download HolidaySmart 假期日常 app
港女分享做Sugar Baby經驗!每月收5位數家用/接觸上流社會

港女分享做Sugar Baby經驗!每月收5位數家用/接觸上流社會

生活熱話
By Stephanie on 19 Oct 2021
Digital Content Writer

現時唔少人為咗賺取更多嘅錢,都有可能會身兼多職,同時打幾份工!最近,有位港女就於討論區上分享因為家境貧困而做咗一年「甜心寶貝(Sugar Baby)」嘅經驗,仲表示好感恩能夠遇上呢位Sugar Daddy!

港女親述同成熟男發展特殊關係嘅故事。Photo from TVB

# 港女分享另類賺錢方法?

有唔少人都可能會因為經濟狀況有困難,而需要同時打幾份工作幫補家計,其中近年就開始興起「PTGF/PTBF」嘅新類型「工作」喇?!日前,有位港女就喺討論區上分享做sugar baby嘅年嘅經驗,引起網民關注!

港女與討論區分享「另類」賺錢方法?!Photo from 連登討論區

# 家境一般

港女而家讀緊大學Year 3,自己本身家境一般,同家人一齊住公屋,平時暑假一定要打工,否則有可能連書都冇得讀!直到上年因為疫情關係,佢就開始失業,本身嘅補習工作都冇埋。只見銀行戶口跌至三位數,再加上爸爸因為工傷而導致失業,令佢十分驚慌!

港女家庭經濟狀況出現困難,導致佢急需賺錢!Photo from TVB

# 男友未能提供協助!

而男友雖然都算係有錢,居住於私樓,但始終仲讀緊書,所以佢都唔敢向男友要求金錢上嘅幫助,更莫講話尋求周邊朋友或者「兵仔」嘅協助!

男友亦係大學生,所以未能夠提供金錢上嘅協助!Photo from TVB

# 網上認識成熟男!

直到上年暑假,港女機緣巧合下喺IG認識到一位成熟男士,並開始展開咗「被照顧」嘅生活!佢表示兩人初次見面係位於尖沙咀嘅一個商場,因為佢認為公眾地方相對會比較安全啲。兩人當日交談接近1小時,期間佢哋大概了解咗對方嘅背景,大部分時間都係由男士發問。臨走前,男士就放低咗1,000蚊,並相約下星期見面食飯!

兩人第一次喺商場約見面,而當時對方向佢釋出善意!Photo from TVB

# 兩人約會進一步了解大家

第二次約會嘅時候,兩人就相約喺中環嘅高級餐廳食晚飯,總共食咗3個鐘頭,而且氣氛亦冇第一次見嘅時候咁尷尬!對方亦冇佢想像中咁沈悶,反而仲好緊貼潮流,識得唔少潮語同埋會上連登。兩人食完飯後,男方就好有風度咁車港女返屋企,並詢問佢「可唔可以俾我照顧你?」,當時港女就表示自己尚未準備好,並擁抱對方作為回應,而男士臨走前再俾咗5,000蚊佢!

成熟男喺兩人第二次見面之後,就向港女提出願意照顧佢!Photo from TVB

# 被貼心行為打動!

之後,呢位男士每日都會噓寒問暖,仲會接送佢返學同周圍玩。最終,港女受到男士嘅真情所打動而決定同佢正式開始發展「關係」!

港女最終收成熟男嘅貼心舉動所打動!Photo from TVB

# 已經「被照顧」1年!

港女表示而家同「成熟男士」嘅關係已經維繫咗1年,定期每個月都會收到5位數嘅家用,兩人完全冇鬧交,一星期見面1至2次,時間非常彈性!而男方仲會不時為佢送上驚喜禮物,並帶佢出席商業晚宴,多咗機會認識上流社會嘅人,令佢對於現狀感到滿足!

港女表示成熟男仲會帶去出席商業宴會,令佢獲益良多!Photo from TVB

# 網民認為港女行為不當!

呢個post隨即引起網民嘅關注,大部分網民都唔太認同港女嘅賺錢方法,認為佢自己有男友而對方亦有家室,咁樣做同拆散人哋家庭冇分別!即使明白港女想盡快解決經濟上嘅困難,但都唔應該隱瞞男友做「另類」嘅工作,勸喻佢要同男友坦白。

大部分網民都認為港女嘅行為係違反道德!Photo from 連登討論區

網民認為港女應該盡快同男友坦白!Photo from TVB

# 有網民表示了解港女處境!

另外,亦有網民認為只要港女自己能夠接受到就得,畢竟佢同「成熟男」都只係各求所需!不過同一時間,網民都提醒港女要好好保護自己,免得將來分手時有其他麻煩事,並提醒佢絕對唔好動真情!

有網民就認為只要港女接受到呢段特別嘅關係,其實冇咩問題!Photo from 連登討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

港女好奇「男仔介意比女友矮」? 因擔憂男友想法 集思廣益

13 Oct , 2021

現今社會其實依然存在住唔少嘅性別定型,其中唔少人都認為男仔嘅身高應該要比女仔高先得!最近,有位港女就於討論區詢問男仔們「係咪十分介意女友比自己高?」,並引起網民嘅熱烈討論。

王祖藍同李亞男係圈中成功嘅「長短腳之戀」!Photo from 李亞男IG

正所謂「情人眼裡出西施」,每個對另一半嘅要求都唔同。不過社會中依然有唔少嘅性別定型,影響到大家嘅擇偶條件,例如:女仔應該要比男友瘦等,其中大部分人都認為「男生身高應該比女友高」!

大眾普遍認為女生身形就應該要比男友瘦。Photo from TVB

其中唔少人都覺得男生一定要比女友高?!Photo from TVB

最近,有位港女就於討論區詢問網民對於「男仔比女友矮」嘅睇法,並表示當初係男友先主動追求佢,而男友嘅身高比佢矮,所以亦令港女嚇咗一跳,以為男生多數都只會鍾意比佢哋矮嘅女仔。

港女因為好奇男生對於身高嘅諗法,所以詢問網民意見!Photo from Dcard討論區

港女表示自己並唔介意男友嘅身高,反而擔心男友會介意,但又唔敢主動詢問佢,驚佢會因此而亂諗嘢,所以決定詢問男網民們嘅睇法~

港女表示男友比自己矮,但唔敢問男友關於身高差嘅問題!Photo from TV

有男生回應覺得男友既然都主動追求港女,就已經用行動表明佢唔介意身高嘅問題。仲話其實男生之所以會介意身高問題,好多時都主要係因為覺得自己女朋友介意其他人嘅目光,只要港女俾到足夠嘅安全感佢就得!

網民認為男仔其實更加介意女友點睇!Photo from Dcard討論區

網民認為男生主動追求比自己高嘅女生時,就表示佢哋唔介意身高問題!Photo from 《矮仔多情》

有女網民亦表示自己比男友高少少,所以拍拖嘅時候都盡量避免唔著有踭嘅鞋,仲話其實兩人身高差唔多嘅時候,就可以經常對望。而且搭電梯嘅時候佢仲會專登企低一格,享受一下短暫嘅身高差!

女網友分享自己於男友嘅甜蜜愛情故事,表示其實身高並唔係大問題!Photo from Dcard討論區

不過亦有男網民表示非常介意自己身高比女友矮,如果心儀嘅女仔比佢高,佢甚至唔夠膽鐘意佢!介意嘅男網民大多都認為身高比較矮會難以保護女友,俾唔到足夠嘅安全感佢,就算女仔表明唔介意,都接受唔到!

不過亦有男生表示好在意身高,如果女生比自己高就唔會鍾意對方!Photo from Dcard討論區

唔少男網民認為身高要比女生高,先可以保護對方!Photo from TVB

有男網民就分享自己以前中學時期嘅「失戀」故事,表示曾經主動追求過一位比自己高嘅女仔,但就被對方嫌棄,自此佢就唔敢再鍾意比自己高嘅女仔喇!

有男生曾經被心儀女生嫌棄身高,導致有陰影!Photo from Dcard討論區

男生仲話因此而導致留下陰影,唔敢再高攀比自己高嘅女仔!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel