download HolidaySmart 假期日常 app
內地僅花29小時建築11層大樓! 大樓安全問題存疑? 網民:可能冧得仲快!

內地僅花29小時建築11層大樓! 大樓安全問題存疑? 網民:可能冧得仲快!

生活熱話
By Stephanie on 20 Oct 2021
Digital Content Writer

香港地少人多,土地供應不足以及房屋問題一直都係眾所周知嘅事。最近,內地湖南長沙就傳出有建築商僅僅用咗29小時,就成功建成咗11層高嘅大樓!不過驚人嘅速度令大家都非常在意樓宇嘅安全問題,就連內地網民都忍唔住表示「有啲擔心」!

位於湖南長沙嘅大樓興建速度超快,令世界各地嘅網民感到驚嘆不已!Photo from TBS news

建築一棟樓宇嘅時間十分長,起樓嘅速度往往都比需求慢,住屋問題供應不足係經常都出現嘅現象。日前,內地湖南長沙就以驚人嘅速度興建一座大樓,而且仲可以即刻俾住戶入住,引起國際關注,就連日本電視台都有報導!

「光速」嘅起樓速度隨即引起國際關注,令大家非常好奇大樓嘅興建以及構造。Photo from TBS news

# 湖南長沙一棟大樓僅花29小時完成!

據悉,呢棟11層高嘅大樓係由遠大科技集團所承辦嘅。成棟公寓嘅興建過程都被完整紀錄,而整個過程只係花咗28小時45分鐘,令唔少世界各地嘅網民都讚嘆「呢個速度絕對可以幫手解決各國嘅住屋問題」!

整棟大樓只係花費28小時45分鐘就完成建築!Photo from TBS news

大部分建築過程都已經喺工廠完成,導致興建速度快速?!Photo from TBS news

# 仲可以俾住客即時入住?!

根據報導資料,成棟樓其實係使用咗「組合」方法所建成,亦即係將一個個已經組合好嘅盒子所拼砌而成,只要將盒子依順序堆砌就完成,所以相對上比較節省時間!而呢棟大樓嘅內部裝修亦已經完成,一應俱全,住戶們已經可以立刻搬入去住!

承辦商表示呢種大樓使用嘅係組合屋建築方法!Photo from TBS news

大樓興建好嘅同時,其實內部都已經裝修好!Photo from TBS news

住客們可以立刻入住,十分方便!Photo from TBS news

# 90%大樓建築已經於工廠完成!

日本媒體亦有到訪樓宇嘅建造工廠,直擊佢哋建造模板嘅過程:員工們會先建造好房子嘅模板,再用起重機幫忙拼砌出內部。員工們表示佢哋呢種興建方法將會比普通組合屋更加穩固,仲話本身興建同類樓宇嘅時間至少都需要1年,但而家就大大縮短時間,亦可以減少因為起樓而導致空氣污染嘅問題,一舉兩得!

90%嘅建築模板都已經喺工廠完成。Photo from TBS news

比起其他組合屋,興建嘅時間更加快速!Photo from TBS news

# 負責人表示對樓宇安全有信心!

雖然起樓嘅速度令大家都嘆為觀止,不過網民們更加關心樓宇嘅安全問題!根據內地發展商所講,大樓嘅設計結構已經通過咗防震測試,最高可以抵抗到9級嘅震動。再加上,大樓用咗不銹鋼管搭建,負責人仲好有信心咁話「只要材料夠,興建200層都不是問題!」

大樓已經通過咗防震測試!Photo from TBS news

建築負責人對於大樓嘅穩固程度十分有信心!Photo from TBS news

# 連內地網民都懷疑安全問題?!

不過唔少內地網民都依然對大樓安全問題存疑,認為大樓嘅耐用度依然成謎,難以確保能夠十幾年後大樓依然穩固安全,有網民講笑咁話「承辦商應該做第一個入住嘅人試下!」;亦有外國網民好坦白咁話「內地製造,好似唔太可靠」、「會唔會係假技術?!」等留言,對於負責人所講嘅嘢有所保留!

就連內地網民都表示對呢棟大樓嘅安全冇咩信心?!Photo from TBS news

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

內地男團成員付佳源驚爆是女生!網民:根本係現實版《原來是美男》

12 Oct , 2021

韓劇《原來是美男》中女扮男裝混入男團情節在現實上演了?!內地養成系男團「億光年」以00後小男生做賣點,日前卻驚爆成員付佳源真實身份係女仔,佢本人亦承認「隱瞞性別」,並承諾退出演藝圈。

內地男團憶光年成員付佳源認隱瞞性別Photo from 微博

「億光年」主打00後男孩成員

中國男團組合「億光年少年團」以00後男生作主要成員,並透過「練習生劇場公演」累積粉絲。從所屬公司微博戶口中嘅相片可見,大部分成員睇落都充滿稚氣,同一班中小學生站在禮堂舞台上無大分別。

憶光年成員好細個Photo from 微博

「億光年」付佳源被指隱瞞性別

綜合內媒報道,有網民爆料「億光年」成員付佳源其實係女生,並批評佢隱瞞真實性別參加選秀節目係欺騙粉絲嘅行為,事件引嚟網民熱議。

付佳源真實性別被質疑Photo from 微博

付佳源打扮中性Photo from 微博

付佳源自爆女生身份並為此致歉

12歲付佳源日前於微博連發三文,承認隱瞞性別及欺騙粉絲一事,並為事件致歉。佢表示當初接到不少經紀公司嘅邀約,最後選擇了億光年,「當時年少無知,隱瞞了公司自己的性別,欺騙了粉絲,對不起再次道歉。」

付佳源在微博發文承認自己係女生,並為此致歉及承諾推出演藝圈Photo from 微博

付佳源請求網民畀自己一次機會,因為其校園及家庭生活已受到影響。佢在帖文最後保證以後不會再於娛樂圈露面,亦唔會再喺影片平台露面,意即退出演藝圈。同時,付佳源於另外兩篇帖文自稱無加入過男團,只係冬令營成員而已。

付佳源澄清自己只係億光年冬令營成員而已Photo from 微博

「億光年」經紀公司指係線上選拔出現疏忽

對此,憶光年所屬社亦發出聲明,指付佳源係公司第二季嘅冬令營成員,「招募時,家長跟孩子都隱瞞了性別,並稱自己是男生。」又指因疫情關係,成員選拔方式轉為線上,令其工作人員在工作過程中出現疏忽,並強調公司未來將會嚴格按照規章制度執行,同時澄清付佳源合約早於數月前結束。

億光年所屬公司澄清付佳源合約已於數月前結束Photo from 微博

網民:根本是現實版《原來是美男》!

事件引發內地網民熱烈討論,有網民看到付佳源照片,表示佢相貌及穿著風格都偏中性,表示佢睇落不男不女的確會分唔到性別,「你跟我說她是男生我就信,說是女生我也信」。

付佳源被部分網民指難以分辨性別Photo from 微博

有部分網民認為付佳源較似女仔Photo from 微博

有網民指自己不能分辨付佳源性別Photo from 微博

有網民話不論付佳源被指係男或女都會信Photo from 微博

但亦有網民表示:「這不是一看就是女生嗎?」、「這長相還蠻女的呀~」

有網民則認為付佳源一看便是女生Photo from 微博

另有不少網友笑言,事件情節猶如現實版《原來是美男》,此劇由朴信惠、張根碩主演,當中講述女主角代替雙胞胎哥哥加入偶像男子團體「A.N.JELL」,女扮男裝與男團中另一成員發生戀情,難怪咁多人認為事件與劇集相似!

不少網民付佳源指事件猶如現實版《原來是美男》Photo from 微博

2009韓劇《原來是美男》描述女扮男裝女主角混入偶像男團引發嘅愛情喜劇故事Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel