download HolidaySmart 假期日常 app
谷婭溦呻TVB捧《聲夢》學員不被重用!來港發展6年快完約!自覺浪費時間

谷婭溦呻TVB捧《聲夢》學員不被重用!來港發展6年快完約!自覺浪費時間

娛樂新聞
By Jennifer on 19 Oct 2021
Digital Editor

現年31歲嘅星夢歌手谷婭溦參加內地節目《快樂女聲》出身,之後嚟香港發展但星途平平,多數唱國語歌,未有咩大熱作品。對於TVB近日力捧《聲夢傳奇》學員,谷婭溦直言感到被忽略,又指自己唔係最受重視嗰個。

現年31歲嘅星夢歌手谷婭溦參加內地節目《快樂女聲》出身Photo from 谷婭溦 IG

星夢歌手谷婭溦《快樂女聲》出身後獲何哲圖賞識簽約星夢

提到星夢,好多人淨係記得「一姐」菊梓喬,但仲有谷婭溦都係旗下歌手之一。佢本來喺武漢音樂學院就讀,畢業後參加內地湖南衛視著名歌唱節目《快樂女聲》,更成功打入全國60強。

提到星夢,好多人淨係記得「一姐」菊梓喬,但仲有谷婭溦都係旗下歌手之一。Photo from 谷婭溦 IG

佢後來去咗台灣參加《華人星光大道2》奪年度殿軍。2014年佢放假嚟香港探親獲星夢娛樂前CEO何哲圖賞識,於是以踢館者身份參加《超級巨聲4》,且獲得亞軍,之後簽約星夢,成旗下歌手。

2014年谷婭溦放假嚟香港探親獲星夢娛樂前CEO何哲圖賞識,於是以踢館者身份參加《超級巨聲4》Photo from TVB

谷婭溦獲得《超級巨聲4》亞軍,之後簽約星夢,成旗下歌手。Photo from TVB

谷婭溦出道6年星途平平,幸家境唔錯尚有父母接濟

喺星夢出道至今近6年,佢喺樂壇發展一般,因為廣東話唔流利,所以一直都係推出國語歌或翻唱作品。佢曾坦言來港追夢但一直無工作,令佢覺得自己浪費時間,又深感呢個世界好唔公平。

喺星夢出道至今近6年,谷婭溦喺樂壇發展一般,因為廣東話唔流利,所以一直都係推出國語歌或翻唱作品Photo from 谷婭溦 IG

其實谷婭溦家境唔錯,父親係教師,大學畢業後嘅佢更去美國波士頓伯克利音樂學院進修。因為喺香港星途平平,佢有一段時間無工作,全靠家人資助。

其實谷婭溦家境唔錯Photo from 谷婭溦 IG

谷婭溦爸爸係教師Photo from TVB

大學畢業後嘅谷婭溦去美國波士頓伯克利音樂學院進修Photo from 谷婭溦 IG

谷婭溦 IG平時都會晒下名牌袋~Photo from 谷婭溦 IG

谷婭溦呻TVB力捧《聲夢傳奇》學員慘被忽略

對於TVB最近力捧《聲夢傳奇》嘅一班學員,谷婭溦更直言有少少感到被公司忽略,又表示自己初初簽約喺公司都唔係最受重視嗰個,佢自嘲:「我經常都差咁啲運氣。」

TVB最近力捧《聲夢傳奇》嘅一班學員Photo from 星夢娛樂 IG

谷婭溦直言有少少感到被公司忽略,又表示自己初初簽約喺公司都唔係最受重視嗰個Photo from 谷婭溦 IG

谷婭溦唔夠「星夢一姐」菊梓喬爭?

當年星夢娛樂內部競爭都好大,淨係女歌手已經有菊梓喬、吳若希、何雁詩、譚嘉儀、連詩雅等等。入行6年嘅谷婭溦要等到今年先終於獲安排推出個人大碟,佢坦言之前家人、朋友都有勸過佢返內地發展,但佢堅持要做返啲成績先。

當年星夢娛樂內部競爭都好大,淨係女歌手已經有菊梓喬、吳若希、何雁詩、譚嘉儀、連詩雅等等,谷婭溦(紅圈)發展只算一般。Photo from 星夢娛樂 IG

入行6年嘅谷婭溦要等到今年先終於獲安排推出個人大碟,佢坦言之前家人、朋友都有勸過佢返內地發展Photo from 谷婭溦 IG

谷婭溦盼參加內地唱歌節目翻身!

谷婭溦曾稱自己唔識得爭取,呢種性格喺娛樂圈比較蝕底,甚至連大型節目合照排位佢多數都企喺邊邊位。但佢指今年嘅機會多咗,唔止出咗專輯,又開始拍劇,佢嚟緊會參與TVB同內地合辦嘅唱歌節目,佢寄望可以憑節目一鳴驚人。

谷婭溦曾稱自己唔識得爭取,呢種性格喺娛樂圈比較蝕底,甚至連大型節目合照排位佢多數都企喺邊邊位(紅圈)。Photo from 星夢娛樂 IG

有傳媒估計谷婭溦同星夢嘅合約仲有一、兩年,但由於佢係何哲圖愛將之一,完約之後好大機會唔會再續約。

有傳媒估計谷婭溦同星夢嘅合約仲有一、兩年,但由於佢係何哲圖愛將之一,完約之後好大機會唔會再續約。Photo from 星夢娛樂 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

2021樂壇新人獎競爭激烈!炎明熹難敵《全民造星》出身Edan/曾比特/MC張天賦

4 Oct 2021

近年香港樂壇有唔少本土新人歌手彈起,包括林家謙、Jer(柳應廷)、姜濤Anson Lo等,2021年MIRROR再有成員solo發展,其他《全民造星》出身男歌手亦陸續出歌,有唔少人更有好成績,今年嘅新人獎競爭超激烈!香港樂壇多咗唔少新人掘起,令大眾再次關注本土音樂,到底今年新人獎花落誰家?

今年嘅新人獎競爭超激烈Photo from 曾比特IG

Edan《E先生 連環不幸事件》獲三台冠軍

MIRROR成員Edan(呂爵安)喺2021年1月推出個人單曲,成為MIRROR第6位solo成員。佢嘅《E先生 連環不幸事件》MV半個月即破100萬點擊率,現時更獲880萬views!Edan嘅個人單曲更係ViuTV「Chill Club推介榜」、商業電台「903專業推介」、新城電台「新城勁爆流行榜」嘅冠軍歌,《E先生》獲三台冠軍,成績驕人。

MIRROR成員Edan(呂爵安)喺2021年1月推出個人單曲,成為MIRROR第6位solo成員,佢嘅《E先生 連環不幸事件》MV半個月即破100萬點擊率Photo from MIRROR IG

到7月佢第二支個人單曲《小諧星》MV僅用2日時間,點擊率就突破100萬,現時為420萬觀看數,亦成功登上「903專業推介」、「新城勁爆流行榜」嘅第二位。兩首單曲都有好成績,Edan絕對係今年新人獎嘅大熱!

Edan第二支個人單曲《小諧星》MV僅用2日時間,點擊率就突破100萬,亦成功登上「903專業推介」、「新城勁爆流行榜」嘅第二位Photo from MIRROR IG

Fatboy 肥仔《Lady Killa》獲四台亞軍

同為《全民造星》出身嘅ERROR隊長Fatboy(梁業)於1月尾推出個人單曲《Lady Killa》,現時有64萬views,亦成功登上「Chill Club推介榜」、「903專業推介」、「新城勁爆流行榜」、香港電台「中文歌曲龍虎榜」嘅2位。

《全民造星》出身嘅ERROR隊長Fatboy(梁業)於1月尾推出個人單曲《Lady Killa》Photo from ERROR IG

佢喺MV中一展其舞蹈實力,又唱又跳,MV現己突破60萬。

肥仔喺MV中一展其舞蹈實力Photo from ERROR

曾比特《我不如》首支派台歌即奪冠軍

曾比特(Mike)喺2019年參加ViuTV節目《全民造星2》,最後獲第8名,佢其後簽約環球唱片出道。曾比特嘅爆炸頭十分有個人特色,佢第一隻派台歌《我不如》係由Eric Kwok親自作曲、監製,MV點擊有190萬,歌曲成功奪得「Chill Club推介榜」、「903專業推介」、TVB「勁歌金榜」嘅冠軍,曾比特以新人身份勇奪三台冠軍。

曾比特嘅爆炸頭十分有個人特色,佢第一隻派台歌《我不如》係由Eric Kwok親自作曲,歌曲更奪得三台冠軍Photo from 曾比特 IG

曾比特嘅出道作連同公司嘅樂壇大前輩陳奕迅都讚好,稱自己忍唔住係咁循環播放。曾比特之後推出嘅《我不是邱比特》亦曾奪「中文歌曲龍虎榜」嘅冠軍,MV點擊破100萬,係新人獎嘅大熱之一。

曾比特之後推出嘅《我不是邱比特》亦曾奪「中文歌曲龍虎榜」嘅冠軍,係新人獎嘅大熱之一。Photo from 曾比特 IG

Manson《今天我不想做嘢》引起網民迴響

曾拍電影、電視劇嘅Manson(張進翹)參加《全民造星3》與顧定軒合作嘅舞台《我們》掀起全城熱話!佢於2021年3月推出第一首個人派台歌《今天我不想做嘢》,Manson更包辦作曲、填詞、編曲及主唱。

Manson於2021年3月推出第一首個人派台歌《今天我不想做嘢》,更包辦作曲、填詞、編曲及主唱。Photo from Manson IG

新歌MV拍得唯美又夢幻,點擊近19萬,加上其獨特曲風,引起網民迴響,成功登上「中文歌曲龍虎榜」嘅第3位。7月佢推出第二首派台歌《無可救藥的浪漫》,由林二汶作曲、周耀輝填詞。

Manson新歌MV拍得唯美又夢幻,加上其獨特曲風,引起網民迴響Photo from Manson IG

MC張天賦唱功出色,大熱作《反對無效》

2019年參加《全民造星2》實力備受評判認可,最後獲第二名,佢全民投票部分得票率第1,達28.7%,係名符其實嘅人氣王!佢其後簽約香港華納唱片,3月正式出道,推出第一首派台單曲《Good Time》,獲「903專業推介」、「中文歌曲龍虎榜」第4位,MV有160萬views。

MC張天賦2019年參加《全民造星2》實力備受評判認可,最後獲第二名,佢全民投票部分得票率第1,達28.7%,係名符其實嘅人氣王Photo from MC張天賦 IG

第二首派台歌《反對無效》係佢第一支冠軍歌,MV點擊已逾400萬。除咗獲「903專業推介」冠軍,喺「Chill Club推介榜」、「中文歌曲龍虎榜」、「勁歌金榜」亦有打入5強。MC憑籍超高人氣,有望同曾比特、Edan爭男新人獎。

《反對無效》係MC張天賦第一支冠軍歌Photo from MC張天賦 IG

ANSONBEAN《CRUSH (oh no!)》出道作獲冠軍

《全民造星3》嘅季軍ANSONBEAN(陳毅燊)亦係今年出道新人,佢喺推出個人作品前與鄭欣宜合作《@princejoyce(Feat. ANSONBEAN)》,到7月終於推出首支個人單曲《CRUSH (oh no!)》,MV有近19萬views,更成為「新城勁爆流行榜」嘅冠軍歌。

《全民造星3》嘅季軍ANSONBEAN(陳毅燊)亦係今年出道新人Photo from ANSONBEAN IG

雖然出道只有2個月,但已有一支冠軍歌,成績不俗。

ANSONBEAN首支個人單曲《CRUSH (oh no!)》成為「新城勁爆流行榜」嘅冠軍歌。Photo from ANSONBEAN IG

P1X3L《Oh My 7 God》獲「七師傅」七仙羽加持

3位成員Phoebus(吳啟洋)、George(歐鎮灝)、Marco(葉振弘)都係《全民造星2》出身,分別獲得冠軍、第4名、三十強,佢哋第一支派台歌曲《Braceless》獲「Chill Club推介榜」第五位,MV觀看次數超過37萬。

P1X3L 3位成員Phoebus(吳啟洋)、George(歐鎮灝)、Marco(葉振弘)都係《全民造星2》出身Photo from P1X3L IG

與ViuTV有藝人合約嘅P1X3L更同「七師傅」七仙羽合作推新歌《Oh My 7 God(JNYBeatz Remix)》,MV點擊逾11萬,話題度頗高。

P1X3L更同「七師傅」七仙羽合作推新歌《Oh My 7 God(JNYBeatz Remix)》Photo from P1X3L IG

石山街《幻象》成員皆為獨立音樂人

石山街由男成員謝旻良(Marstn)、女成員楊彤(Yeung Tung)組成,兩人擅長作曲、編曲、樂器演奏。出道派台作品《暗戀家》曾登上「903專業推介」、「中文歌曲龍虎榜」,MV有近19萬觀看數。

石山街由男成員謝旻良(Marstn)、女成員楊彤(Yeung Tung)組成Photo from 石山街 IG

石山街2位成員皆為獨立音樂人Photo from 石山街 IG

張蔓姿《深夜浪漫》,由演員轉型為歌手

女歌手方面,張蔓姿(Gigi)畢業於香港演藝學院戲劇學院表演系,有出演舞台劇、電視劇、電影等經驗,以演員身份活躍於影視界。2021年2月加盟香港華納唱片成旗下歌手。

張蔓姿以演員身份活躍於影視界。2021年2月加盟香港華納唱片成旗下歌手。Photo from 張蔓姿 IG

首支派台歌曲《姿態》一推出即獲「903專業推介」第2位,MV點擊有3萬,《深夜浪漫》更成為「903專業推介」冠軍歌,MV點擊超過27萬。

張蔓姿《深夜浪漫》成為「903專業推介」冠軍歌。Photo from 張蔓姿 IG

周子涵《心野》樂隊解散後solo出道

周子涵2019年加入樂隊Dusty Bottle擔任女主音,不過2020年11月樂隊宣布解散,周子涵之後就單飛出道,佢首支派台歌曲《心野》喺「903專業推介」、「中文歌曲龍虎榜」都獲得第2位,MV逾15萬點擊。

周子涵喺樂隊Dusty Bottle解散後solo出道Photo from 周子涵 IG

周子涵首支派台歌曲《心野》喺「903專業推介」、「中文歌曲龍虎榜」都獲得第2位。Photo from 周子涵 IG

炎明熹《真話的清高》獲iTunes熱門歌曲榜一位

喺一眾《全民造星》出道仔仔中,Gigi炎明熹成為TVB選秀節目《聲夢傳奇》唯一推出派台歌嘅新人。喺節目中獲三料冠軍嘅炎明熹2021年9月以《真話的清高》正式出道。

獲《聲夢傳奇》三料冠軍嘅炎明熹2021年9月以《真話的清高》正式出道。Photo from 炎明熹 IG

出道短短時間新歌就登上「新城勁爆流行榜」、「中文歌曲龍虎榜」、「勁歌金榜」,更成iTunes熱門歌曲榜一位,MV點擊率亦突破70萬。雖然因為出道時間短,好難同Edan、曾比特、MC張天賦爭新人獎,但相信作為「親生女」嘅Gigi應該可以喺《勁歌金曲頒獎典禮》獲獎。

炎明熹新歌登上「新城勁爆流行榜」、「中文歌曲龍虎榜」、「勁歌金榜」,更成iTunes熱門歌曲榜一位Photo from 炎明熹 IG

因為出道時間短,炎明熹好難同Edan、曾比特、MC張天賦爭新人獎Photo from 炎明熹 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel