download HolidaySmart 假期日常 app
沈卓盈全身名牌貴婦look帶仔出巡!老公家世富貴!一家三口住過億獨立屋!

沈卓盈全身名牌貴婦look帶仔出巡!老公家世富貴!一家三口住過億獨立屋!

娛樂新聞
By Jennifer on 25 Oct 2021
Digital Editor

現年39歲嘅沈卓盈2019年與富貴男友結婚後育有一子Jayden。婚後嘅佢過住少奶奶嘅日子,日前佢帶埋仔仔出街,一身貴婦行頭夠晒搶眼!連BB車都係名牌,佢與老公住過億豪宅,生活十分富貴。

現年39歲嘅沈卓盈2019年與富貴男友結婚後育有一子Jayden。Photo from 沈卓盈 IG

現年39歲沈卓盈與富貴老公婚後誕下一子

沈卓盈2002年參加「第四屆《TVB週刊》Cover Girl選舉」奪得冠軍入行,喺TVB工作16年嘅佢最為人熟悉嘅代表作係《古靈精探B》「陸安彤(Icy姐姐)」一角,一直無做過女主角嘅佢終於喺2018年離巢。

喺TVB工作16年,沈卓盈最為人熟悉嘅代表作係《古靈精探B》「陸安彤(Icy姐姐)」一角,一直無做過女主角嘅佢終於喺2018年離巢。Photo from TVB

之後無幾耐佢就宣佈婚訊,與富貴男友杜灝標(Calvin)結婚,婚後誕下兒子Jayden,一家三口盡享天倫之樂。

沈卓盈離巢後宣佈婚訊,與富貴男友杜灝標(Calvin)結婚Photo from 沈卓盈 IG

沈卓盈帶兒子出巡,全身名牌行頭超富貴

嫁畀有米老公嘅沈卓盈日前帶仔仔出街,心情超靚仲喺IG留言:「今日約咗位小鮮肉,任攬任錫冇詐型」,與仔仔甜蜜約會嘅佢冧到爆,但都唔及一身富貴行頭搶眼!

嫁畀有米老公嘅沈卓盈日前帶仔仔出街,心情超靚仲喺IG留言:「今日約咗位小鮮肉,任攬任錫冇詐型」Photo from 沈卓盈 IG

喺首飾方面一眼就睇到Chanel 經典雙C Logo頸鍊,手袋係DIOR  TOTE Bag,官方售價為HK$25,500、而鞋則係Gucci Leather mid-heel loafer,官方售價係HK$9,900。連載住Jayden嘅BB車都係Fendi,兩母子出巡行頭超富貴!

沈卓盈戴上Chanel 經典雙C Logo頸鍊Photo from 沈卓盈 IG

手袋係DIOR BOOK TOTE,官方售價為HK$25,500Photo from DIOR

鞋則係Gucci Leather mid-heel loafer,官方售價係HK$9,900Photo from GUCCI

沈卓盈老公經營家族內衣生意,歷任男友全部非富則貴

沈卓盈雖然星途一般,但遇上真命天子嘅佢生活十分幸福。沈卓盈之前嘅男友全部都非富則貴:富二代飛機師Simon、家住市值過億豪宅金融才俊Ray,現任老公來頭亦唔普通。

沈卓盈之前嘅男友全部都非富則貴:富二代飛機師Simon、家住市值過億豪宅金融才俊Ray,現任老公來頭亦唔普通。Photo from 沈卓盈 IG

沈卓盈老公杜灝標(Calvin)經營家族內衣生意,出口更遍及歐美多地,佢同老公去咗英國同法國影婚紗相,又喺泰國布吉舉行婚禮,當時沈卓盈老公仲安排放煙花,非常有心思!

沈卓盈老公杜灝標(Calvin)經營家族內衣生意,出口更遍及歐美多地,佢同老公去咗英國同法國影婚紗相Photo from 沈卓盈 IG

沈卓盈與老公、兒子同住過億豪宅

老公家底豐厚,沈卓盈婚後亦同老公同住過億獨立屋,佢曾公開過屋企廚房,空間大到可以擺到超多食材,而且氣炸鍋、焗爐、咖啡機等一應俱全,白色窗框好有歐式風格。

沈卓盈婚後同老公同住過億獨立屋,佢曾公開過屋企廚房,空間大到可以擺到超多食材Photo from 沈卓盈 IG

沈卓盈家中廚房嘅白色窗框好有歐式風格。Photo from 沈卓盈 IG

沈卓盈大晒貴婦行頭名牌袋

嫁人後嘅沈卓盈晉身貴婦行列,佢IG亦不時大晒名牌手袋同衫!佢嘅收藏有LV、Chanel、Gucci、Dior,款式亦非常多。當然唔少得貴婦嘅象徵Hermès Kelly Bag!

嫁人後嘅沈卓盈晉身貴婦行列,佢IG亦不時大晒名牌手袋同衫Photo from 沈卓盈 IG

沈卓盈嘅收藏有LV袋Photo from 沈卓盈 IG

沈卓盈 IG不時大晒名牌包包Photo from 沈卓盈 IG

沈卓盈除咗Chanel頸鍊,手袋都有Photo from 沈卓盈 IG

沈卓盈帶埋Chanel手袋出門Photo from 沈卓盈 IG

沈卓盈擁有唔少款式嘅Chanel袋~Photo from 沈卓盈 IG

Gucci都係沈卓盈嘅最愛!Photo from 沈卓盈 IG

沈卓盈有粉紅色Cannage Lady Dior bagPhoto from 沈卓盈 IG

貴婦嘅象徵Hermès Kelly Bag都係沈卓盈嘅珍藏之一!Photo from 沈卓盈 IG

沈卓盈曾大讚老公感情專一,從小渴望擁有幸福家庭嘅佢依家婚姻美滿,專注家庭照顧仔仔,生活無憂,不時喺屋企開餐歎世界~

沈卓盈曾大讚老公感情專一,從小渴望擁有幸福家庭嘅佢依家婚姻美滿,專注家庭照顧仔仔,生活無憂,不時喺屋企開餐歎世界~Photo from 沈卓盈 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

《姊妹淘》主持相約主題樂園齊晒名牌!富貴行頭大比拼!盤點眾人Hermès袋珍藏

20 Oct 2021

TVB《姊妹淘》雖然停播但一班主持人近日就相約去主題樂園玩。吳若希、莊思敏、蔡嘉欣、陳詩欣、王子涵5人更孭名牌手袋出巡,大晒富貴行頭。當中超過一半人都有孭Hermès手袋,即睇佢哋嘅珍藏!

TVB《姊妹淘》雖然停播但一班主持人近日就相約去主題樂園玩Photo from 莊思敏 IG

《姊妹淘》相約迪士尼齊晒名牌

《姊妹淘》主持人有唔少,之前一直有不和傳聞,但喺節目停播後佢哋都大嘆可惜,私底下亦有互相聯絡,最近吳若希、莊思敏、蔡嘉欣、陳詩欣、王子涵5人就一齊去迪士尼玩。

《姊妹淘》主持人有唔少,之前一直有不和傳聞,但喺節目停播後佢哋都大嘆可惜,私底下都有互相聯絡Photo from 王子涵 IG

佢哋喺IG公開合照,個個都充滿少女心戴上公仔頭箍,除此之外主持人嘅一身行頭亦十分引人注目!

佢哋喺IG公開合照,個個都充滿少女心戴上公仔頭箍Photo from 蔡嘉欣 IG

《姊妹淘》嘅唔少集數都有提及各款名牌手袋,包括如何保養、選購等,主持人更拎出佢哋嘅私伙手袋,分享當時買袋嘅原因。

《姊妹淘》嘅唔少集數都有提及各款名牌手袋,包括如何保養、選購等,主持人更拎出佢哋嘅私伙手袋Photo from 《姊妹淘》

陳詩欣行頭最低調,不久前入手人生第一個Hermès手袋

陳詩欣最近獲男友求婚,即將晉升幸福人妻,佢當日就孭咗價值約一萬幾嘅Chloé手袋,相較其他人佢低調得多。

陳詩欣最近獲男友求婚,即將晉升幸福人妻,佢當日就孭咗價值約一萬幾嘅Chloé手袋Photo from 陳詩欣 IG

之前佢上蔡嘉欣嘅YouTube Channel時就提到無幾耐前先買咗人生第一個Hermès手袋,不過靚袋啱啱到手嘅佢表示已諗好下一個袋買咩款!「入坑」勁快!

之前陳詩欣上蔡嘉欣嘅YouTube Channel時就提到無幾耐前先買咗人生第一個Hermès手袋Photo from 蔡嘉欣 YouTube

靚袋啱啱到手嘅陳詩欣表示已諗好下一個袋買咩款!「入坑」勁快!Photo from 陳詩欣 IG

王子涵最愛Dior手袋

王子涵嘅Dior手袋價值逾3萬,佢之前嘅IG相都有出現過呢個袋,相信佢都十分愛惜~雖然爸爸係王晶,但王子涵平日嘅IG都好少出現名牌手袋,就算孭都係Dior袋而唔係「炒款袋」,比較低調。

王子涵(右二)嘅Dior手袋價值逾3萬Photo from 王子涵 IG

王子涵之前嘅IG相都有出現過呢個袋,相信佢十分愛惜~Photo from 王子涵 IG

吳若希孭Hermès Kelly

吳若希仲帶埋老公、愛女一齊去玩!佢孭藍色Hermès Kelly 25,仲係特別定製款,官方售價約為$76,400港元,呢個袋雖然官方價唔貴,但炒價高達$20萬!

吳若希仲帶埋老公、愛女一齊去玩!佢孭藍色Hermès Kelly 25Photo from 吳若希 IG

其實吳若希都有唔少Hermès手袋,包括Hermès Lindy、Hermès Roulis。

吳若希都有唔少Hermès手袋,包括Hermès LindyPhoto from 吳若希 IG

吳若希有橙色Hermès RoulisPhoto from 吳若希 IG

莊思敏孭Hermès Lindy Mini,曾於《姊妹淘》晒私伙Hermès袋

大馬拿篤女莊思敏都有孭Hermès Lindy Mini,Lindy Mini係2019年推出嘅款式,官方售價約$6,150美元,不過手袋一經推出即十分受歡迎,連VIP都未必有貨!炒價亦勁高,逾$10萬。

大馬拿篤女莊思敏都有孭Hermès Lindy MiniPhoto from 莊思敏 IG

佢本身都有好多款Hermès手袋,之前喺《姊妹淘》就晒過3個私伙Hermès袋,包括橙色嘅Birkin、Kelly 40、Kelly to go,合計總值超過$30萬!佢仲有啡色嘅Hermès 24/24。

莊思敏之前喺《姊妹淘》就晒過3個私伙Hermès袋Photo from 莊思敏 IG

莊思敏有3個Hermès袋,包括橙色嘅BirkinPhoto from 《姊妹淘》

《姊妹淘》Photo from 《姊妹淘》

莊思敏仲有啡色嘅Hermès 24/24。Photo from 莊思敏 IG

蔡嘉欣孭Hermès Constance,Hermès fans珍藏勁多款式!

至於蔡嘉欣作為Hermès嘅fans,本身都有好多珍藏!佢曾經喺IG晒過Evelyne、Garden Party、Constance、Roulis、Picotin、Lindy等各種唔同嘅款式。

蔡嘉欣作為Hermès嘅fans,本身都有好多珍藏!佢曾經喺IG晒過EvelynePhoto from 蔡嘉欣 IG

蔡嘉欣有一個啡色Hermès RoulisPhoto from 蔡嘉欣 IG

蔡嘉欣喺IG晒出PicotinPhoto from 蔡嘉欣 IG

蔡嘉欣有各種唔同款式嘅Hermès袋。Photo from 蔡嘉欣 IG

另外Hermès最經典嘅Kelly,佢當然都有!佢喺YouTube就曾分享葡萄紫同芝麻色Kelly。

另外Hermès最經典嘅Kelly,佢當然都有!蔡嘉欣喺YouTube就曾分享葡萄紫同芝麻色Kelly。Photo from 蔡嘉欣 YouTube

而佢帶去迪士尼嘅手袋相信係Hermès Constance bag,Constance系列越嚟越難買,佢之前喺IG分享嘅相片中就曾經出現過呢個袋,呢個袋亦係熱門款式,炒價超過$10萬!網民表示估唔到蔡嘉欣嘅Hermès袋比起「富婆」莊思敏、王子涵等更多、更富貴!

蔡嘉欣之前喺IG分享嘅相片中就曾經出現過呢個袋。Photo from 蔡嘉欣 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel