download HolidaySmart 假期日常 app
女同事主動出擊追求港男 晚晚傳簡訊 網民勸喻:伏味濃!

女同事主動出擊追求港男 晚晚傳簡訊 網民勸喻:伏味濃!

生活熱話
By Stephanie on 15 Oct 2021
Digital Content Writer

有唔少人喺遇到心儀對象嘅時候,都會勇敢地主動出擊。最近,有位港男就表示正在被一位新來嘅女同事追求中,而且仲日日都會主動同佢send短訊。其實港男對呢位女同事都有好感,不過佢就記得女同事曾經講過話自己已經有男友,令佢十分煩惱!

港男表示同被女同事落力追求中,十分不知所措!Photo from TVB

# 港男被新女同事追求!

唔少人喺遇到心儀對象時,都會有唔同嘅反應,有啲就比較害羞,而有啲就非常主動追求所愛!日前,港男就表示自己正在被女同事追求,感到非常煩惱,希望各位網民可以俾啲建議佢~

港男表示最近受到女同事嘅主動追求!Photo from dcard 討論區

# 一齊返工而變熟絡

港男表示自己係A1,原本公司就冇咩女仔,就算有女同事好多時都已經名花有主。最近,公司就請咗一位新嘅女同事,樣貌都尚算唔錯,只係有少少MK。有一次,兩人返工嘅更咁啱一樣,所以佢哋就變熟絡咗好多。

港男表示同最近新來嘅女同事變得熟絡!Photo from TVB

由於女同事仲係一位新人,所以當日佢就負責帶著呢位女同事。而佢就發現女同事不時都會借機挨落佢身上,仲會經常稱讚佢靚仔,令佢受寵若驚!

女同事有意無意嘅身體接觸,令港男嚇親!Photo from TVB

# 取得女同事電話

有一次,上司就表示需要員工嘅聯絡資料,而女同事就叫港男幫佢填寫,亦因為咁所以佢就攞咗女同事嘅電話!而港男就好有交帶咁向女同事傳訊息表示已經幫佢填寫好資料,並提醒佢關於返工嘅嘢。

女同事叫港男幫手填寫資料,所以就獲得對方嘅電話號碼!Photo from TVB

# 兩人開始日日傳簡訊!

自此,女同事就每日都開始send訊息俾港男,就算返工一齊返,夜晚都會搵港男繼續傾計。由於港男係「有問必答」嘅類型,再加上對方係新人,所有就對佢特別親切,未知女同事係咪因此而有所誤會。有一次,港男返夜班,女同事竟然熬夜同佢傾通宵,仲向港男send咗張便服嘅自拍照!

女同事日日都會同港男傳簡訊!Photo from TVB

# 女同事突然表白?!

直到前幾日,女同事就突然好直接咁問港男「有冇掛住佢?」、「鍾唔鍾意佢?」之類嘅問題,仲親自向港男表白自己嘅心意,令佢十分不知所措!雖然之後女同事話嗰日佢飲多咗亂講嘢,不過就向港男強調當日所講嘅嘢係真嘅!

女同事有晚突然好直接咁表示掛住港男!Photo from TVB

# 對方疑似有男友?

港男就話其實對佢都有好感,但印象中佢曾經講過自己有男友,不過就快分手,所以港男好快就決定要同對方劃清界線!面對女同事如此進擊嘅追求,港男表示唔知道應該點樣應對先會令大家冇咁尷尬!

港男其實對女同事都有好感,但因為知道對方有男友所以就卻步!Photo from TVB

# 網民奉勸唔好「沉船」!

唔少網民睇完港男嘅故事之後,都提醒港男要小心呢位女同事,認為對方似乎對感情並唔認真,而且睇情況女生比較似係想「收兵」!

有網民就覺得女方似乎係想收港男做兵!Photo from dcard 討論區

有網民覺得女同事好明顯就係愛情高手,奉勸港男一定要小心!Photo from dcard 討論區

# 網民認為港男應遠離女同事!

另外,有網民就認為既然都知道對方有男朋友就唔應該咁頻密咁同佢傳短訊!就算兩人最後就係有機會成為情侶,女方都好有可能會繼續喺出面認識其他男仔,認為呢類女仔並唔可取!

有網民就覺得港男都唔應該同女同事經常傳訊息!Photo from dcard 討論區

網民認為好似女同事呢類型嘅女仔並唔適合做女友!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

港男嘆「生得靚仔多著數」!公司姐姐爭住幫手/女上司親自教導!同期平凡實習生待遇天差地別

12 Oct , 2021

唔少人都認為喺呢個「看臉嘅世界」生得靚仔、靚女,得到嘅好處會比普通人多。近日有網友就喺討論區感嘆職場上靚仔多著數,唔止有公司姐姐爭住照顧,連女上司都溫柔對待,相反同期嘅平凡實習生就無咁好待遇。

唔少人都認為喺呢個「看臉嘅世界」生得靚仔、靚女,得到嘅好處會比普通人多。Photo from TVB

網友喺香港討論區開post指公司嚟咗一位「靚仔實習生」

所謂「你的樣子如何,你的日子也必如何(Your face, your fate)」,雖然唔可以話係真理,但的確生得靚仔靚女喺現實生活中都會獲優待,包括喺職場。

「你的樣子如何,你的日子也必如何(Your face, your fate)」,雖然唔可以話係真理,但的確生得靚仔靚女喺現實生活中都會獲優待Photo from TVB

有網友喺香港討論區發文「原來生得靚仔真係好多著數」,佢表示公司最近嚟咗兩個實習生,其中一個生得幾靚仔:「望落有少少似林峯,個樣青靚白淨」,另一位實習生外型無咩突出之處,望落就較為平凡。

有網友喺香港討論區發文「原來生得靚仔真係好多著數」,佢表示公司最近嚟咗兩個實習生Photo from TVB

樓主指其中一個實習生生得幾靚仔:「望落有少少似林峯,個樣青靚白淨」Photo from TVB

另一位實習生外型無咩突出之處,望落就較為平凡。Photo from TVB

靚仔實習生「貌似林峯」,喺職場獲同事、女上司優待

「貌似林峯」嘅靚仔實習生個人比較害羞,深得公司啲姐姐喜歡,唔止成日撩佢講嘢,靚仔實習生有咩唔識姐姐們仲會爭住教佢!

「貌似林峯」嘅靚仔實習生個人比較害羞,深得公司啲姐姐喜歡Photo from TVB

而負責實習生嘅女上司更帶靚仔實習生喺身邊親自教佢,樓主形容女上司平時脾氣火爆,但個靚仔實習生一嚟,女上司就好似變咗個人咁:「把聲好溫柔」

樓主形容女上司平時脾氣火爆Photo from TVB

靚仔實習生一嚟,女上司就好似變咗個人咁:「把聲好溫柔」Photo from TVB

樓主表示靚仔實習生上手較慢,但女上司都唔會鬧佢,有次佢做漏嘢,女上司唔怪責佢仲好好脾氣咁話唔緊要:「話佢新人要慢慢教,大聲少少喝佢都唔捨得。」

樓主表示靚仔實習生上手較慢,但女上司都唔會鬧佢,有次佢做漏嘢,女上司唔怪責佢仲好好脾氣咁話唔緊要Photo from TVB

另一平凡實習生待遇與靚仔實習生天差地別

靚仔實習生喺公司受盡寵愛,同期嘅另一位平凡實習生就無咁好彩,樓主指佢比靚仔實習生表現好好多,稱佢上手好快,但個人好靜,好少同其他人交流,一直默默工作嘅類型。樓主感嘆:「做嘢最多係佢,但比人讚最多係個靚仔。」

靚仔實習生喺公司受盡寵愛Photo from TVB

樓主指平凡實習生比靚仔實習生表現好好多,稱佢上手好快,但個人好靜,好少同其他人交流Photo from TVB

網友指長遠睇,「工作能力」始終比「外型」重要

有網民就指靚仔靚女不嬲都多著數,因為人都有中意靚嘢嘅心態。有網友更直言:「唐僧入了盤絲洞的感覺!」不過亦有網友表示intern工作時間短,所以公司仲會「睇樣」有優待,但如果係正職,做唔到嘢嘅人一做長時間就會「現形」,無晒靚仔嘅filter,職場始終都係工作能力最重要。

有網民就指靚仔靚女不嬲都多著數,因為人都有中意靚嘢嘅心態Photo from 香港討論區

網友直言:「唐僧入了盤絲洞的感覺!」Photo from 香港討論區

亦有網友表示intern工作時間短,所以公司仲會「睇樣」有優待,但職場始終都係工作能力最重要Photo from TVB

有網友就有另一番見解,佢認為靚唔靚仔都係其次,份人好傾、有口才喺職場都可以有著數,佢指「平凡實習生」嘅待遇差距其實未必同個樣有關,可能因為佢太靜,反而令同事覺得唔太容易接近,喺職場嘅人際關係亦因此受阻。

有網友就有另一番見解,佢認為靚唔靚仔都係其次,份人好傾、有口才喺職場都可以有著數Photo from 香港討論區

「平凡實習生」嘅待遇差距其實未必同個樣有關,可能因為佢太靜,反而令同事覺得唔太容易接近Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel