download HolidaySmart 假期日常 app
內地將推出新家庭教育政策「連坐法」?!未成年少年犯錯 父母將被一同懲罰!

內地將推出新家庭教育政策「連坐法」?!未成年少年犯錯 父母將被一同懲罰!

時事熱話 生活熱話
By Stephanie on 21 Oct 2021
Digital Content Writer

內地政府最近正在加強對於未成年人嘅監管,繼早前嘅「遊戲宵禁令」之後將會再推出更加嚴謹嘅限制。最近,全國人大常委會已經草擬好並打算推行《家庭教育促進法案》,一旦未成年少年犯下錯誤,家長或者監護人都將會一併受罰!

內地即將推行「連坐法」,一旦未成年少年犯下嚴重錯誤,家長都將會一齊受罰?!Photo from TVB

# 內地推出新家庭教育政策?!

內地政府最近正在整頓社會風氣,由最初嘅管理娛樂圈問題,包括:設定「限娘令」、「限籍令」等,到而家開始管理未成年少年嘅不良現象。繼早前所推出嘅「遊戲宵禁令」,而家又將會推出針對未成年少年嘅措施,而今次家長都將會牽連其中?!

內地早前已經推行咗「遊戲宵禁令」!Photo from TVB

# 認為缺乏適當家庭教育係主因!

最近,全國人大常委會就舉行咗會議,並草擬《家庭教育促進法案》針對未成年少年不當行為,作出一連串嘅規定。根據,發言人嘅解釋「青少年會出現不當行為嘅主因係缺乏適當家庭教育」,故此希望推出家庭教育評估後,能夠令家長們成為「合格父母」!

內地疑似列出咗做「合格」父母嘅準則!Photo from 微博

# 家長需要與未成年子女一齊承擔責任?

而最新嘅草案大概模擬幾項規定,當發現未成年少年有不當行為,例如:沈迷網絡遊戲等,就會對佢哋嘅家長或者監護人進行訓誡,並且需要接受強制性嘅家庭教育指導;如果未成年少年犯下更嚴重嘅錯誤時,父母仲好有可能會因此而需要負上法律責任!

未成年少年做除出不當行為時,家長亦有可能需要受罰?!Photo from TVB

# 內地網民意見不一

內地網民對於呢項新政策抱持唔同嘅睇法,部份網民就認為呢項草案可以有效解決未成年少年問題;但亦有網民認為父母嘅壓力變得更加大,處理工作上嘅壓力已經非常大,但而家咁樣就會令佢哋對於生育嘅決定卻步!

部份內地網民十分支持草案,認為對教育孩子非常有效!Photo from 微博

另外,有網民就認為此措施會令大家唔想生育!Photo from 微博

# 需要時將為老師提供培訓!

學校教育方面,新草案就比較強調家庭教育嘅「自律」,認為監護人以及父母對於未成年少年嘅責任更加大。不過草案中表示有需要嘅時候都會提供培訓俾教育人士,等佢哋可以協助教導小朋友。雖然法案並冇透露太多關於老師嘅教育規定,但相信不久嘅將來都將會有相應嘅措施實行。

新草案尚未有明確計畫俾教育人士,不過就表明有需要嘅時候一定會加強培訓老師!Photo from TVB

# 未成年少年作息+遊玩時間受管制!

其實現時內地未成年少年們已經受到「遊戲宵禁令」嘅限制,聲稱將會嚴厲管制未成年少年於遊戲上線嘅時間,遊戲公司只能夠喺星期五、六、日嘅晚上8點至9點為佢哋提供遊戲服務!而青少年嘅作息時間亦有規定:小學生每日要瞓10個鐘、初中生瞓9個鐘、高中生瞓8個鐘頭;而小學生必須21:20前瞓、初中生就於22:00前、高中生就最遲23:00瞓。

內地未成年少年打機已經受到限制!Photo from 微博

內地規定咗小學生、初中生、高中生每日嘅作息時間!Photo from TVB

# 禁止盲目追星文化!

除此之外,內地對於追星以及「盲目推崇偶像」作出管制,認為呢類行為有損社會價值!內地官方亦宣佈禁止唔理性嘅追星行為,並且嚴禁粉絲之間為偶像拉票、推排行榜嘅文化。

內地政府亦禁止盲目追星行為!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

內地京東再發佈禁售遊戲公告! 87款遊戲受限 動森/Fifa都喺名單內

3 Sep , 2021

內地政府為整頓「未成年少年用戶」打機嘅問題,並公佈咗一連串嘅措施,包括早前所提及嘅「遊戲宵禁令」等。近日,內地京東又再發佈「禁售遊戲公告」,公開咗87款唔可以售賣嘅遊戲名單,其中包括《超級馬里奧》(Super Mario)以及 Fifa系列!

內地推出一連串規則緩和未成年少年打遊戲問題!Photo from TVB

#內地致力解決未成年少年打機問題!

近來,內地政府正在積極解決「未成年少年用戶」打機嘅問題,其中內地報導《經濟參考報》就表示內地有62.5%嘅人經常都會用電腦玩遊戲,當中有13.2%都係未成年少年手遊用戶,而報導就指問題變得好嚴重,唔少青少年因為遊戲導致荒廢學業,已經深深咁影響未成年少年嘅身心健康!

內地調查顯示好多網民長期打遊戲!Photo from TVB

#針對未成年玩家推行「遊戲宵禁令」

早前,內地政府就率先公佈針對未成年少年嘅「遊戲宵禁令」,聲稱將會嚴厲管制未成年少年遊戲中嘅在線時間:所有遊戲企業都只能夠喺星期五、六、日以及法定假期嘅晚上8點至9點為未成年少年提供遊戲服務,其餘時間則唔允許佢哋玩遊戲!

早前已經推出咗針對未成年少年打遊戲嘅措施!Photo from 微博

#再推禁售遊戲公告

最近,內地京東就發佈咗《禁售遊戲公告》,表明為咗維護健康嘅網絡環境同風氣,以後未經審批嘅遊戲將唔可以喺京東商城發售,仲列出咗10項會被禁止嘅遊戲內容。

近日剛剛發佈嘅《禁售遊戲公告》!Photo from 微博

出售遊戲必須符合規則!Photo from TVB

同一時間,京東就列出咗87款禁售遊戲,名單中有唔少都係非常出名同有人氣嘅遊戲,分別有《集合啦!動物森友會》、《人中之龍》系列、《超級馬里奧製造2》等!

並附上禁售嘅遊戲名單 足足有87款!Photo from 微博

動物森友會都被禁?!Photo from Pinterest

#網民表示不理解!

消息一出就受到內地網民們嘅熱烈關注,唔少網民都表示唔明白部份遊戲點解會被列入禁售名單內,「遊戲怎麼了?」、「遊戲有什麼錯啊」等,相信今次嘅禁售令又會為內地一班鍾意打遊戲機嘅網民大受牽連喇!

網民表示非常無奈!Photo from 微博

網民開始討論部份遊戲禁售原因?!Photo from 微博

#亦有網民表示唔擔心

當中有網民就表示唔明點解Fifa呢個足球遊戲系列都被列入名單中,有網民隨即幽默咁回應「是因為遊戲裡面嘅中國隊隊員數值太弱嗎?」;但亦有網民就好「大膽」咁話相信總會有辦法玩到呢啲遊戲,唔太擔心之後對於遊戲嘅規則越來越嚴格!

有網民竟然表示唔擔心?!Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel