download HolidaySmart 假期日常 app
林建岳前妻謝玲玲市值4億獨立屋曝光! 利用巨額贍養費 投資成功變女強人!

林建岳前妻謝玲玲市值4億獨立屋曝光! 利用巨額贍養費 投資成功變女強人!

娛樂新聞
By Stephanie on 15 Oct 2021
Digital Content Writer

富二代林健岳嘅前妻謝玲玲現時過住奢華寫意嘅日子,仲經常喺IG同大家分享佢嘅生活。據悉,佢憑住當年於收取到嘅贍養費,投資房地產,成功將身家「越滾越大」;而佢市值約4億嘅獨立屋豪宅內部亦曝光!

謝玲玲公開位於九龍塘嘅獨立屋內部!Photo from 謝玲玲IG

# 童星出身

現年65歲嘅謝玲玲出生於台灣,8歲時參加《婉君表妹》童星甄選成功脫穎而出,並投身娛樂圈,仲憑演技成功連續2屆獲得「金馬獎最佳童星獎」!隨後,佢曾參演多部電視劇拍攝,並且大多擔正做女主角,星途可以話係一帆風順~

謝玲玲8歲時成為童星,並正式入行!Photo from 謝玲玲IG

其後謝玲玲獲得多個電視劇拍攝機會,多次擔正成為女主角。Photo from 謝玲玲IG

# 與林健岳結婚後 淡出娛樂圈!

直到1980年,謝玲玲同「麗欣集團」富二代林健岳結婚,婚後隨即淡出娛樂圈,並誕下5名子女。可惜,兩人嘅婚姻只係維持咗15年就結束,當時有傳係因為林健岳婚後依然緋聞不斷,而佢仲因為想追求王祖賢而離婚。

謝玲玲婚後1980年與林健岳結婚,並淡出娛樂圈。Photo from 謝玲玲IG

兩人婚後育有5位子女。Photo from 謝玲玲IG

# 獲取4億贍養費!

由於謝玲玲結婚時,與奶奶林余寶珠關係十分好,所以當時離婚獲得$4億嘅巨額贍養費!直到而家,佢依然同前奶奶保持友好關係,仲被對方喻為「永遠的新抱」,可見兩人關係匪淺。

謝玲玲同前奶奶林余寶珠關係超好,仲曾經一齊去旅行!Photo from 謝玲玲IG

直到而家,謝玲玲依然會定期與林余寶珠見面。Photo from 謝玲玲IG

# 投資房屋獲利!

謝玲玲非常機智咁利用當年收取到嘅贍養費,投資有道,主要投資房地產,並成功從中獲利,成為內地香港嘅商場女強人!據悉,佢1988年以400萬買下位於九龍塘嘅近6,000尺嘅獨立屋,直到而家佢依然居住喺該豪宅內,而獨立屋嘅市值已經升至4億港幣!

謝玲玲利用當年所獲得嘅贍養費,投資房屋成功獲利!Photo from 謝玲玲IG

謝玲玲當年以400萬買下嘅獨立屋,已經變成4億!Photo from 謝玲玲IG

# 獨立屋內部公開!

謝玲玲現時過著幸福嘅生活,經常邀請朋友去佢屋企作客,並喺IG大晒照片。由照片中所見,獨立屋內嘅裝潢主要都係以豪華設計為主,屋內有好多收藏嘅名畫以及高貴典雅嘅水晶燈。

謝玲玲獨立屋內擺放咗唔少名畫,並主要以高貴為主要設計風格!Photo from 謝玲玲IG

水晶燈亦係謝玲玲豪宅內其中一個十分重要嘅亮點!Photo from 謝玲玲IG

# 飯廳空間大!

而位於2樓嘅飯廳就放置咗一個超大型嘅酒櫃,超大嘅圓形飯枱配搭黃色貴妃椅,令飯廳睇落高貴大方。而飯廳位置嘅後方就喺通往客廳嘅樓梯,令空間感變得十分大,又謝玲玲經常都會邀請朋友以及家人一齊喺屋企團聚嘅~

謝玲玲經常都同5位子女以及孫子女們一齊聚會,十分溫馨!Photo from 謝玲玲IG

謝玲玲仲會邀請好姐妹們佢屋企聚舊。Photo from 謝玲玲IG

除此之外,謝玲玲嘅獨立屋內仲有房間放置佢平時種植嘅植物,房間內仲有一塊超大嘅落地玻璃,令房間睇落更加開揚!

謝玲玲屋內空間超多,唔同嘅房間都有唔同擺放咗佢鍾意嘅花。Photo from 謝玲玲IG

呢間房間嘅亮點就係擁有超大嘅落地玻璃!Photo from 謝玲玲IG

# 設有獨立畫室!

本身就鍾意畫畫嘅佢仲喺屋內設有私人畫室,擁有一個屬於自己嘅小空間,等佢可以發揮自己嘅無限創意,陶冶性情~

謝玲玲本身就對畫畫十分有興趣!Photo from 謝玲玲IG

謝玲玲嘅豪宅內設有畫室。Photo from 謝玲玲IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

何超儀3層高豪宅曝光!超大戶外花園 開派對猶如藝術品牌發佈會

13 Oct, 2021

何超儀係已故賭王何鴻燊眾多子女中,其中一位最有知名度,又可謂最有個人風格嘅一位千金。日前,佢喺IG上載穿搭照,造型充滿獨特氣派,但不少網民同時將注意力放到超儀嘅豪宅背景,其藝術裝潢風格好搶眼!

何超儀上載穿搭照曝光豪宅環境Photo from 何超儀 IG

何超儀、陳子聰互相扶持相愛18年

46歲何超儀早年以歌手身份出道,後來轉戰影壇,參演過多部電影作品,包括《豪情》、《維多利亞壹號》等,屢次榮獲最佳女配角及女主角獎,演技備受肯定。佢同陳子聰於2003年結婚,丈夫以往受腸病困擾期間,超儀都對佢不離不棄,頻頻出入醫院照顧丈夫,真係患難見真情。

何超儀與陳子聰2003年結婚,相愛18年至今經歷過不少困難Photo from 何超儀 IG

何超儀上載穿搭照曝光豪宅環境

何超儀一向無被豪門家境限制其風格路線,唔只打扮造型,連居家環境都好有個人風格。最近,超儀喺IG分享新穿搭照,佢身穿粉紅色連身裙,頭戴灰色貝雷帽,配搭圍巾及腰帶對鏡自拍,型格又不失女人味。

何超儀分享新穿搭照好有型~Photo from 何超儀 IG

除咗造型,照片中嘅背景亦成功引起關注。相中可見超儀居住嘅大屋至少有三層高,樓梯設有玻璃護欄配木系扶手柄,而每層樓梯嘅牆壁都掛有多幅藝術畫作。

何超儀豪宅內掛有好多畫作Photo from 何超儀 IG

其他相片中,亦可見超儀身後有一大個玻璃櫃,櫃內掛滿各式各樣嘅帽子,睇嚟佢對帽子情有獨鐘。另一張照片亦可見地上擺有一堆鞋子,地氈花紋都富有特色。

何超儀好鍾意收藏帽子Photo from 何超儀 IG

何超儀家居佈置富有個人風格Photo from 何超儀 IG

何超儀屋企幾有外國藝術風格Photo from 何超儀 IG

照片亦可見超儀手拿刻有自己英文名字嘅訂製Cushion,背後有石牆及大書櫃,環境散發著濃濃嘅文化氣息。

何超儀訂製Cushion~Photo from 何超儀 IG

何超儀書房有石牆Photo from 何超儀 IG

不少相片能見到超儀經常收到各式各樣又品牌贈送嘅禮物、花束等。

何超儀不時收到品牌禮物Photo from 何超儀 IG

何超儀豪宅擁超大戶外花園,好有藝術氣色

輪到非常矚目嘅超大戶外花園,相片顯示陳子聰在花園慶祝超儀生日,二人將環境佈置到成個藝術品牌派對咁。兩人身後嘅石牆掛有一幅大藝術壁畫,下方仲有一個錦鯉池,而旁邊就有高身植物增添大自然氣色。

何超儀豪宅戶外花園超有空間感~Photo from 何超儀 IG

魚池前方擺放了一張長椅、枱、各式花、氣球、及Cushion,色彩繽紛又有藝術格調。

戶外花園開生日派對Photo from 何超儀 IG

有魚池、植物、大壁畫Photo from 何超儀 IG

相信都係戶外花園中,更設有充氣泳池讓超儀嘅多隻愛犬嬉春玩樂,寵物都過得相當愜意~

狗狗都喺水池玩得好開心~Photo from 何超儀 IG

何超儀社交平台中嘅一條影片中亦可見超儀在豪宅嘅戶外環境進行健身,長走廊中擺了一架健身單車後仲有好大空間,想擺更多架生都絕無問題。走廊旁種有不少植物,環境相當別緻。

何超儀屋外有長走廊Photo from 何超儀 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel