download HolidaySmart 假期日常 app
李雲迪涉桃色交易拘留過程全公開「政協」頭銜一夜消失 當年曾與王力宏傳基情?

李雲迪涉桃色交易拘留過程全公開「政協」頭銜一夜消失 當年曾與王力宏傳基情?

娛樂新聞
By Stephanie on 22 Oct 2021
Digital Content Writer

內地「鋼琴王子」李雲迪日前被爆出醜聞,指佢涉嫌因為桃色交易而被內地警方拘捕!據悉,今次已經並非佢第一次被捕,微博上嘅頭銜「政協委員」隨即被移除,而媒體亦曝光咗佢今次被捕嘅詳細經過!

李雲迪因涉嫌嫖娼而被內地警方拘捕!Photo from 李雲迪微博

# 受國際認可 被稱為「鋼琴王子」!

現年39歲嘅李雲迪憑著超卓嘅音樂天賦於多項國際鋼琴比賽獲得好成績,被獲封為「鋼琴王子」!近幾年,佢經常都獲內地綜藝節目邀請上節目,而家佢亦係《披荊斬棘的哥哥》嘅參賽者之一,演藝前途可謂一片光明。

李雲迪係十分出名嘅國際鋼琴家,曾於多個比賽中獲獎!Photo from 《披荊斬棘的哥哥》

最近,李雲迪仲獲邀出演內地綜藝節目。Photo from 《披荊斬棘的哥哥》

# 因涉嫌桃色交易而被捕?

不過,李雲迪昨晚(21號)就被傳出因涉嫌桃色交易而被拘捕,之後北京朝陽公安分局亦證實咗呢個傳聞!根據內地媒體報導,李雲迪早於今年上半年就已經被捉過一次,只係當時消息並冇傳出去;有同佢一齊喺德國讀書嘅朋友就大爆佢感情生活一直都非常豐富,不過真實性尚未得到證實。

內地媒體表示李雲迪並非第一次因嫖娼而被捕!Photo from 李雲迪微博

# 節目有關影片暫時全部下架!

消息一曝光之後,李雲迪嘅微博上一連串嘅頭銜「重慶政協常委、全國青聯常委、香港青聯副主席」等隨即被移除,只剩下「國際鋼琴家」呢個稱號。中國音樂家協會亦隨即發聲明,表示取消李雲迪嘅會員資格,而現時仲熱播中嘅節目《披荊斬棘的哥哥》就立刻將有關李雲迪嘅影片下架,網民們就猜測接下來播出嘅集數,佢都將會被「打格仔」!

李雲迪微博上嘅頭銜只剩下「國際鋼琴家」!Photo from 李雲迪微博

中國音樂家協會隨即取消李雲迪會員資格!Photo from 微博

《披荊斬棘的哥哥》頭7集暫時全部下架!Photo from 微博

# 大爆李雲迪被捕經過!

根據媒體報導,有網民就發現北京三里屯附近疑似有「黃色」據點,並成功捉到其中一位姓陳嘅小姐,並從佢嘅手機中取得李雲迪嘅聯絡方式。當李雲迪一抵達北京嘅時候,就立刻被警方拘捕。據悉,佢同女子交易嘅方式係用支付寶轉帳,每一次大約係人民幣1萬蚊,並且係用實名轉帳,令唔少網民感到十分驚訝!

媒體大爆李雲迪嘅被捕詳細經過!Photo from 李雲迪微博

李雲迪大多使用支付寶與女生進行交易!Photo from 李雲迪微博

# 網民:自作自受!

對於李雲迪被捕嘅消息,唔少網民都替佢嘅行為感到可惜,認為佢簡直係自毀前途「大好前程就沒了!自作自受!」、「等他出來可以排刑滿釋放的哥哥」等;亦有網民發現佢同吳亦凡一樣被拘留於朝陽看守所,講笑咁話「看守所變得好熱鬧,都可以開音樂會了!」

唔少內地網民都認為李雲迪簡直係自毀前程,睇怕都難以翻身!Photo from 微博

有網民發現李雲迪同吳亦凡拘留嘅地方相同!Photo from 微博

# 事件成功還王力宏清白?!

今次李雲迪嘅事件曝光後,有網民就表示「終於還王力宏一個清白了!」由於李雲迪一直以來嘅性取向都受到大家嘅懷疑,當年佢同王力宏關係曖昧嘅傳聞更加係傳得如火如荼,而王力宏當時仲因此喺微博上澄清過傳聞,不過都未能停止謠言。

王力宏當年就曾經於微博澄清李雲迪係鍾意女仔!Photo from 王力宏微博

王力宏與李靚蕾於2013年結婚,謠言最終不攻自破!Photo from 李靚蕾微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

林穎彤母親疑捲入桃色糾紛 被指愛「叫鴨」疑拒絕借錢後遭恐嚇

21 Oct , 2021

TVB女藝人林穎彤(Bella)嘅媽媽近日被指有「叫鴨」癖好,更被爆料人向傳媒發送林母與多位年輕男士親密照及對話圖。Bella事後回應傳媒指,有人想向媽媽借錢不遂便利用自己嘅藝人身份,發大事件及出言恐嚇,又指林母已報警求助。

林穎彤媽媽被指有召男妓癖好,林穎彤作出回應Photo from 林穎彤 FB

林穎彤身世坎坷,曾窮到瞓街行乞

29歲林穎彤身世坎坷,1歲時父親有外遇後拋妻棄女,自此與媽媽及姐姐相依為命,三母女更曾因無錢交租要瞓街,及在天橋行乞,幸好後來成功申請綜援令情況得以改善。

林穎彤兒時家境貧困,曾因無錢交租要瞓街行乞Photo from 林穎彤 FB

林穎彤童星出身,事業有起色改善家庭生活

童星出身嘅林穎彤10歲出演亞視劇集《萬家燈火》,又同媽媽接受過亞視訪問,揭露其身世以及兩母女經歷過嘅辛酸往事;Bella 16歲參加TVB選秀比賽「十人巷」,奪冠後加入TVB。後來有出演劇集、出唱片,又主持《安樂蝸》,其活潑可愛形象令佢成功入屋。

林穎彤兒時已亮相亞視參演電視劇《萬家燈火》,又接受過訪問講述家況Photo from ATV

林穎彤母親疑似捲入桃色糾紛

林穎彤嘅演藝圈事業有所起色,令家庭生活有所改善。豈料,林母近日疑似捲入桃色糾紛,被人大爆有召男妓癖好,部分疑似屬於林母嘅短訊對話圖更被披露,當中有人表示:「我食鴨多過你食飯呀」、「我有幾個帥仔」、「香港我有3個,分別20歲、22歲、24歲,房租我畀的。」除此,對話圖中更附有多張疑似林母與多位年輕男性嘅親密照。

林穎彤加入TVB後事業有起色,主持《安樂窩》為人熟悉Photo from 安樂窩

林穎彤指母親與一友人關係轉差被騷擾,尊重母親社交自由

林穎彤回應傳媒時稱,媽媽與一名友人關係轉差,該友人想向媽媽借錢解財困,佢被林媽拒絕後便不斷以電話、短訊等騷擾母親。Bella指該友人態度惡劣,更出言恐嚇,令佢全家備受困擾。

林穎彤加入TVB後參與過唱歌、拍劇、主持等工作Photo from 林穎彤 FB

林穎彤續稱,佢尊重媽媽識朋友嘅自由,只希望能盡孝令媽媽生活無憂,又唔希望因為自己嘅藝人身份為家人帶來不便。Bella指,媽媽已就事件報警處理,而自己亦已向TVB備案。

林穎彤加入TVB後相信獲得不錯嘅收入以改善一家人生活Photo from 林穎彤 FB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel