download HolidaySmart 假期日常 app
無窮之路|陳貝兒主持節目獲人民日報大讚 網民:咁多窮人要自力更生,又話共同富裕?!

無窮之路|陳貝兒主持節目獲人民日報大讚 網民:咁多窮人要自力更生,又話共同富裕?!

娛樂新聞
By Cheryl on 20 Oct 2021
Digital Editor

TVB主持人陳貝兒為無綫拍攝專題紀錄片系列《無窮之路》,到內地逗留三個月,遊走多個曾經的「貧困縣」,探討佢哋嘅脫貧過程。節目近日獲人民日報高度讚賞,豆瓣評分更高達9.5分。

陳貝兒拍攝TVB《無窮之路》,節目獲人民日報大讚Photo from 陳貝兒 IG

陳貝兒曾到內地三個月拍《無窮之路》

TVB自八月起播出《無窮之路》,節目由陳貝兒主持,佢今年四月與攝製隊到內地逗留三個月,挑選了十個最具代表性嘅深度貧困地區案例,探討每個地點採用嘅扶貧方式,並記錄當地人曾面對嘅困難與付出,表達呢家嘅美好生活得來不易。

陳貝兒拍攝節目經常採訪當地人民Photo from 陳貝兒 IG

陳貝兒為《無窮之路》與攝製隊逗留內地三個月Photo from 陳貝兒 IG

《無窮之路》獲人民日報、豆瓣高度讚賞

近日,《無窮之路》獲人民日報以長文高度讚揚,表示節目成功為觀眾帶來身臨其境嘅體驗感,猶如親身經歷陳貝兒面對險要環境時嘅心理狀況,又指:「用心的製作、感人的故事,無論在內地還是香港,都能打動人心,更深層次的原因在於,我們同屬一個國家,有着共同的根脈,血濃於水,能真正找到共鳴,生發出同為中國人的自豪感。」

人民日報發成文大讚TVB節目《無窮之路》Photo from 人民日報

人民日報指《無窮之路》製作用心,觀眾代入感強Photo from 人民日報

唔只官媒,節目亦深得內地網友喜愛。《無窮之路》喺內地知名影視評分網「豆瓣」中獲得9.5高分,有內地網民大讚陳貝兒有魅力,參與度高、表現夠放,能帶出代入感。

《無窮之路》在內地影視網豆瓣評分相當高達9.5Photo from 豆瓣

陳貝兒難忘拍攝經歷

對此,陳貝兒都感到歡喜,佢經常喺社交平台分享《無窮之路》嘅拍攝點滴,整個製作過程對佢而言都非常難忘同好有挑戰性,因為佢要探訪好多偏遠地區,例如:大涼山懸崖村、大西北戈壁沙漠等等。

陳貝兒經常喺IG分享《無窮之路》拍攝照Photo from 陳貝兒 IG

陳貝兒喺一則帖文寫道,佢從雲南一班種植咖啡嘅村民領會到「唔係因為見到有希望所以堅持,而係因為默默堅持努力,所以見到希望」,又不忘在帖文最後宣傳節目播映時間,睇得出佢真係好熱愛呢套節目~

陳貝兒分享自己從當地人領會到嘅人生道理Photo from 陳貝兒 IG

本地網民:節目所呈現嘅片段對國家主旋律有「倒米」效果?!

節目透過記錄內地人脫貧奮鬥經歷而喺當地俘虜不少觀眾。不過,有本地網民就認為,現時國家大力宣揚「共同富裕」,故表示:「一向發展繁榮嘅國家又會有咁多貧窮地區?節目show咁多要自力更生嘅偏遠地區好似有啲『倒米』喎~」

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel