download HolidaySmart 假期日常 app
【賭命夫妻】Teris被網民稱為「最強人妻」! 內外兼備 係活髮公司創辦人!

【賭命夫妻】Teris被網民稱為「最強人妻」! 內外兼備 係活髮公司創辦人!

娛樂新聞
By Stephanie on 19 Oct 2021
Digital Content Writer

ViuTV真人騷《賭命夫妻》最近成為城中熱話,邀請咗5對夫婦接受唔同嘅挑戰,並且贏取獎金。其中人夫Dennis喺節目中踩界嘅行為,仲一度令老婆Teris憤怒離場!事件引起網民嘅熱議,唔少網民都紛紛去Teris嘅IG留言表示支持佢,而事實上Teris係一位條件超好嘅人妻!

Dennis同Teris呢對夫婦於節目嘅表現,成功引起網民嘅關注!Photo from Teris IG

# 5對夫婦需面臨重重考驗!

由火火同陳嘉倩所主持嘅《賭命夫妻》邀請咗5對夫婦參加節目,佢哋必須接受唔同嘅挑戰先可以獲得獎金。其中最引人入勝嘅一定係「PTBF/PTGF誘惑」環節,而節目嘅大尺度隨即引起網民們嘅熱烈討論!

節目邀請5對夫婦出演節目,並接受節目組所設下嘅挑戰!Photo from 《賭命夫妻》

夫婦們都需要接受「PTGF/PTBF」誘惑挑戰!Photo from 《賭命夫妻》

# 人妻們代替PTGF誘惑丈夫?!

最近一集,節目組就安排5位人夫去遊艇同PTGF們矇眼玩遊戲,而事實上人妻們亦將會喺佢哋唔知情嘅情況下登場,並取代PTGF位置誘惑對方!輪到人妻Teris登場嘅時候,佢先係從後擁抱丈夫,並大跳熱舞,後來佢哋仲開始玩「軟糖遊戲」,即使兩人越貼越近,但Dennis都並冇叫停,兩人其後親吻數秒!

Teris取代PTGF位置誘惑丈夫Denis!Photo from 《賭命夫妻》

期間,兩人仲大膽玩食軟糖遊戲!Photo from 《賭命夫妻》

# Teris因老公行為感到憤怒!

Teris隨即情緒激動怒摑Dennis,並憤而離場!其後Teris接受節目訪問嘅時候就講述對丈夫失望嘅心情,「嗰一刻我身份係PTGF,但佢都唔識Say No!嗰一巴係失望,破壞咗我咁多年對佢嘅信任。」;而Dennis亦有立刻解釋係因為事出突然:「嗰刻係食緊糖,但我都需要時間反應,例如:撞車都需要1秒時間反應啦。」

Teris同丈夫親吻後,情緒激動爆喊離開現場!Photo from 《賭命夫妻》

主持人火火協助緩和夫婦兩人僵硬嘅關係!Photo from 《賭命夫妻》

# Teris公開為老公解圍!

不過網民們似乎就對於Dennis嘅解釋感到十分不滿,認為佢嘅理由好牽強!不過事後Teris就有喺IG上載同老公嘅黑白合照,「暫時宣布RIP!好多網民都叫我哋「離婚」,離婚我咪好傷心囉!大家都知道我係喊包,離婚咁大件事,應該哭到1公升眼淚,但我真係傻傻地愛著呢個男人!」,替丈夫解圍。

唔少網民都對於Dennis嘅解釋表示不滿!Photo from ViuTV FB

人妻Teris為丈夫Denis解圍,並回應支持佢嘅網民!Photo from Teris IG

# Teris係事業女強人!

事實上,Teris除咗疼愛丈夫之外,仲係一位女強人嚟㗎~現年33歲嘅Teris係一間活髮公司嘅創辦人,仲係一間室內工程公司嘅Director,過去仲曾經喺ViuTV節目上分享創業嘅經驗,絕對係一位事業型女士!而佢嘅人脈亦十分廣,同楊思琦係好姐妹,仲同楊卓娜合作拍攝過影片。

Teris 係一位活髮公司嘅創辦人,仲有份打理室內設計公司!Photo from Teris IG

Teris同楊思琦係好姐妹!Photo from Teris IG

# 被網民大讚身材好!

早前人妻們拍攝寫真嘅時候,就有唔少網民表示大讚Teris樣靚身材好,並大讚佢保養得好,可以話係內外兼備!

網民認為Teris身材樣貌都好好,係一位條件超好嘅人妻!Photo from Teris IG

Teris 被網民大讚保養得好!Photo from Teris IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

《賭命夫妻》人夫大解放與PTGF約會!驚喜送花/坐大髀貼頭影合照!Benson自爆仍掛念前女友

15 Oct , 2021

ViuTV真人騷《賭命夫妻》搵咗五對真實夫妻參加挑戰,要面對節目組安排嘅一連串考驗,爭奪獎金。節目涉及唔少夫妻間嘅大膽話題,喺網上亦掀起關注。最近人妻、人夫要面對PTBF、PTGF嘅誘惑,當中反映出人性,成為網民熱話

ViuTV真人騷《賭命夫妻》搵咗五對真實夫妻參加挑戰,要面對節目組安排嘅一連串考驗,爭奪獎金。Photo from ViuTV

ViuTV真人騷《賭命夫妻》尺度大掀熱話

《賭命夫妻》由火火、陳嘉倩擔任主持人,第一集要求5對夫妻寫上對方缺點、對伴侶講過最難聽嘅說話、甚至係床事最合拍嘅姿勢等,尺度大得嚟又引人入勝,隨即掀起網民熱話。最近節目組安排咗193(郭嘉駿)、肥仔(梁業)、Brian(陳安立)、Jeffery(黎學勤)以及 Dixon(黃奕晨)擔任PTBF(兼職男友)誘惑5位人妻。

《賭命夫妻》由火火、陳嘉倩擔任主持人,第一集要求5對夫妻寫上對方缺點、對伴侶講過最難聽嘅說話、甚至係床事最合拍嘅姿勢等,尺度大得嚟又引人入勝,隨即掀起網民熱話。Photo from ViuTV

PTBF(兼職男友)誘惑5位人妻,人妻Luna為Brian塗太陽油

其中Brian同人妻Luna為對方塗太陽油,Brian大晒健美身型,而Luna更親手接觸到Brian嘅背部、大腿等部位,令觀眾大呼場景相當誘人!唔少網友都表示同PTBF約會完之後,老公應該真係變咗做「前夫」。

其中Brian同人妻Luna為對方塗太陽油,Brian大晒健美身型,而Luna更親手接觸到Brian嘅背部、大腿等部位,令觀眾大呼場景相當誘惑!Photo from ViuTV

人夫大反擊!與PTGF(兼職女友)約會

新一集到人夫大反擊!Liz(李文潔)、Ollie(溫穎琦)、孖四(張凱莎)、Angus(張若錡)、Mangie(羅曼菲)獲安排擔任PTGF(兼職女友),與5位人夫喺西貢共度三日兩夜!今次到人夫「拋底」老婆,一開始人夫同PTGF配對嘅環節已十分Juicy!

Liz(李文潔)、Ollie(溫穎琦)、孖四(張凱莎)、Angus(張若錡)、Mangie(羅曼菲)獲安排擔任PTGF,與5位人夫喺西貢共度三日兩夜!Photo from Ollie IG

今次到人夫「拋底」老婆,一開始人夫同PTGF配對嘅環節已十分Juicy!Photo from ViuTV

首先5位PTGF戴住面具、著上泳衣跳入泳池,等5位人夫救佢哋,最後Sam同Angus、Benson同Mangie、阿匡同Ollie、Dennis同Liz、浩然同孖四「成功配對」,Benson表示對PTGF拍檔非常滿意,又話對方無論係樣定身材都無得輸,相反Dennis就拍自己中意孖四多啲,最終同浩然交換拍檔。

首先5位PTGF戴住面具、著上泳衣跳入泳池,等5位人夫救佢哋Photo from ViuTV

最後Sam同Angus、Benson同Mangie、阿匡同Ollie、Dennis同Liz、浩然同孖四「成功配對」Photo from ViuTV

Benson表示對PTGF拍檔非常滿意,又話對方無論係樣定身材都無得輸Photo from ViuTV

Dennis就拍自己十意孖四多啲,最終同浩然交換拍檔。Photo from ViuTV

Luna老公阿匡同Ollie約會狂送驚喜!

上集Luna同Brain塗太陽油一幕令人印象深刻,Luna老公阿匡同Ollie約會亦十分開心,頭貼頭影相、拗手行街係基本,阿匡更貼心為Ollie安排約會行程去按摩,又趁Ollie去廁所偷偷哋出去買花送驚喜,約會氣氛超好~相反其他4位人夫就被指「唔識追女仔」!

Luna老公阿匡同Ollie約會亦十分開心,頭貼頭影相、拗手行街係基本Photo from ViuTV

阿匡更貼心為Ollie安排約會行程去按摩Photo from ViuTV

阿匡趁Ollie去廁所偷偷哋出去買花送驚喜Photo from ViuTV

阿匡同Ollie約會氣氛超好,女方仲親密坐大髀影合照Photo from ViuTV

Sam約會帶Angus拜神、「愛妻」浩然被Liz嫌棄唔識影相、追女仔無天份

首先Sam同Angus約會竟然去拜神,又喺大熱天時同佢行公路、沙灘,令Angus最後都忍唔住抱怨如果佢男朋友夠膽咁帶佢拍拖,佢會當日「飛咗佢」!

Sam同Angus約會竟然去拜神Photo from ViuTV

Sam大熱天時同Angus行公路、沙灘Photo from ViuTV

Angus最後都忍唔住抱怨如果佢男朋友夠膽咁帶佢拍拖,佢會當日「飛咗佢」!Photo from ViuTV

浩然雖然帶Liz去貓Cafe同出海,可惜Liz完全唔中意食甜品同漢堡包,加上浩然嘅攝影技術有限,Liz係咁叫佢再影過,連ViuTV攝影師姐姐都忍唔住出身親自教佢,Liz就直言浩然無咩追女仔天份。

浩然雖然帶Liz去貓Cafe同出海,可惜Liz完全唔中意食甜品同漢堡包Photo from ViuTV

浩然嘅攝影技術有限,Liz係咁叫佢再影過Photo from ViuTV

ViuTV攝影師姐姐都忍唔住出身親自教佢,Liz就直言浩然無咩追女仔天份。Photo from ViuTV

Dennis堅持行郊野公園,被指唔理孖四感受

Dennis原本安排同孖四去行郊野公園,不過女方就指想去行街,最後孖四妥協陪Dennis去郊野公園,但要求Dennis之後陪返佢去西貢市中心。點知行郊野公園行到無時間,出去嘅公路又塞車,令孖四未能如願Shopping,但Dennis堅決唔認錯,又指要去行街要一早講定,稱市中心無咩行,搞到孖四發嬲,氣氛勁僵!雖然孖四嬲只係做戲,但Dennis亦被指太固執、唔理人感受。

Dennis原本安排同孖四去行郊野公園,不過女方就指想去行街,最後孖四妥協陪Dennis去郊野公園,但要求Dennis之後陪返佢去西貢市中心。Photo from ViuTV

點知行郊野公園行到無時間,出去嘅公路又塞車,令孖四未能如願ShoppingPhoto from ViuTV

Dennis堅決唔認錯,又指要去行街要一早講定,稱市中心無咩行Photo from ViuTV

Dennis搞到孖四發嬲,氣氛勁僵!Photo from ViuTV

雖然孖四嬲只係做戲,但Dennis亦被指唔理人感受。Photo from ViuTV

Benson與Mangie約會,爆對方樣同身材都似前女友

Benson由揀PTGF開始已表現到「沉晒船」咁,又係咁讚拍檔Mangie樣靚身材好,約會時餵晒嘢食、又叫Mangie做「BB」。

Benson由揀PTGF開始已表現到「沉晒船」咁,又係咁大讚拍檔Mangie樣靚身材好Photo from ViuTV

Benson餵Mangie食嘢Photo from ViuTV

Benson仲叫Mangie做「BB」Photo from ViuTV

之後佢更自爆佢咁中意Mangie係因為對方外型同佢前女友好似!Benson表示佢前女友係名流獨生女,同佢會去啲好靚嘅地方、好貴嘅餐廳約會,令自稱係「公屋仔」嘅佢知道原來喺香港有另一種生活方式,但兩人最終分手收場。

Benson自爆佢咁中意Mangie係因為對方外型同佢前女友好似!Photo from ViuTV

Benson表示佢前女友係名流獨生女,同佢會去啲好靚嘅地方、好貴嘅餐廳約會Photo from ViuTV

Benson對前女友仍未忘情?因自卑而分手

雖然Benson話前女友從未嫌棄或睇低佢,但佢十分自卑,,認為對方一直遷就佢,一齊耐咗就會頂唔順,但坦承如果唔係遇到依家嘅另一半(Ruby),佢會繼續同前女友拍拖,因為對方好有魅力,可惜自己怕無法令對方一直開心落去。

Benson坦承如果唔係遇到依家嘅另一半(Ruby),佢會繼續同前女友拍拖,因為對方好有魅力Photo from ViuTV

Mangie一路開解Benson,令佢釋懷咗啲。Benson都大讚佢係好女仔,到分開時亦表現得依依不舍,連火火都話佢約會完仲講咁多嘢,一定有真感情!

Mangie一路開解Benson,令佢釋懷咗啲。Photo from ViuTV

Benson都大讚Mangie係好女仔Photo from ViuTV

Benson同Mangie分開時亦表現得依依不舍Photo from ViuTV

火火都話Benson約會完仲講咁多嘢,一定有真感情!Photo from ViuTV

網民指Benson同Ruby呢pair夫婦感情最脆弱

網民睇完呢集後指浩然雖然同PTGF約會,但係咁提起老婆:「咁愛妻,嚟錯節目啦」。又指Benson同Ruby呢pair夫婦感情最脆弱,一嚟兩人結婚時間短,只有兩個月,而且Benson表現到仍然好掛住前女友,又喺節目中不停講婚姻係責任:「成日強調鐘意或『唔鐘意』都要負責任」、「係男人都覺Benson 老婆有啲慘」

網民睇完呢集後指浩然雖然同PTGF約會,但係咁提起老婆:「咁愛妻,嚟錯節目啦」Photo from ViuTV

網民指Benson同Ruby呢pair夫婦感情最脆弱Photo from ViuTV

Benson表現到仍然好掛住前女友,又喺節目中不停講婚姻係責任:「成日強調鐘意或『唔鐘意』都要負責任」Photo from ViuTV

Benson同Ruby結婚兩個月Photo from Ruby IG

ViuTV向來真人騷題材都非常新穎,今次《賭命夫妻》雖然無咩點宣傳,但就有好大迴響!網民大讚ViuTV真人騷好睇過TVB好多!

ViuTV向來真人騷題材都非常新穎,今次《賭命夫妻》雖然無咩點宣傳,但就有好大迴響!Photo from Ollie IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel