女生與交往5年男友共建愛巢 男友突然態度180度大轉 被揭發將與他人結婚？！

唔少情侶都希望能夠同另一半結婚，過住幸福快樂嘅生活。最近，有位女生就喺討論區表示同交往5年嘅男友佈置新家，不過喺新家嘅裝修佈置全部完成之後，男友嘅態度卻突然180度大轉！而女生2個月後發現原來一直以來佈置嘅新家係俾佢同新歡居住？！

Photo from TVB

# 女生同男友一齊共建愛巢！

現時唔少情侶都打算婚後搬出去住，同另一半共組愛巢度過二人世界～日前，有位台灣女生就於討論區分享自己呢幾個月所經歷嘅荒謬事情，並以「我和男友一起佈置了他和老婆的新居」為題開post，引發網民熱議！

Photo from Dcard討論區

# 兩人一直都感情穩定

呢位女生表示同男友已經交往5年，同居咗2年。上年，男友就買樓，並同佢講等交屋程序都安置好之後，兩人就結婚！女生對於男友未來規劃中有自己而感到十分開心，仲開始著手於新家裝潢同添置傢俱嘅事情，期間佢哋並冇任何爭吵，所有嘢都係兩人討論一齊完成。

Photo from TVB

# 新居設計由女生包辦？！

不過，女生就表示由於佢經常都會使用廚房，男友就非常自由咁俾佢選擇喜歡嘅廚具，仲話「呢個家嘅女主人就係你！」就將選擇權完全歸佢所有。唯一奇怪嘅位置就係男友全程都唔肯俾佢出錢，就算女生偷偷匯錢俾男友，佢都會立刻將歸還！

Photo from TVB

# 男友突然失去聯絡！

正當兩人嘅新居一切都已經打點好之後，男友就向女生講「我暫時先搬返去同父母住，等定好日期會正式向你提親！」然而，男友搬走後態度就立刻180度大轉，完全斷絕與女生嘅來往，就算點樣都聯絡唔到男友！

Photo from TVB

# 幾個月後同其他人結婚？！

2個月後，女生就從身邊嘅朋友口中得知男友即將結婚，而新娘卻另有其人！對於男友嘅新戀情，佢只係知道兩人並非奉子成婚，亦唔清楚兩人交往嘅時間長短，唯一知道嘅就係男友婚後將會同老婆入住佢哋一齊裝修嘅愛巢！

Photo from TVB

# 網民表示難以置信！

呢個post隨即引起網民嘅熱議，唔少網民都認為女生嘅經歷彷彿電視劇劇情一樣，都替女生感到不值！有部份網民仲認為男友好有可能一早就已經另結新歡，只係唔敢面對面同女友親口講出事實；不過網民們都唔太滿意呢位男友嘅處理手法！

Photo from Dcard討論區

Photo from TVB

# 建議讓結婚對象知道實情！

另外，有網民就覺得樓主應該要搵到男友現時嘅結婚對象，並同對方講出整件事，等該名女生自行衡量是否要繼續婚事；而且網民都覺得男生居然仲可以同結婚對象入住同前女友一齊佈置嘅新家，實在非常不可思議！

Photo from Dcard討論區

相關文章：港女分享做Sugar Baby經驗！每月收5位數家用/接觸上流社會

相關文章：港女好奇「男仔介意比女友矮」？ 因擔憂男友想法 集思廣益

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

43歲港女網上徵求男友！ 為男友提供每個月3萬家用+約會津貼?

22 Oct, 2021

有唔少人都希望尋覓到能夠陪伴自己嘅另一半，可惜往往事與願違。最近，有位43歲嘅港女就於交友網上徵求男友，並表示願意向男友支付高達$3萬嘅家用以及拍拖津貼，高金額嘅「人工」令唔少網民感到非常驚訝！

Photo from TVB

# 港女網上徵男友

現今社會每個人都因為忙於工作而缺乏時間尋覓另一半，唔少人都會透過徵友網站或者交友apps去認識對象。最近，有網民就發現有女士於網站貼出徵友告示，並表示願意男友提供經濟協助，令網民於討論區以「有筍工益高質仔 170cm熟女徵男伴」為題開post。

Photo from TVB

# 中女經濟能力超強！

從徵友告示所見，呢位43歲嘅港女身高約170cm，年薪大約係$350萬港幣，經濟能力可以話係非常厲害！

Photo from 高登討論區

# 3大擇偶條件！

港女只係列明咗3項擇偶條件：愛打高爾夫球、唔吸煙、身高180cm或以上，只要有以上條件都有機會可以成為佢嘅男友。成為呢位中女嘅男友後，佢仲每個月都為男友提供家用$3萬蚊，而兩人拍拖約會都將會有津貼，每小時將獲取$3,000！

Photo from 愛奇藝YouTube

# 網民表示非常吸引！

呢個post隨即引起好多網民嘅關注，唔少網民都認為港女所提供嘅條件令人非常心動，「同佢拍拖睇戲就已經可以輕鬆賺到好多」；亦有網民為自己未能夠達到3大條件而感到可惜，慨嘆自己身高唔夠！

Photo from 高登討論區

Photo from TVB

# 網民覺得港女難以搵到合適伴侶！

不過有網民就認為識得打高爾夫球嘅男士大多都已經好有錢，根本就唔會被拍拖津貼同家用所吸引到，而且佢哋好多時都唔需要透過徵友網站認識對象，覺得港女距離搵到「真愛」似乎仲有啲距離。

Photo from 高登討論區

相關文章：83歲伯伯參加相親大會徵婚！ 要求年輕/氣質好 提供1000萬美元作月薪？！

相關文章：日女被父母逼一年相親35次！ 毅然放棄高薪厚職遠赴美國做僧侶

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）