download HolidaySmart 假期日常 app
【拳力以赴的我們】向佐被新手肖順堯打敗!自信指唔使戴頭盔/犯規出矛招都輸

【拳力以赴的我們】向佐被新手肖順堯打敗!自信指唔使戴頭盔/犯規出矛招都輸

娛樂新聞
By Jennifer on 25 Oct 2021
Digital Editor

現年37歲嘅向佐習武多年,最近佢獲邀出演內地綜藝《拳力以赴的我們》,挑戰做拳王。上擂台前佢自信爆棚指唔使戴頭盔,限制咗佢嘅功力,但正式對決時就被對手肖順堯擊敗,結局出乎意料!

現年37歲嘅向佐習武多年,最近佢獲邀出演內地綜藝《拳力以赴的我們》

向佐崇拜李連杰,習武多年

向佐自細崇拜李連杰,喺出演電影《霍元甲》時更拜李連杰為師,多年嚟佢學武術、泰拳等,係圈中有名嘅「練武之人」,佢出演嘅電視劇、電影亦多為識武術嘅角色。

向佐自細崇拜李連杰,喺出演電影《霍元甲》時更拜李連杰為師,多年嚟佢學武術、泰拳等,係圈中有名嘅「練武之人」

佢係中國星集團主席向華強長子,2019年與郭碧婷結婚後育有一女。佢最近無咩演藝作品,多數喺綜藝節目度出現,近日佢獲邀出演「競技體驗真人騷」《拳力以赴的我們》。

近日向佐獲邀出演「競技體驗真人騷」《拳力以赴的我們》。

向佐出演《拳力以赴的我們》自言無壓力

《拳力以赴的我們》邀請咗嚟自各行各業嘅人爭奪「金腰帶」,其中有羽毛球金牌運動員林丹,佢因為手碗受傷而退出比賽,於是節目組就搵咗向佐上場。

羽毛球金牌運動員林丹,佢因為手碗受傷而退出比賽,於是節目組就搵咗向佐上場。

向佐喺事前訪問已自信滿滿,,節目組問佢有無壓力,佢表示:「這叫原動力吧!壓力應該沒有。信心跟進攻是我的強項。」,佢指自己係非常進攻型嘅選手。

向佐喺事前訪問已自信滿滿,,節目組問佢有無壓力,佢表示:「這叫原動力吧!壓力應該沒有。」

向佐:「信心跟進攻是我的強項。」

向佐指自己係非常進攻型嘅選手。

向佐自信爆棚指唔使戴頭盔,稱限制咗佢8成功力

到訓練時,當向佐聽到要戴頭盔時即表現到十分不解,多次問節目組:「比賽要戴頭盔嗎?」、「為甚麼戴頭盔?」,連導演都畀佢凌厲嘅眼神嚇到口窒窒,指係為咗保護選手安全,要戴專業護具。

到訓練時,當向佐聽到要戴頭盔時即表現到十分不解

多次問節目組:「比賽要戴頭盔嗎?」、「為甚麼戴頭盔?」

導演都畀向佐嘅凌厲眼神嚇到口窒窒,指係為咗保護選手安全,要戴專業護具。

向佐聽到後忍唔住皺晒眉:「你再說一次,你再說一次戴裝備嗎?」、「上次他們也勸我戴,我說你有看過博擊類的戴護具戴頭盔嗎?」、「麻煩播一下泰森(泰臣)的比賽」,睇嚟佢自認自己實力可媲美拳王。

向佐聽到後忍唔住皺晒眉:「你再說一次,你再說一次戴裝備嗎?」

向佐:「上次他們也勸我戴,我說你有看過博擊類的戴護具戴頭盔嗎?」

向佐:「麻煩播一下泰森(泰臣)的比賽」,睇嚟佢自認自己實力可媲美拳王。

向佐表示佢習武多年,風格肯定偏向武術、MMA,又指功夫同打拳嘅分別會限制佢8成功力。到比賽之前佢嘅對手肖順堯謙虛表示知道自己嘅對手變咗做向佐後曾諗過退賽,向佐聞言即回:「你要不現在退吧!」,肖順堯聽到咁有火藥味嘅回應亦不甘示弱:「現在退......你想多了。」

向佐表示佢習武多年,風格肯定偏向武術、MMA

向佐指功夫同打拳嘅分別會限制佢8成功力。

比賽前向佐嘅對手肖順堯謙虛表示知道自己嘅對手變咗做向佐後曾諗過退賽

向佐聞言即回:「你要不現在退吧!」

肖順堯聽到咁有火藥味嘅回應亦不甘示弱:「現在退......你想多了。」

向佐又再強調自己睇得少業餘比賽,佢睇嘅比賽都係唔使戴頭盔。

向佐強調自己睇得少業餘比賽

向佐話佢睇嘅比賽都係唔使戴頭盔。

向佐被對手肖順堯壓制

向佐嘅對手肖順堯比佢細4歲,係內地男團MIC男團成員,雖然名氣不及向佐,但實力一啲都唔弱,第一回合已打到唔少有效進攻,相反向佐嘅進攻就屢屢被對方避開。

向佐嘅對手肖順堯比佢細4歲,係內地男團MIC男團成員

肖順堯雖然名氣不及向佐,但實力一啲都唔弱

肖順堯第一回合已打到唔少有效進攻

向佐第一回合得分較低

向佐嘅進攻就屢屢被肖順堯避開。

向佐犯規多,箍住肖順堯個頭

係咁中拳嘅向佐第二、第三回合明顯急躁咗好多,不但犯規捉住對方隻手,又攬住肖順堯、箍住佢個頭,裁判忍唔住出手分開二人,又兩次警告向佐唔好再犯規。

係咁中拳嘅向佐第二、第三回合明顯急躁咗好多

向咗犯規捉住對方隻手

向佐攬住肖順堯

向佐出手抱住佢個頭

裁判忍唔住出手分開二人

裁判兩次警告向佐唔好再犯規。

最終練咗唔夠兩個月嘅肖順堯贏咗向佐!

最終練咗唔夠兩個月嘅肖順堯贏咗向佐!

有網友留言指:「向佐被人打到變向右」、「林作、鍾培生好似都勁過向佐」、「仲話唔戴頭盔」。今次習武多年嘅向佐輸畀只係練咗一個月多啲嘅肖順堯的確係意料之外,可能係因為打開功夫嘅向佐唔適應規則,但都反映咗肖順堯好有天份~

有網友留言指:「向佐被人打到變向右」、「林作、鍾培生好似都勁過向佐」

網友:「仲話唔戴頭盔」

有網友留言指向佐可能連鍾培生都打唔贏

有網友對向佐表現十分不滿

今次習武多年嘅向佐輸畀只係練咗一個月多啲嘅肖順堯的確係意料之外

即睇向佐、肖順堯比賽片段:

圖片來源:《拳力以赴的我們》、LIHKG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

內地網紅藥水哥公然同向佐「挑機」! 網民:要拍《藥問4:一路向佐》嗎?

12 May 2021

內地遊戲界網紅藥水哥(劉波)為咗宣傳拳賽活動,公然向李連杰同佢嘅徒弟「挑機」,引起網民嘅關注。由於呢件事火速爆紅,所以亦令向佐親自喺微博回應佢,仲驚動埋向太!

向佐FBPhoto from 向佐FB

內地遊戲界網紅藥水哥(劉波)曾經因為直播期間同網民對罵7小時而出名,但今次估唔到佢又再一次做出位嘅事!近日,佢為咗宣傳拳賽嘅活動,就公然咁向武打巨星李連杰「挑機」,仲tag對方問佢肯唔肯一齊對戰,引嚟大批網民討論。

藥水哥微博Photo from 藥水哥微博

藥水哥微博Photo from 藥水哥微博

之後,有網民就揶揄佢「 欺負老人家,你應該唔知道邊個係佢徒弟」,佢仲好串咁話「管他是誰,看我能不能一拳把他幹碎就完了!」網民見佢咁有自信,就決定幫佢一把,紛紛幫手tag向佐!據悉,向佐係李連杰唯一一個願意承認嘅徒弟,眼神同身手都非常厲害!

向佐FBPhoto from 向佐FB

向佐微博Photo from 向佐微博

由於網民嘅反應真係太熱烈,所以向佐就喺微博回應藥水哥:「聽説你能一拳把我乾碎?」,而且竟然仲驚動埋向太喺微博回應!

向佐微博Photo from 向佐微博

向太微博Photo from 向太微博

藥水哥萬萬都估唔到會驚動當事人回應,即刻「龜縮」認低威話自己講笑,仲表示自己係郭碧婷嘅粉絲!一班網民就當然繼續恥笑佢,留言話男人講得出就要做得到,有網民講笑話「可以拍《藥問3:向佐向右》」~

藥水哥微博Photo from 藥水哥微博

藥水哥微博Photo from 藥水哥微博

而向佐亦都忍唔住再喺藥水哥微博下留言:「成年人要為自己說過的話負責,有空一起切磋。」相信經過今次藥水哥應該唔會再亂講嘢~

藥水哥微博Photo from 藥水哥微博

向佐FBPhoto from 向佐FB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel