download HolidaySmart 假期日常 app
43歲港女網上徵求男友!  為男友提供每個月3萬家用+約會津貼?

43歲港女網上徵求男友! 為男友提供每個月3萬家用+約會津貼?

生活熱話
By Stephanie on 22 Oct 2021
Digital Content Writer

有唔少人都希望尋覓到能夠陪伴自己嘅另一半,可惜往往事與願違。最近,有位43歲嘅港女就於交友網上徵求男友,並表示願意向男友支付高達$3萬嘅家用以及拍拖津貼,高金額嘅「人工」令唔少網民感到非常驚訝!

港女提出嘅徵友條件十分吸引,令網民非常心動?!Photo from TVB

# 港女網上徵男友

現今社會每個人都因為忙於工作而缺乏時間尋覓另一半,唔少人都會透過徵友網站或者交友apps去認識對象。最近,有網民就發現有女士於網站貼出徵友告示,並表示願意男友提供經濟協助,令網民於討論區以「有筍工益高質仔 170cm熟女徵男伴」為題開post。

有網民發現港女嘅徵友post,並向廣大網友展示呢份「荀工」!Photo from TVB

# 中女經濟能力超強!

從徵友告示所見,呢位43歲嘅港女身高約170cm,年薪大約係$350萬港幣,經濟能力可以話係非常厲害!

43歲港女於網上公開徵男友!Photo from 高登討論區

# 3大擇偶條件!

港女只係列明咗3項擇偶條件:愛打高爾夫球、唔吸煙、身高180cm或以上,只要有以上條件都有機會可以成為佢嘅男友。成為呢位中女嘅男友後,佢仲每個月都為男友提供家用$3萬蚊,而兩人拍拖約會都將會有津貼,每小時將獲取$3,000!

識得打高爾夫球係其中一個必要嘅擇偶條件!Photo from 愛奇藝YouTube

# 網民表示非常吸引!

呢個post隨即引起好多網民嘅關注,唔少網民都認為港女所提供嘅條件令人非常心動,「同佢拍拖睇戲就已經可以輕鬆賺到好多」;亦有網民為自己未能夠達到3大條件而感到可惜,慨嘆自己身高唔夠!

網民認為中女所提供嘅經濟條件實在非常吸引!Photo from 高登討論區

唔少網民都講笑咁話達到條件嘅人都應該要認識下呢位女士!Photo from TVB

# 網民覺得港女難以搵到合適伴侶!

不過有網民就認為識得打高爾夫球嘅男士大多都已經好有錢,根本就唔會被拍拖津貼同家用所吸引到,而且佢哋好多時都唔需要透過徵友網站認識對象,覺得港女距離搵到「真愛」似乎仲有啲距離。

但有網民覺得識打高爾夫球嘅男士大多比較有錢,唔會因為呢啲條件而感到心動。Photo from 高登討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

港女分享做Sugar Baby經驗!每月收5位數家用/接觸上流社會

19 Oct , 2021

現時唔少人為咗賺取更多嘅錢,都有可能會身兼多職,同時打幾份工!最近,有位港女就於討論區上分享因為家境貧困而做咗一年「甜心寶貝(Sugar Baby)」嘅經驗,仲表示好感恩能夠遇上呢位Sugar Daddy!

港女親述同成熟男發展特殊關係嘅故事。Photo from TVB

# 港女分享另類賺錢方法?

有唔少人都可能會因為經濟狀況有困難,而需要同時打幾份工作幫補家計,其中近年就開始興起「PTGF/PTBF」嘅新類型「工作」喇?!日前,有位港女就喺討論區上分享做sugar baby嘅年嘅經驗,引起網民關注!

港女與討論區分享「另類」賺錢方法?!Photo from 連登討論區

# 家境一般

港女而家讀緊大學Year 3,自己本身家境一般,同家人一齊住公屋,平時暑假一定要打工,否則有可能連書都冇得讀!直到上年因為疫情關係,佢就開始失業,本身嘅補習工作都冇埋。只見銀行戶口跌至三位數,再加上爸爸因為工傷而導致失業,令佢十分驚慌!

港女家庭經濟狀況出現困難,導致佢急需賺錢!Photo from TVB

# 男友未能提供協助!

而男友雖然都算係有錢,居住於私樓,但始終仲讀緊書,所以佢都唔敢向男友要求金錢上嘅幫助,更莫講話尋求周邊朋友或者「兵仔」嘅協助!

男友亦係大學生,所以未能夠提供金錢上嘅協助!Photo from TVB

# 網上認識成熟男!

直到上年暑假,港女機緣巧合下喺IG認識到一位成熟男士,並開始展開咗「被照顧」嘅生活!佢表示兩人初次見面係位於尖沙咀嘅一個商場,因為佢認為公眾地方相對會比較安全啲。兩人當日交談接近1小時,期間佢哋大概了解咗對方嘅背景,大部分時間都係由男士發問。臨走前,男士就放低咗1,000蚊,並相約下星期見面食飯!

兩人第一次喺商場約見面,而當時對方向佢釋出善意!Photo from TVB

# 兩人約會進一步了解大家

第二次約會嘅時候,兩人就相約喺中環嘅高級餐廳食晚飯,總共食咗3個鐘頭,而且氣氛亦冇第一次見嘅時候咁尷尬!對方亦冇佢想像中咁沈悶,反而仲好緊貼潮流,識得唔少潮語同埋會上連登。兩人食完飯後,男方就好有風度咁車港女返屋企,並詢問佢「可唔可以俾我照顧你?」,當時港女就表示自己尚未準備好,並擁抱對方作為回應,而男士臨走前再俾咗5,000蚊佢!

成熟男喺兩人第二次見面之後,就向港女提出願意照顧佢!Photo from TVB

# 被貼心行為打動!

之後,呢位男士每日都會噓寒問暖,仲會接送佢返學同周圍玩。最終,港女受到男士嘅真情所打動而決定同佢正式開始發展「關係」!

港女最終收成熟男嘅貼心舉動所打動!Photo from TVB

# 已經「被照顧」1年!

港女表示而家同「成熟男士」嘅關係已經維繫咗1年,定期每個月都會收到5位數嘅家用,兩人完全冇鬧交,一星期見面1至2次,時間非常彈性!而男方仲會不時為佢送上驚喜禮物,並帶佢出席商業晚宴,多咗機會認識上流社會嘅人,令佢對於現狀感到滿足!

港女表示成熟男仲會帶去出席商業宴會,令佢獲益良多!Photo from TVB

# 網民認為港女行為不當!

呢個post隨即引起網民嘅關注,大部分網民都唔太認同港女嘅賺錢方法,認為佢自己有男友而對方亦有家室,咁樣做同拆散人哋家庭冇分別!即使明白港女想盡快解決經濟上嘅困難,但都唔應該隱瞞男友做「另類」嘅工作,勸喻佢要同男友坦白。

大部分網民都認為港女嘅行為係違反道德!Photo from 連登討論區

網民認為港女應該盡快同男友坦白!Photo from TVB

# 有網民表示了解港女處境!

另外,亦有網民認為只要港女自己能夠接受到就得,畢竟佢同「成熟男」都只係各求所需!不過同一時間,網民都提醒港女要好好保護自己,免得將來分手時有其他麻煩事,並提醒佢絕對唔好動真情!

有網民就認為只要港女接受到呢段特別嘅關係,其實冇咩問題!Photo from 連登討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel