download HolidaySmart 假期日常 app
女友暗示要名牌袋做拍拖週年禮物! 港男被迫送禮:點解女人唔用自己錢買名牌?

女友暗示要名牌袋做拍拖週年禮物! 港男被迫送禮:點解女人唔用自己錢買名牌?

生活熱話
By Stephanie on 21 Oct 2021
Digital Content Writer

相信大家都會同另一半一齊慶祝唔同嘅節日,而最重要嘅就莫過於兩人嘅拍拖週年紀念喇!最近,有位港男就喺討論區表示自己本身已經預備好book迪士尼 Staycation 同女友一齊慶祝,不過女友就坦白話想要名牌袋做禮物,令港男十分煩惱!

港男已經事先為女友準備好Staycation驚喜作為拍拖週年紀念禮物!Photo from TVB

# 港男被女友要求送禮?!

情侶間最重視嘅就一定係兩人嘅拍拖週年紀念,唔少人都會花盡心思為對方準備驚喜,希望可以從而令大家嘅感情變得更好!日前,有位港男就話自己已經預備要同女友去Staycation度過週年紀念,不過女友卻竟然要求額外嘅禮物,並以「點解女朋友一定要買名牌袋?」為題開post。

港男竟被女友要求送上週年紀念禮物?!Photo from 香港討論區

#原本已打算去Staycation慶祝

港男表示自己已經為拍拖週年紀念做好咗準備,由於女友之前曾經講過想去迪士尼樂園玩,所以佢今次就特意安排去迪士尼樂園Staycation以及入樂園玩一日,希望可以成功俾到驚喜女友!

港男表示打算預約酒店Staycation同女友慶祝拍拖週年紀念!Photo from TVB

# 女友詢問有冇其他禮物?

正當港男同女友講述紀念日嘅安排後,女友就突然問佢「即係你唔會再送其他禮物俾我喇?」而港男表示本身就打算送小飾物俾女友,不過因為唔清楚女友嘅喜好,所以就打算帶女友去揀再由佢俾錢,並將整個計畫全盤托出!

港男話自己本身都打算再送小飾物俾女友!Photo from TVB

# 表示有心意嘅名牌手袋!

不過,女友聽到之後就好坦白咁話「我唔想要飾物,但最近睇中咗個名牌袋啊!」,言下之意即係希望港男可以改送名牌袋。而港男就感到十分無奈,仲話既然佢都講到出晒面,即係被迫要送價值萬幾蚊嘅名牌袋俾佢!

女友向男友坦白表示最近有鍾意嘅名牌手袋!Photo from TVB

# 港男無奈被迫送禮

港男就忍唔住喺討論區道出心聲「點解女人咁鍾意買名牌,好睇唔好用,仲要唔鍾意用自己錢買名牌!」,詢問廣大嘅女網民解答,並且認為女生購買名牌只係盲目追求物質嘅行為!

港男唔理解女生點解如此喜歡名牌袋!Photo from TVB

# 網民有唔同睇法?!

呢個post隨即引起男女網民各執一詞嘅現象!男網民們就認為港男嘅女友過分注重物質,貪慕虛榮,奉勸港男應該好好審視係咪要同女友繼續一齊。而女網民們隨即反擊,認為只係男女對於物質上嘅追求有所不同,「男人咁鍾意買勞力士,唔通又真係為咗睇時間咩?」,覺得港男應該理解女友追求名牌手袋嘅原因。

網民們覺得呢位女友貪慕虛榮,只係為咗向身邊嘅朋友炫耀而要求男友買名牌袋!Photo from 香港討論區

有網民隨即反擊認為男女嘅購物慾有唔同,唔理解點解男士鍾意買名錶!Photo from 香港討論區

不過,有網民就覺得能夠為心愛嘅另一半買到佢鍾意嘅禮物亦係另一種幸福,並唔會因為咁樣而斤斤計較!

有網民就覺得買禮物俾女友係幸福嘅事!Photo from 香港討論區

網民能夠見到另一半收禮物嘅幸福樣貌都好開心!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

女同事主動出擊追求港男 晚晚傳簡訊 網民勸喻:伏味濃!

15 Oct , 2021

有唔少人喺遇到心儀對象嘅時候,都會勇敢地主動出擊。最近,有位港男就表示正在被一位新來嘅女同事追求中,而且仲日日都會主動同佢send短訊。其實港男對呢位女同事都有好感,不過佢就記得女同事曾經講過話自己已經有男友,令佢十分煩惱!

港男表示同被女同事落力追求中,十分不知所措!Photo from TVB

# 港男被新女同事追求!

唔少人喺遇到心儀對象時,都會有唔同嘅反應,有啲就比較害羞,而有啲就非常主動追求所愛!日前,港男就表示自己正在被女同事追求,感到非常煩惱,希望各位網民可以俾啲建議佢~

港男表示最近受到女同事嘅主動追求!Photo from dcard 討論區

# 一齊返工而變熟絡

港男表示自己係A1,原本公司就冇咩女仔,就算有女同事好多時都已經名花有主。最近,公司就請咗一位新嘅女同事,樣貌都尚算唔錯,只係有少少MK。有一次,兩人返工嘅更咁啱一樣,所以佢哋就變熟絡咗好多。

港男表示同最近新來嘅女同事變得熟絡!Photo from TVB

由於女同事仲係一位新人,所以當日佢就負責帶著呢位女同事。而佢就發現女同事不時都會借機挨落佢身上,仲會經常稱讚佢靚仔,令佢受寵若驚!

女同事有意無意嘅身體接觸,令港男嚇親!Photo from TVB

# 取得女同事電話

有一次,上司就表示需要員工嘅聯絡資料,而女同事就叫港男幫佢填寫,亦因為咁所以佢就攞咗女同事嘅電話!而港男就好有交帶咁向女同事傳訊息表示已經幫佢填寫好資料,並提醒佢關於返工嘅嘢。

女同事叫港男幫手填寫資料,所以就獲得對方嘅電話號碼!Photo from TVB

# 兩人開始日日傳簡訊!

自此,女同事就每日都開始send訊息俾港男,就算返工一齊返,夜晚都會搵港男繼續傾計。由於港男係「有問必答」嘅類型,再加上對方係新人,所有就對佢特別親切,未知女同事係咪因此而有所誤會。有一次,港男返夜班,女同事竟然熬夜同佢傾通宵,仲向港男send咗張便服嘅自拍照!

女同事日日都會同港男傳簡訊!Photo from TVB

# 女同事突然表白?!

直到前幾日,女同事就突然好直接咁問港男「有冇掛住佢?」、「鍾唔鍾意佢?」之類嘅問題,仲親自向港男表白自己嘅心意,令佢十分不知所措!雖然之後女同事話嗰日佢飲多咗亂講嘢,不過就向港男強調當日所講嘅嘢係真嘅!

女同事有晚突然好直接咁表示掛住港男!Photo from TVB

# 對方疑似有男友?

港男就話其實對佢都有好感,但印象中佢曾經講過自己有男友,不過就快分手,所以港男好快就決定要同對方劃清界線!面對女同事如此進擊嘅追求,港男表示唔知道應該點樣應對先會令大家冇咁尷尬!

港男其實對女同事都有好感,但因為知道對方有男友所以就卻步!Photo from TVB

# 網民奉勸唔好「沉船」!

唔少網民睇完港男嘅故事之後,都提醒港男要小心呢位女同事,認為對方似乎對感情並唔認真,而且睇情況女生比較似係想「收兵」!

有網民就覺得女方似乎係想收港男做兵!Photo from dcard 討論區

有網民覺得女同事好明顯就係愛情高手,奉勸港男一定要小心!Photo from dcard 討論區

# 網民認為港男應遠離女同事!

另外,有網民就認為既然都知道對方有男朋友就唔應該咁頻密咁同佢傳短訊!就算兩人最後就係有機會成為情侶,女方都好有可能會繼續喺出面認識其他男仔,認為呢類女仔並唔可取!

有網民就覺得港男都唔應該同女同事經常傳訊息!Photo from dcard 討論區

網民認為好似女同事呢類型嘅女仔並唔適合做女友!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel