download HolidaySmart 假期日常 app
女秘書剛過試用期即被炒 獲讚後被安排碎紙2星期 網民:過橋抽板!

女秘書剛過試用期即被炒 獲讚後被安排碎紙2星期 網民:過橋抽板!

生活熱話
By Cheryl on 20 Oct 2021
Digital Editor

求職者好多時都要過五關斬六將才覓得一份工作,但入職後仍可「中伏」。最近,一名女網民到討論區發文,指自己喺一間細公司做秘書,被老闆稱讚表現好並剛通過試用期,豈料即被公司炒魷,之後更被告知自己幫公司渡過最忙時期後即被棄!

一名女網民表示自己在一家細公司做秘書過試用期即被炒,不少網名認為該公司過橋抽板Photo from TVB

女事主失業一年多後進入細公司做秘書

近日,一名女網民到香港討論區發文,表示自己在去年僅工作了三個月後便因疫情失業,到今年嘅下半年才再次成功覓得工作。但新公司環境差、面積少、座位無分隔之餘,男女廁又無冷氣,而且公司旁邊就係地盤,所以工作時不時遇到噪音滋擾,「連杯水都震」。

公司環境惡劣,隔離地盤做嘢時,連水杯都震Photo from 侏羅紀公園

初入職便感無奈,但選擇堅持

女事主又指求職與入職後職務有別,佢當初申請成為秘書,「 見工時都話我係做秘書嘢,但一開波叫我做filing,12年前既files放在server完全無人整理過。」事主雖然感無奈,但認為係一個考驗,只要將佢做好就會開始有正經嘢做。

女秘書雖對工作感無奈,但認為堅持一下就會有成果Photo from TVB

女事主辛苦了三個多月後,終於將檔案文件整理好,點知老闆卻在無通知情況下將檔案全部搬走,令事主突然無法開啟六萬多個檔案。

女事主花數月整理完文件,老闆卻將所有檔案私自處理掉Photo from TVB

被老闆稱讚然後被安排做碎紙工作2星期

女事主稱,老闆有稱讚佢表現,仲話佢會通過試用期。但事主估唔到,自己剛過試用期便立即被安排做碎紙工作,足足碎咗兩個禮拜。完成碎紙後,事主便被安排進行檢查公司網站嘅英文文法工作。

女秘書稱老闆讚過佢表現Photo from TVB

被告知將通過試用期後被辭退,事後得知自己剛渡過公司最忙時期

事主表示,由於碎紙工作太浪費時間,所以佢在途中已萌生辭職念頭,但最後決定騎牛搵馬,打算搵到新工先遞信。豈料,公司突然把事主辭退。事主續指,後來透過相熟同事才得知:「其實公司10月中後就好得閒,你入職果4個月係每年最忙時候。」

事主被炒後得知自己在公司最忙時期幫玩手便立即被炒Photo from 香港討論區

因為上一任秘書「病好」而被炒?!

事主又透露,公司炒佢嘅理由可笑,「話因為請我時係代替因病退休嘅秘書,而家炒我係因為個秘書病好了,唔退休了,所以唔要我了。」

事主透露被炒原因竟然因為上以為長期病假秘書病好了Photo from 香港討論區

有網民質疑上一位秘書情況,問道:「對上個秘書病咁耐?定放緊產假?」然後,事主回應自己都對此人嘅存在存疑,並認為公司可能只係搵藉口炒自己。

事主對「上一位SL秘書」存在存疑Photo from 香港討論區

網民替事主不值,事主認為係甩難

對此,有網民指職場好多度縮老闆,只能怪事主黑仔同唔好彩;亦有人認為公司做法不當,有過橋抽板之嫌。

有網民認為事主公司過橋抽板Photo from 香港討論區

而事主都認同,表示今次就當自己「踩屎」。同時,佢唔認為今次被炒係壞事,因為自己都唔滿意呢份同秘書無咩關係嘅「秘書工」。

事主話呢份秘書工從來無咩相關職務安排畀佢做Photo from 香港討論區

事主表示自己都唔鐘意呢份工,所以被炒還好Photo from 香港討論區

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel