微辣加蔥公開新戀情網友送祝福 卻被前度阿晶表哥大爆不負責行為？
澳門娛樂公司「微辣Manner」於YouTube設有自己嘅頻道，一直以來都受到唔少網民嘅關注。今年初就傳出經紀人阿晶（Jane）同旗下藝人加蔥（林茂發）分手嘅消息，令網民議論紛紛。最近，加蔥就於直播嘅時候公開認愛公司職員「儀仔」，而有位自稱阿晶表哥嘅網民亦忍唔住大爆加蔥嘅「真面目」？！
Photo from 阿晶IG
# 「微辣Manner」內有多對情侶！
澳門娛樂公司「微辣Manner」於2013年成立，截止現時為止YouTube頻道訂閱數量逾69萬人，旗下藝人有32位。而公司內就有幾對真實情侶，其中包括經紀人阿晶（Jane）同旗下藝人加蔥（林茂發）呢對，而佢哋亦不時會亦螢幕情侶嘅形式拍攝影片。
Photo from 阿晶IG
Photo from YouTube@Nathan Lam加蔥
# 今年初阿晶與加蔥分手！
不過，兩人於今年初嘅時候就爆出分手，同一時間阿晶亦於IG發長文宣佈離開工作8年嘅公司，「唔會後悔我喺呢個時間走，因為我覺得已經時機成熟，大家都各自搵到大家嘅定位」，令唔少網民不禁聯想到佢好有可能係因為戀情而選擇離開！
Photo from 阿晶IG
Photo from 阿晶IG
# 阿晶坦承分手真正原因！
而後來，阿晶就上旗下藝人Jacky Lou嘅頻道大爆分手內幕，直言最大原因係因為男方現階段唔想結婚「佢話唔想結婚，我知道佢唔想hurt到我」，同一時間由於屋企發生好多事情令佢最終決定分手，唔希望因此而拖累對方！而佢亦承認離開公司嘅念頭係同加蔥啱啱分手嘅時候開始出現，「我嘅情緒已經負荷唔到我嘅工作」，表示當時飽受情緒上嘅困擾。
Photo from YouTube@煮詞人Jacky Lou
Photo from YouTube@煮詞人Jacky Lou
# 加蔥承認有新戀情！
直到最近，加蔥就喺自己嘅頻道上開直播。期間，有網民就詢問佢「係咪拍緊拖？」，而佢就坦白承認蜜運中，仲指女友就係公司職員「儀仔 」！網民們隨即於討論區大讚新女友靚女，「儀仔夠Gfable」、「性格超好，樣有夠清純」等，認為加蔥成功覓得「荀盤」！
Photo from YouTube@Nathan Lam加蔥
Photo from 加蔥IG
# 阿晶表哥於粉絲團爆料？！
正當唔少網民都祝福加蔥嘅新戀情時，有一位自稱阿晶表哥嘅網民就於微辣粉絲團上爆料，指加蔥嘅好男人形象全部都係假嘅！根據呢位網民嘅留言，佢話加蔥原本就答應會同阿晶結婚，「但就一句不婚主義講自己想要自由想分手，就搞到阿晶有情緒病！」，並好快就另結新歡。
Photo from 辣粉團群組@FB
Photo from YouTube@Nathan Lam加蔥
# 網民質疑爆料者身分真偽？！
有網民就質疑呢位網民嘅真正身分，認為好大機會係假爆料以博取大家迴響。有好奇心非常重嘅網民就私下IG 私訊阿晶，並得到阿晶嘅回覆確認事實？！不過由於網民們都只係「純文字討論」，所有爆料內容嘅真實度尚有待確認！
Photo from 阿晶IG
Photo from 辣粉團群組@FB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
柳俊江離婚1年曬新歡合照！Grace被指係年輕10年「跳高女神」楊文蔚經理人
18 Oct , 2021
前無綫新聞主播柳俊江去年9月涉嫌與太太雷康怡嘅男友人打鬥被捕，當時佢被指與太太分居，其後柳在FB暗示自己同太太已離婚。日前，柳在IG公開同新歡合照，有指新歡係香港女子跳高運動員兼模特兒楊文蔚嘅經理人Grace。
Photo from 柳俊江 IG
柳俊江曾與前妻25歲男友人發生爭執
現年40歲，前TVB新聞主播柳俊江於上年9月，涉及一宗公眾地方打鬥案被捕，而另一涉案人則為前妻雷康怡（Florence）之25歲男友人。有報道指，當時雷康怡及其男友人在觀塘一間茶室用餐，柳衝入發生爭執及肢體碰撞。
Photo from 柳俊江 IG
事後，柳俊江在網上發文指事件屬一場誤會，並為自己行為致歉，又強調雷康怡是好太太、好媽媽，一切問題出於自己誤解以及毫無理據嘅衝動，佢喺帖文最後指會全心全意愛自己家人及如常生活。
Photo from 柳俊江 FB
柳俊江和太太雷康怡大學時期已開始交往，拍拖7年後結婚，育有一對子女，分別為2014年出世嘅女兒Bella，同2016年出世嘅仔仔Winston。
Photo from 柳俊江 IG
打鬥案發生後，柳俊江發出上述聲明，但當事人之一嘅前妻雷康怡當時未有表態回應，卻曾於IG上載一張與另一名男友人嘅慶生照，男方為樂隊「WMLive」一名樂手。對此，女方當時被部分網民批評做法不當。
Photo from 雷康怡 IG
柳俊江前妻富音樂才華，亦係自家音樂品牌創辦人
雷康怡除咗係柳俊江前妻，亦係一名音樂人，佢畢業於浸會大學音樂及藝術系，主修長笛及鋼琴，後來學習豎琴，更於兩年內考獲英國皇家音樂學院（ABRSM）八級。雷康怡亦喺2017年設立了自家音樂品牌，曾創下半小時售完100隻小豎琴紀錄，品牌同時有售自家製作嘅琴譜等網上教材。
Photo from 雷康怡 IG
柳俊江與太太結束10年婚姻
不過，柳之後被指與太太鬧婚變分居，其後更刪除與雷康怡嘅合照，10月在FB發表離婚宣言，默認同太太結束10年婚姻關係。
Photo from 柳俊江 IG
柳俊江上載新歡合照
事隔一年，柳俊江上月於IG限時動態發佈與一名女子做出約定手勢嘅相片，又在帖文引用劇集《紙房子》對白，被網民指佢暗示自己再次遇上真愛。
Photo from 柳俊江 FB
日前，柳俊江在IG限時動態分享一張同新歡合照，並加上拉丁語「Carpe Diem」貼圖，意指「及時行樂」。
Photo from 柳俊江 IG
有指柳俊江與新歡已交往數月及同居
有網民及報道指出，柳俊江新女友其實係香港女子跳高運動員兼模特兒楊文蔚嘅經理人Grace，而且起碼比柳俊江年輕十年。
Photo from Grace Mak IG
有網民指Grace於今年7月開生日派對，柳俊江已陪伴在側，並至少交往了三個月，亦有網民猜測柳與女友是因跑步而認識，又指二人家居照中有相同物品，故可能已發展至同居關係。
Photo from 連登討論區
Photo from 連登討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
