時參與ViuTV電視劇拍攝,包括:《瑪嘉烈嶼大衛系列》、《身後事務所》等,並於今年首次主持節目《是滴是友》!

廖碧兒於ViuTV首次挑戰成為主持人。Photo from ViuTV

廖碧兒亦有出演ViuTV電視劇。Photo from 廖碧兒IG

林保怡

林保怡1989年開始加入樂壇,後來漸漸轉向影視圈發展,加入TVB,不過大多飾演配角角色。直到1997年,佢首次於《鑑證實錄》擔正做男主角,大獲好評,並出演《妙手仁心》、《金枝慾孽》等。

林保怡初初入TVB時,大多都係飾演配角角色。Photo from TVB

直到1997年,林保怡開始獲得更多演戲機會,令大家留下深刻印象!Photo from TVB

2011年,林保怡與TVB約滿,正式解約結束22年合約關係!2016年,佢擔正出演ViuTV開台劇《瑪嘉烈與大衛系列 綠豆》,再於2020年出演兼監製《嘆息橋》。

後來,林保怡出演以及監製電視劇《嘆息橋》!Photo from ViuTV

沈卓盈

沈卓盈2002年參加「第4屆《TVB週刊》Cover Girl」選舉榮獲冠軍,隨後成為TVB旗下藝人!佢主要擔任主持人角色,主持《最緊要正字》、《千奇百趣》等;後來亦有出演電視劇。

沈卓盈主要擔任主持人,並參加唔同嘅綜藝節目!Photo from TVB

後來,沈卓盈亦有出演電視劇。Photo from TVB

沈卓盈2018年底正式與TVB約滿,並公開感謝TVB 16年來嘅栽培。2020年,佢參與ViuTV電視劇《熟女強人》以及主持節目《肺解》。

2020年,沈卓盈開始出演ViuTV電視劇以及節目。Photo from ViuTV

黃德斌

黃德斌參加第15期無綫電視藝員訓練班而入行,初期大多飾演閒角,1997年因為拍攝《天地豪情》,令大眾開始對佢有深刻印象。2006年於《萬千星輝頒獎典禮》獲「最佳男配角」,演技實力受肯定!

黃德斌初期大多飾演閒角,並冇太大機會發揮演技!Photo from TVB

黃德斌憑著多年努力,終於喺2006年榮獲「最佳男配角」!Photo from TVB

2017年,黃德斌正式離開無綫。2021年,黃德斌出演ViuTV改編日本電視劇《大叔的愛》,搞笑破格演技大獲好評,令佢人氣飆升!

黃德斌今年出演《大叔的愛》,並成功獲得網民大讚!Photo from ViuTV

黃德斌於劇中同Edan@MIRROR擦出愛火!Photo from 黃德斌IG

簡慕華

簡慕華2000年參加香港小姐競選後,加入TVB,出演多部電視劇,大多都係配角角色。直到2007年,拍攝《同事三分親》Doris一角為人熟悉。

簡慕華於TVB大多飾演女配角角色。Photo from TVB

2017年,簡慕華與無綫解約,終止17年賓主關係。2021年,佢參與ViuTV《大叔的愛》,劇中飾演黃德斌妻子,成功引起網民們嘅關注!

簡慕華亦有出演《大叔的愛》,飾演黃德斌妻子。Photo from 簡慕華IG

簡慕華於劇中嘅亮眼表現,成功獲網民大讚!Photo from 簡慕華IG

胡杏兒

胡杏兒1999年參選香港小姐競選,並獲得季軍以及「活力風采獎」,成為雙料港姐而加入TVB。入行後,佢獲得唔少拍攝電視劇嘅機會,並參與多部經典無綫劇集《流金歲月》、《我的野蠻奶奶》等,並於2011年憑《萬凰之王》奪得視后,演技備受肯定!

胡杏兒1999年參選香港小姐奪得季軍而入行!Photo from TVB

胡杏兒於TVB參與多部經典電視劇!Photo from TVB

而佢2015年同TVB滿約並離開,不過就表明唔排除以後仲會同TVB合作。2020年,佢就有份出演ViuTV《熟女強人》電視劇。

胡杏兒離開TVB後,曾出演ViuTV《熟女強人》。Photo from ViuTV

陳國邦

陳國邦1989年開始出演TVB嘅電視劇,不過大多飾演配角,期間佢亦有參與多部電影拍攝,並於1994年憑《飛虎雄心》獲香港金像獎提名!直到2016年年尾,佢決心離開TVB,往藝術方面發展。

陳國邦1986年就已經加入TVB,可惜甚少有機會俾佢發揮演技實力。Photo from TVB

2017年,陳國邦出演ViuTV《身後事務所》,不過就有傳TVB高層因此而感到不滿,臨時將佢從節目《公公出埠》以及電視劇《包青天再起風雲》踢走!

陳國邦2017年出演ViuTV電視劇,有傳因此激怒TVB高層?!Photo from ViuTV

余子明

余子明係TVB嘅著名甘草演員,自1967年加入TVB後,出現於多部電視劇中,包括:《皆大歡喜》、《法政先鋒》、《溏心風暴》等,係大家都見到就非常熟悉嘅演員!

余子明於TVB工作33年,係出名嘅甘草演員!Photo from TVB

其中,余子明於《封神榜》中飾演姜子牙一角令網民十分深刻!Photo from TVB

不過上年TVB將合約改成「1年一騷」,令余子明不滿並決心離開工作已經33年嘅TVB!早前,導演羅嘉駿就上載ViuTV拍攝中嘅劇集《940920》拜神儀式照片,就發現余子明嘅身影,而佢喺接受訪問時表示「呢度同TVB唔同,TVB辛苦好多,成日都半夜拍攝,而家舒服好多!」

余子明正在拍攝ViuTV電視劇!Photo from 羅嘉駿IG

唐寧

唐寧8歲嘅時候就成為童星,而佢於1992年時出演TVB劇集《大時代》中飾演童年方芳更加成為唔少人心目中嘅經典角色!2001年,佢以部頭合約同TVB簽約,由於合約關係所以未受力捧,大多飾演女二角色,不過都成功引起網民關注。

唐寧8歲嘅時候成為童星!Photo from 唐寧IG

唐寧2001年正式同TVB簽約!Photo from TVB

直到2010年,唐寧約滿離開TVB,開始往內地發展。2020年,佢就獲ViuTV邀請參與旅遊節目《最熟悉的陌生人》嘅拍攝。

唐寧獲邀出演ViuTV旅遊節目!Photo from ViuTV

陳嘉倩

陳嘉倩2014年時獲TVB邀請成為新聞台主播,並有份主持《周末主播室》、《天氣報告》等,曝光率非常高!佢當時憑著甜蜜嘅外表,成功吸引一班粉絲,仲被大家稱為「嘉倩BB」。

陳嘉倩2014年開始入TVB成為新聞主播!Photo from TVB

陳嘉倩亦有份主持唔同時事節目!Photo from TVB

直到2017年,陳嘉倩離開TVB繼續進修。自2018年開始,佢不時都會出現於ViuTV嘅節目當中,包括有:《今晚趁熱食》、《娛樂ON AIR》、《學神出沒注意》等。

陳嘉倩於《學神出沒注意》嘅揸車態度,引起網民不滿!Photo from ViuTV

陳嘉倩出演多個ViuTV綜藝節節目!Photo from ViuTV

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

TVB「真人靚過上鏡女星」投票!李佳芯高票登榜首!第二位出人意料?林夏薇/陳自瑤無份

7 Oct , 2021

TVB《思家大戰》有獎問答遊戲《思家觀眾大戰》,搵咗100位TVB台前幕後投票選出「TVB真人靚過上鏡嘅女藝員」。日前官方公佈完整名單,李佳芯高票登頂第一位!另外觀眾緣好好嘅朱千雪都有第三位,除咗佢哋之外,其他上榜女星出人意料!

TVB《思家大戰》有獎問答遊戲《思家觀眾大戰》,搵咗100位TVB台前幕後投票選出「TVB真人靚過上鏡嘅女藝員」。Photo from TVB

官方公佈完整名單,李佳芯高票登頂第一位!Photo from 李佳芯 IG

視后Ali李佳芯獲「TVB真人靚過上鏡女星」第一位

Ali一向觀眾緣好,即使曾被「雪藏」仍有唔少fans支持。佢今年喺《愛美麗狂想曲》、《智能愛人》嘅演出獲觀眾好評,尤其係《智能愛人》,Ali於劇中飾演機械人,有指佢出色演技令TVB高層大為讚賞,有望再奪視后!

《智能愛人》Ali飾演機械人,有指佢出色演技令TVB高層大為讚賞,有望再奪視后!Photo from 李佳芯 IG

其實喺競猜時已有好多網友揀咗Ali,可見佢人氣之高,仲係公認嘅美人,喺100位TVB工作人員投票中獲28票,有網民得知結果後表示Ali上鏡都已經好靚,估唔到真人仲靚!

喺競猜時已有好多網友揀咗AliPhoto from TVB

有網民得知結果後表示Ali上鏡都已經好靚,估唔到真人仲靚!Photo from TVB

視后Ali李佳芯獲「TVB真人靚過上鏡女星」第一位Photo from 李佳芯 IG

麥美恩Mayanne得第二位出乎意料?

如果話Ali第一係眾望所歸,Mayanne麥美恩喺競猜初期幾乎無人估係佢。其實麥美恩係港姐出身,佢參加《2011年度香港小姐競選》獲得第四名(當屆冠軍為朱晨麗),不過之後佢主力出演綜藝節目。

麥美恩係港姐出身,佢參加《2011年度香港小姐競選》獲得第四名Photo from 麥美恩 IG

Mayanne雖然係港姐出身但出演綜藝「零包袱」,肯放下身段,獲封為「新一代搞笑綜藝女王」。Mayanne得票數都唔低,100票中獲20票,投票嘅工作人員有五分之一都揀佢!

Mayanne雖然係港姐出身但出演綜藝「零包袱」,肯放下身段,獲封為「新一代搞笑綜藝女王」Photo from 麥美恩 IG

朱千雪獲第三位,「民選港姐」轉行做大律師

除咗Ali之外,朱千雪亦係TVB超有觀眾緣嘅女藝人,佢於2012年參選港姐入行,當時因網上投票系統伺服器發生問題,朱千雪只得季軍,網民亦因此封佢為「民選冠軍」,估唔到呢個投票同港姐一樣,千雪BB以16票位列第三。

朱千雪2012年獲香港小姐季軍,網民封佢為「民選冠軍」,估唔到呢個投票同港姐一樣,千雪BB以16票位列第三。Photo from 朱千雪 IG

雖然佢參演嘅電視劇唔多,但喺《EU超時任務》首度擔演女主角演技就大獲好評,不過千雪BB現時轉投法律界,主力做大律師工作,少有喺幕前出現。

朱千雪現時轉投法律界,主力做大律師工作Photo from 朱千雪 IG

陳凱琳憑異國風情長相奪第四位

港姐冠軍出身嘅陳凱琳比朱千雪少5票,以11票獲第四。佢入行後備受力捧,出演電視劇。同鄭嘉穎結婚之後佢就減少幕前工作,生下鄭承悅(Rafael)兩年後再誕下次子鄭承亮(Yannick),成幸福靚媽。

港姐冠軍出身嘅陳凱琳比朱千雪少5票,以11票獲第四。Photo from 陳凱琳 IG

當初參選港姐時陳凱琳因為長相具異域風情而成為話題,不過佢就指自己並非混血兒,陳凱琳不時會喺IG晒靚相,無愧港姐冠軍之名~

當初參選港姐時陳凱琳因為長相具異域風情而成為話題Photo from TVB

「最佳女配角」賴慰玲第五位,除咗演技仲有美貌

賴慰玲2020年憑《反黑路人甲》「大小姐蔣千霞」一角獲「最佳女配角」,佢係香港演藝學院表演系出身,當初獲老師羅冠蘭推薦入行,連影帝黃秋生都大讚佢演技不俗。

賴慰玲係香港演藝學院表演系出身,當初獲老師羅冠蘭推薦入行,連影帝黃秋生都大讚佢演技不俗。Photo from 賴慰玲 IG

出道以嚟佢嘅演技都獲網友認可,但佢除咗精湛演技外本身都係靚女,投票只少第四位嘅陳凱琳1票,以10票居第五。有網友喺留言表示有次喺街上見到賴慰玲感到驚訝,因為對方真人靚過上鏡好多!

有網友喺留言表示有次喺街上見到賴慰玲感到驚訝,因為對方真人靚過上鏡好多!Photo from TVB

出道以嚟賴慰玲嘅演技都獲網友認可,但佢除咗精湛演技外本身都係靚女Photo from 賴慰玲 IG

「大面Bella」林穎彤力壓林夏薇、蔡思貝

林穎彤童星出身,加入TVB後雖然出演過唔少劇集,但都係飾演配角,估唔到佢竟然力壓港姐亞軍兼視后嘅蔡思貝、華姐冠軍岑麗香等人,以6票奪得第六位!當時競猜有唔少人都估有林夏薇、陳自瑤,但林穎彤卻成功突圍而出!不過投票係「真人靚過上鏡」,可能其他人真人同上鏡差唔多,所以未獲投票。

「大面Bella」林穎彤力壓林夏薇、蔡思貝Photo from 林穎彤 IG

林穎彤童星出身,加入TVB後雖然出演過唔少劇集Photo from 林穎彤 IG

TVB《思家大戰》有獎問答遊戲《思家觀眾大戰》,搵咗100位TVB台前幕後投票選出「TVB真人靚過上鏡嘅女藝員」Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel