download HolidaySmart 假期日常 app
《姊妹淘》主持相約主題樂園齊晒名牌!富貴行頭大比拼!盤點眾人Hermès袋珍藏

《姊妹淘》主持相約主題樂園齊晒名牌!富貴行頭大比拼!盤點眾人Hermès袋珍藏

娛樂新聞
By Jennifer on 20 Oct 2021
Digital Editor

TVB《姊妹淘》雖然停播但一班主持人近日就相約去主題樂園玩。吳若希、莊思敏、蔡嘉欣、陳詩欣、王子涵5人更孭名牌手袋出巡,大晒富貴行頭。當中超過一半人都有孭Hermès手袋,即睇佢哋嘅珍藏!

TVB《姊妹淘》雖然停播但一班主持人近日就相約去主題樂園玩Photo from 莊思敏 IG

《姊妹淘》相約迪士尼齊晒名牌

《姊妹淘》主持人有唔少,之前一直有不和傳聞,但喺節目停播後佢哋都大嘆可惜,私底下亦有互相聯絡,最近吳若希、莊思敏、蔡嘉欣、陳詩欣、王子涵5人就一齊去迪士尼玩。

《姊妹淘》主持人有唔少,之前一直有不和傳聞,但喺節目停播後佢哋都大嘆可惜,私底下都有互相聯絡Photo from 王子涵 IG

佢哋喺IG公開合照,個個都充滿少女心戴上公仔頭箍,除此之外主持人嘅一身行頭亦十分引人注目!

佢哋喺IG公開合照,個個都充滿少女心戴上公仔頭箍Photo from 蔡嘉欣 IG

《姊妹淘》嘅唔少集數都有提及各款名牌手袋,包括如何保養、選購等,主持人更拎出佢哋嘅私伙手袋,分享當時買袋嘅原因。

《姊妹淘》嘅唔少集數都有提及各款名牌手袋,包括如何保養、選購等,主持人更拎出佢哋嘅私伙手袋Photo from 《姊妹淘》

陳詩欣行頭最低調,不久前入手人生第一個Hermès手袋

陳詩欣最近獲男友求婚,即將晉升幸福人妻,佢當日就孭咗價值約一萬幾嘅Chloé手袋,相較其他人佢低調得多。

陳詩欣最近獲男友求婚,即將晉升幸福人妻,佢當日就孭咗價值約一萬幾嘅Chloé手袋Photo from 陳詩欣 IG

之前佢上蔡嘉欣嘅YouTube Channel時就提到無幾耐前先買咗人生第一個Hermès手袋,不過靚袋啱啱到手嘅佢表示已諗好下一個袋買咩款!「入坑」勁快!

之前陳詩欣上蔡嘉欣嘅YouTube Channel時就提到無幾耐前先買咗人生第一個Hermès手袋Photo from 蔡嘉欣 YouTube

靚袋啱啱到手嘅陳詩欣表示已諗好下一個袋買咩款!「入坑」勁快!Photo from 陳詩欣 IG

王子涵最愛Dior手袋

王子涵嘅Dior手袋價值逾3萬,佢之前嘅IG相都有出現過呢個袋,相信佢都十分愛惜~雖然爸爸係王晶,但王子涵平日嘅IG都好少出現名牌手袋,就算孭都係Dior袋而唔係「炒款袋」,比較低調。

王子涵(右二)嘅Dior手袋價值逾3萬Photo from 王子涵 IG

王子涵之前嘅IG相都有出現過呢個袋,相信佢十分愛惜~Photo from 王子涵 IG

吳若希孭Hermès Kelly

吳若希仲帶埋老公、愛女一齊去玩!佢孭藍色Hermès Kelly 25,仲係特別定製款,官方售價約為$76,400港元,呢個袋雖然官方價唔貴,但炒價高達$20萬!

吳若希仲帶埋老公、愛女一齊去玩!佢孭藍色Hermès Kelly 25Photo from 吳若希 IG

其實吳若希都有唔少Hermès手袋,包括Hermès Lindy、Hermès Roulis。

吳若希都有唔少Hermès手袋,包括Hermès LindyPhoto from 吳若希 IG

吳若希有橙色Hermès RoulisPhoto from 吳若希 IG

莊思敏孭Hermès Lindy Mini,曾於《姊妹淘》晒私伙Hermès袋

大馬拿篤女莊思敏都有孭Hermès Lindy Mini,Lindy Mini係2019年推出嘅款式,官方售價約$6,150美元,不過手袋一經推出即十分受歡迎,連VIP都未必有貨!炒價亦勁高,逾$10萬。

大馬拿篤女莊思敏都有孭Hermès Lindy MiniPhoto from 莊思敏 IG

佢本身都有好多款Hermès手袋,之前喺《姊妹淘》就晒過3個私伙Hermès袋,包括橙色嘅Birkin、Kelly 40、Kelly to go,合計總值超過$30萬!佢仲有啡色嘅Hermès 24/24。

莊思敏之前喺《姊妹淘》就晒過3個私伙Hermès袋Photo from 莊思敏 IG

莊思敏有3個Hermès袋,包括橙色嘅BirkinPhoto from 《姊妹淘》

《姊妹淘》Photo from 《姊妹淘》

莊思敏仲有啡色嘅Hermès 24/24。Photo from 莊思敏 IG

蔡嘉欣孭Hermès Constance,Hermès fans珍藏勁多款式!

至於蔡嘉欣作為Hermès嘅fans,本身都有好多珍藏!佢曾經喺IG晒過Evelyne、Garden Party、Constance、Roulis、Picotin、Lindy等各種唔同嘅款式。

蔡嘉欣作為Hermès嘅fans,本身都有好多珍藏!佢曾經喺IG晒過EvelynePhoto from 蔡嘉欣 IG

蔡嘉欣有一個啡色Hermès RoulisPhoto from 蔡嘉欣 IG

蔡嘉欣喺IG晒出PicotinPhoto from 蔡嘉欣 IG

蔡嘉欣有各種唔同款式嘅Hermès袋。Photo from 蔡嘉欣 IG

另外Hermès最經典嘅Kelly,佢當然都有!佢喺YouTube就曾分享葡萄紫同芝麻色Kelly。

另外Hermès最經典嘅Kelly,佢當然都有!蔡嘉欣喺YouTube就曾分享葡萄紫同芝麻色Kelly。Photo from 蔡嘉欣 YouTube

而佢帶去迪士尼嘅手袋相信係Hermès Constance bag,Constance系列越嚟越難買,佢之前喺IG分享嘅相片中就曾經出現過呢個袋,呢個袋亦係熱門款式,炒價超過$10萬!網民表示估唔到蔡嘉欣嘅Hermès袋比起「富婆」莊思敏、王子涵等更多、更富貴!

蔡嘉欣之前喺IG分享嘅相片中就曾經出現過呢個袋。Photo from 蔡嘉欣 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

《姊妹淘》被指太悶遭王祖藍下令停播!主持人屢傳不和 今齊加入「失業大軍」

6 Jul 2021

TVB長壽節目《姊妹淘》4輯合共播出過千集,近日有指首席創意官王祖藍下令要節目停播,一眾主持大表震驚同可惜,雖然節目播出以嚟主持人屢傳不和,但停播消息傳出後佢哋都大為不捨。

TVB長壽節目《姊妹淘》4輯合共播出過千集Photo from 《姊妹淘》

《姊妹淘》由2011年開播,至今已播出10年,節目每集邀請唔同嘅專業人士或嘉賓交流扮靚心得,最新一輯嘅主持陣容包括莊思敏、張寶兒、蔡嘉欣、孫慧雪等。

《姊妹淘》由2011年開播,至今已播出10年,節目每集邀請唔同嘅專業人士或嘉賓交流扮靚心得Photo from 《姊妹淘》

《姊妹淘》Photo from 《姊妹淘》

《姊妹淘》Photo from 《姊妹淘》

《姊妹淘》本來係安排喺J2台播出,直至2020年5月曾一度停播,2個月之後轉為喺翡翠台播出第4輯。不過有指「首席創意官」王祖藍覺得節目「太悶」,於是下令停播。

《姊妹淘》本來係安排喺J2台播出,直至2020年5月曾一度停播,2個月之後轉為喺翡翠台播出第4輯Photo from 《姊妹淘》

「首席創意官」王祖藍Photo from 《開心大綜藝》

一眾主持人收到消息都話非常突然,仲話希望公司遲啲會再開返。其中唔少主持都表示好中意節目嗰張高腳櫈,以展現佢哋修長美腿。

唔少主持都表示好中意節目嗰張高腳櫈Photo from 《姊妹淘》

雖然主持們話好唔捨得一班好拍檔、好姊妹,但喺節目播出期間,主持人屢傳不和。

雖然主持們話好唔捨得一班好拍檔、好姊妹,但喺節目播出期間,主持人屢傳不和。Photo from 蔡嘉欣IG

前港姐蔡嘉欣被指成日喺節目搶fo搶對白搏上位而令傅嘉莉、莊思敏等主持不滿,又有傳佢經常炫耀有米男友好錫佢,日日晒名牌手袋,「犯眾憎」惹怒節目其他成員。

前港姐蔡嘉欣被指成日喺節目搶fo搶對白搏上位Photo from 蔡嘉欣IG

蔡嘉欣講嘢非常直接,主持人為前「星夢一姐」Jinny慶祝生日時,佢竟直言:「你以為自己真係姊妹淘一姐?你當Jacqueline(莊思敏)係咩呀?」,Jinny即表示《姊妹淘》嘅人真係好mean,指自己要轉組,蔡嘉欣即回:「轉去邊?有你嘅容身之地咩?」,令對方忍唔住話:「對唔住嘉欣姐!」

其中一期提到最憎心機女行為,蔡嘉欣指佢唔中意啲女仔有男朋友都繼續收兵,即被其他主持串:「唔係你咩?」,不過一班主持都否認有不和,今次《姊妹淘》停播令唔少人都加入「失業大軍」,佢哋表示希望會有其他新節目可以參與。

其中一期提到最憎心機女行為,蔡嘉欣指佢唔中意啲女仔有男朋友都繼續收兵,即被其他主持串:「唔係你咩?」Photo from 《姊妹淘》

《姊妹淘》Photo from 《姊妹淘》

「元老」莊思敏身處內地有工作在身,不過其他主持就無咁好彩,長壽節目一停即「集體失業」。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel