港爸坐擁幾個物業/千萬股票 生活卻異常節儉：仲會執垃圾返屋企！
常言道「有錢並唔係萬能，但冇錢就萬萬不能！」，唔知大家又認唔認同呢個講法呢？！最近，有位網民就於討論區分享有關朋友爸爸嘅故事，表示朋友爸爸坐擁幾層樓，幾千萬嘅股票，可以話係衣食無憂！不過，呢位港爸嘅生活卻十分節儉，甚至會喺垃圾站執垃圾返屋企，令佢十分不解。
Photo from TVB
# 分享朋友爸爸節儉事蹟！
有唔少人努力賺錢就係希望可以下半生衣食無憂，或者給予子女良好嘅成長環境。日前，有位網民就於討論區上分享朋友爸爸嘅故事，表示十分唔理解對方點解要咁節儉咁生活，並以「有無人一世賺錢又唔肯使錢？ 」為題開post。
Photo from 香港討論區
# 成功儲下一大筆積蓄！
該網民話朋友嘅爸爸非常努力工作，成世人只係識得賺錢。直到而家，朋友爸爸已經坐擁幾個物業，手持幾千萬嘅股票，生活已經可以算得上係衣食無憂，可以好好享受退休生活！
Photo from TVB
# 生活非常節儉？！
不過，朋友嘅爸爸就似乎唔係咁諗，反而仲越來越節儉。網民表示呢位港爸平時嘅生活同攞綜緩冇咩分別，同家人居住係300呎嘅單位；買嘅車都一定係逾10年車齡嘅日本二手車，仲會經常喺垃圾站執嘢返屋企！
Photo from TVB
# 網民表示不理解！
網民就認為節儉並唔係問題，但要令家人同自己都生活得舒服先係最總要，然而港爸嘅行為卻似乎係「本末倒置」！眼看住朋友嘅事例，令網民不禁慨嘆「唔通真係要過住咁庹縮嘅生活先可以儲到錢？！」
Photo from TVB
# 網友：其實好多人都咁慳！
呢個post隨即引起網民嘅熱議，有網民就話其實呢個世界上有好多同呢位港爸類似嘅人。唔少人都可能因為年少時比較貧窮，而生活節儉，久而久之就成為咗一個習慣；亦有部分人因為享受戶口財產不斷上升嘅感覺，所以就更加唔願意花錢！
Photo from 香港討論區
Photo from TVB
# 港爸可能係為咗下一代？！
不過有網民就覺得每個人所重視嘅嘢都唔同，一旦係有需要嘅東西可能就會願意花大筆錢購買，仲認為港爸如此節儉可能都只係為咗下一代可以生活得更加好！
Photo from 香港討論區
# 網友認為：儲錢係為改善生活！
有部份網民都同樓主有同樣嘅睇法，認為「存錢係應該要用嚟洗！」，雖然佢哋都覺得儲錢固然重要，但如果會影響到自己嘅生活質素等就十分唔值得！
Photo from 香港討論區
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
港媽要求乘客讓座畀10歲女兒！指成排都係關愛座：係畀小朋友坐！唔係畀你坐！
30 Sep, 2021
Photo from MTR
搭港鐵遇港媽要求讓座
網友投稿於Facebook「生仔要考牌系列」，佢表示自己星期六搭港鐵返工，佢因為要照顧家中嘅小baby，成個人都好攰，坐喺標示為關愛座隔離座位嘅佢為免坐過站，於時就玩下手機。
Photo from TVB
列車到達尖東時有一家四口上車，媽媽拖住目測10歲嘅女兒，爸爸推住BB車。事主稱個媽媽一上車就指住佢話：「呢度係關愛座，唔該你起身俾我個女坐」，令事主大為愕然。
Photo from TVB
事主心諗關愛座唔係隔離嗰兩個位咩？喺佢疑惑之際，坐喺佢另一邊無標示為關愛座座位嘅乘客就主動起身讓咗畀呢兩母女一齊坐。
Photo from TVB
港媽指成行座位都係關愛座，係畀細路坐
而港媽一坐低又係咁同個女講：「呢度成行都係priority seats（優先座）嚟㗎，係for children，not for adults」，令事主忍唔住出聲：「其實關愛座只係最側邊嗰兩個，其他嘅都係普通位」
Photo from TVB
港媽即反駁：「呢度成行都係priority seats，係畀小朋友，唔係畀你坐㗎！」，事主毫不讓步，強調佢坐緊嘅唔係關愛座，又指任何有畀錢搭車嘅人士，都有權坐車廂中每一個位置：「唔係剩係畀你個咁大個嘅囡囡！」
Photo from TVB
事主反駁稱「讓座係人情，唔讓係道理」
事主到站後落車更遭其丈夫擋住去路，唔畀落車。事主力斥呢對夫婦：「未見過啲咁野蠻嘅人」，稱關愛座如果淨係畀小朋友坐，咁其他老人、孕婦等弱勢人士咪無得坐？
Photo from TVB
事主表示即使睇落好健全嘅人亦有可能有傷患病痛，需要坐底休息：「讓係人情，唔讓係道理。」，稱無人應該要為家長承擔照顧小朋友嘅責任：「如果你真係要你小朋友出親街都有位坐嘅，煩請你去call的士。」
Photo from TVB
網友力撐事主
唔少網友都力撐事主，認為關愛座本來就係任何人都坐得，只係優先讓座畀老弱傷殘人士，要求同請求係兩回事，事件中港媽態度惡劣，好無禮貌，個女又咁大個，完全無讓座嘅理由。
Photo from MTR
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
