download HolidaySmart 假期日常 app
阿叻疑似著淘寶貨上節目! 網民列出2大證據 力證並非正版

阿叻疑似著淘寶貨上節目! 網民列出2大證據 力證並非正版

娛樂新聞
By Stephanie on 20 Oct 2021
Digital Content Writer

陳百祥(阿叻)一向都以鍾意認叻而為人熟悉!最近,佢就上TVB節目《思家大戰》同一班藝人大玩問答遊戲,不過就被眼利嘅網民們發現佢身穿嘅意大利名牌外套疑似係「A貨」?!而網民們仲非常厲害咁開始玩「找不同」遊戲,逐一將破綻位指出,十分搞笑!

網民發現阿叻上節目所穿嘅外套好似係「A貨」?!Photo from 《思家大戰》

# 阿叻已經入行40幾年!

陳百祥(阿叻)入行至今已經43年,曾經出演多部電視劇以及主持多個節目,由於初期形像定位為鍾意認叻,因此大家都稱呼佢為「叻哥」!不過近幾年,佢嘅工作量已經大大減少,睇嚟已經開始過緊半退休嘅生活喇~

陳百祥入行多年,曾出演多部經典電影!Photo from 《精裝追女仔》

不過近年阿叻已經比較少於螢光幕前曝光!Photo from TVB

# 網民發現疑似穿著A貨上節目?!

最近,叻哥出演由李思捷主持嘅TVB節目《思家大戰》,連同其他藝人一齊玩問答獎金遊戲。不過,就有眼利嘅網民發現叻哥上節目所穿嘅外套疑似係「A貨」,引起網民們嘅熱議!

叻哥最近亮相TVB節目《思家大戰》!Photo from 《思家大戰》

叻哥連同其他藝人一齊挑戰問答遊戲!Photo from 《思家大戰》

# 官網同淘寶嘅價錢差天共地!

網民指叻哥所穿著嘅外套應該係意大利名牌PHILIPP PLEIN同LOONEY TUNES聯乘嘅產品 「WOOL BOMBER LEATHER SLEEVES」,售價大約係港幣$43,000,外套上嘅公仔仲釀滿鑽石,非常豪華!有網民隨即喺淘寶網搵到同類型嘅外套,而售價只係大約人民幣$728,仲有折扣只需要人民幣6百蚊就買到,價錢上嘅落差十分大!

意大利品牌PHILIPP PLEIN官網上顯示外套嘅售價大約係$4,3705!Photo from PHILIPP PLEIN官網

有網民居然於淘寶發現款式相似嘅外套,而售價只係大約700幾人民幣!Photo from 淘寶

# 網民列出2大證據!

網民們就指出叻哥身上外套嘅2大破綻位,認為佢嘅外套應該唔係正貨,而係淘寶貨?!首先,網民指出叻哥右邊身口嘅Tweety 翠兒(黃色嗰隻)嘅雙腿顏色異常鮮豔,與淘寶售賣嘅十分相似,但就同正版嘅橙黃色有啲分別;另外,翠兒頭上嘅幾條頭髮加上咗白色邊邊,然而正版嘅外套並冇圍上白色線!

眼利嘅網民就列出咗叻哥身上嘅外套同正版嘅分別!Photo from 《思家大戰》

其中叻哥外套嘅2大明顯破綻位,都係卡通翠兒身上發現!Photo from 《思家大戰》

除咗呢2個比較明顯嘅證據之外,網民們仲指出咗好多「疑點」,包括:右邊衫袖位置嘅公仔似乎有啲唔同等!睇返官網,而家網頁顯示呢款外套只係得1個款式,雖然亦有售賣同卡通系列嘅「棒球外套」,但嗰件外套嘅顏色係白色,同叻哥所穿嘅完全唔同!

網民仲指出多個唔同之處,令外套嘅真實來源更加成謎!Photo from HolidaySmart

官網亦有差唔多款式嘅棒球外套售賣,不過好明顯同叻哥嘅更加唔同!Photo from PHILIPP PLEIN官網

# 網民:好明顯同正版唔同!

以上嘅種種不同,都不禁令網民覺得叻哥身上所穿著嘅有可能就係「淘寶貨」喇!有網民就講笑咁話「睇嚟好快就會有陳百祥同款出現喺淘寶喇!」、「賺咁多都要買淘寶!」等,唔知叻哥所穿嘅究竟係咪特別版本呢?!

唔少網民都推測阿叻身上嘅應該就係淘寶購買嘅外套喇!Photo from 《思家大戰》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

方媛分享穿著打扮 全身名牌配搭被指似淘寶貨、無品味

11 Dec , 2020

郭富城老婆方媛雖被指曾參加「天王嫂訓練營」,但無受影響仲經常喺網上分享穿搭打扮,又大晒各種名牌衣著、手袋等。不過佢早前分享名牌配搭就被網民著到指似淘寶貨。

「天王嫂」方媛嫁畀天王郭富城之前係模特兒,依家升價10倍!雖然有傳聞指佢曾參加「天王嫂訓練營」,但並無影響佢心情,仍然不時喺微博分享生活。

「天王嫂」方媛嫁畀天王郭富城之前係模特兒,依家升價10倍Photo from 方媛微博

方媛嘅微博認證係「知名時尚博主」,而佢亦經常喺微博大曬名牌,包括手袋、飾物、衣服等。

方媛經常喺微博大曬名牌Photo from 方媛微博

佢之前喺微博post片分享自己嘅日常穿搭,佢表示最近比較中意毛衣搭配,同大家分享一下唔同風格嘅穿著:「有酷酷的、甜美的、優雅的風格。」

喺微博post片分享自己嘅日常穿搭Photo from 方媛微博

方媛表示最近比較中意毛衣搭配,同大家分享一下唔同風格嘅穿著Photo from 方媛微博

片中佢換咗多個不同造型,唔同風格仲用上各種帽、頸鏈、鞋等配搭。

方媛換咗多個不同造型Photo from 方媛微博

唔同風格仲用上各種帽、頸鏈、鞋等配搭。Photo from 方媛微博

7種風格打扮原來來頭唔細!好多衫、飾物都係一線大品牌,好似係LV、Chanel、Dior等。

7種風格打扮原來來頭唔細Photo from 方媛微博

好多衫、飾物都係一線大品牌Photo from 方媛微博

方媛瘋狂換衫Photo from 方媛微博

不過網民就唔係好欣賞佢嘅穿著打扮,指佢穿到似淘寶,又話佢無品味,勁網紅feel!

網民指佢穿到似淘寶,又話佢無品味Photo from 方媛微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel