download HolidaySmart 假期日常 app
港男獲家人送樓 女友即要求加名 聲稱「多個保障」網民:淨係保佢自己!

港男獲家人送樓 女友即要求加名 聲稱「多個保障」網民:淨係保佢自己!

生活熱話
By Cheryl on 25 Oct 2021
Digital Editor

香港買樓難,就算有人送物業都要考慮落名問題。近日,一名港男於討論區發文指,自己居住澳洲,家人打算移民當地及幫佢買樓。佢女友知道後即要求加自己名「多個保障」,令事主好無奈,更直言「寧願益隻貓!」

有居澳洲港男稱家人想幫佢買樓,惟女友知道後即要求層樓加佢名,令佢大感為難Photo from TVB

港男獲家人送樓,女友得知後即要求「加名」

最近,一名港男到連登討論區發文,表示自己居住在澳洲,跟女友拍拖六年,並打算數年後結婚。而港男嘅家人亦準備賣樓移民到當地,更希望幫事主買樓。當港男女友得知事件後,便告知事主想層樓「加埋佢名」,明言想多個保障。

女友知道男友家人想幫兒子買樓後,便要求加自己名求多個保障Photo from TVB

港男感為難,直言:「寧願益隻貓」

港男事主聽罷,便有感:「層樓係買畀我唔係買畀你,嚟緊唔收你錢畀你住仲想點。」但事主未反應過來,已被女友步步進逼,令佢不知所措,「佢逼得我好緊吓,知我屋企人一定會買樓,我有啲唔知點。」故此,佢詢問網友咁嘅情況會否加伴侶名。

港男表示,女友未買樓加名一事逼得好緊Photo from TVB

對此,好多網民都唔支持事主加女友名,直言:「萬一你哋分手點計,冇嘢係絕對。」而事主則回應稱,即使唔加名都有可能分手,「諗起都覺得好戇居」。

港男認為無論點都有可能導致分手Photo from TVB

不少網民認為加女友名對事主無保障Photo from 連登討論區

網民大多反對加女友名

有網民問其女友所指嘅「保障」係咩,事主無奈表示:「我都淨係覺得保障佢(女友)。」

大家都覺得女友「加名」建議只會保障佢自己Photo from 連登討論區

亦有網民建議事主連自己名都唔好加,於是事主笑言:「可以落屋企隻貓名,寧願益隻貓。」

事主笑言加隻貓名落物業會更好Photo from 《當這地球沒有貓》劇照

有網民建議事主連自己名都唔好落,令女友無行Photo from 連登討論區

事主直言寧願將層樓畀隻貓都唔想加女友名Photo from 連登討論區

港男向女友明言家人送樓非為二人結婚用

最終事主講述最新情況時,指佢跟女友表示層樓係佢屋企人買畀自己,而唔係買畀二人結婚用,然後話會再同家人傾吓以打發女友。

事主更新情況,指向女友表示了「家人送樓唔係比佢哋結婚用」嘅意思Photo from 連登討論區

不過,仍有不少網民不滿事主答覆,認為佢無需要表示會同家人商量,「你講呢句做咩呢?一句屋企人唔想,完。」、「根本唔需要俾佢知咁多。」

有網民認為事主應該再強硬啲Photo from 連登討論區

亦有網民感概,「六年感情可以用一層樓睇清」,並指女方對事主已另有目的,建議事主話畀女友聽,家人知道佢想加名後就改變主意,唔肯買樓,如果佢再嘈應該分手。

一層樓令6年情現危機?!Photo from TVB

有網民稱事主用一層樓睇清睇清6年情Photo from 連登討論區

有網民認為女友再堅持加名就應該分手Photo from 連登討論區

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel