港男入職半年瘋狂改英文名!公司行政超麻煩!網友懷疑有古惑:關唔關風水事?!

港男入職半年瘋狂改英文名!公司行政超麻煩!網友懷疑有古惑:關唔關風水事?!

時事熱話
By Jennifer on 27 Oct 2021
Digital Editor

依家喺職場同事多數都係以英文名互相稱呼,近日就有網民喺討論區開post指有同事入職半年就改咗幾次英文名,令公司行政、待客等都非常麻煩。有網友表示佢改咁多次英文名相當有可疑!

依家喺職場同事多數都係以英文名互相稱呼Photo from TVB

同事入職半年狂改英文名

香港唔少公司都係用英文名稱呼同事,仲叫中文名嘅少之又少,即做係顧客都多數會叫返英文名。可以話大部分香港人都要改返個英文名,方便他人稱呼。

香港唔少公司都係用英文名稱呼同事,仲叫中文名嘅少之又少Photo from TVB

有網民喺香港討論區大呻公司有一位同事入職半年,就已經改咗幾次英文名,令佢覺得十分麻煩,亦相當不解。

有網民喺香港討論區大呻公司有一位同事入職半年,就已經改咗幾次英文名,令佢覺得十分麻煩Photo from TVB

同事由「Peter」改名做「Ben」,再改做「Thomas」

樓主表示同事初入公司時叫「Peter」,但一過試用期就表示要改名做「Ben」,希望其他同事都會改口稱呼佢做Ben。本來改一次半次英文名唔係啲咩值得大驚小怪嘅事,但估唔到件事仲未完。

樓主表示同事初入公司時叫「Peter」,但一過試用期就表示要改名做「Ben」,希望其他同事都會改口稱呼佢做BenPhoto from TVB

由「Peter」改名做「Ben」嘅同事過咗一個月之後又話要改英文名,此時樓主已懶得再記佢現時嘅英文名到底係咩:「因為我覺得佢遲早都會再轉」

由「Peter」改名做「Ben」嘅同事過咗一個月之後又話要改英文名,此時樓主已懶得再記佢現時嘅英文名到底係咩Photo from TVB

果然,改完名再隔一個月後,呢位同事又又改英文名,今次佢叫「Thomas」,係咁改名搞到連上司都忍唔住出聲叫佢唔好再改,因為會搞到公司行政上多咗負擔。

係咁改名搞到連上司都忍唔住出聲叫佢唔好再改,因為會搞到公司行政上多咗負擔。Photo from TVB

同事改名加重公司行政負擔,仲麻煩埋顧客

因為佢每改一次名就要通知一次HR,好多資料要更新返嘅同時,email都要轉,最麻煩嘅係仲搞到啲顧客。樓主憶述有顧客見email個下款改咗即時十分緊張,以為個project轉咗人接手,點知發現都係同一個人負責,只係佢個英文名由「Peter」轉做「Ben」,真身仍係同一人。

每改一次名就要通知一次HR,好多資料要更新返嘅同時,email都要轉Photo from TVB

有顧客見email個下款改咗即時十分緊張,以為個project轉咗人接手,點知發現都係同一個人負責Photo from TVB

樓主抱怨:「大佬呀,當自己依家仲讀緊中學咩,每隔一陣就話要改英文名」,認為佢應該要揀好先改,又表示依家喺公司已無人會叫佢英文名,叫係佢「姓氏+仔」就算。

樓主認為同事應該要揀好英文名先改Photo from TVB

網友懷疑港男改英文名有「古惑」

有網友懷疑樓主同事改英文名改得咁密有「古惑」,可能係每交往一個女朋友就改一次名:「溝幾條女用唔同名」、「三個英文名,三個女朋友」,又笑言樓主可以就咁叫佢「呀邊個」。

有網友懷疑樓主同事改英文名改得咁密有「古惑」,可能係每交往一個女朋友就改一次名Photo from 香港討論區

網民笑言樓主可以就咁叫佢「呀邊個」。Photo from 香港討論區

有網民則表示:「關唔關風水事?」,但即被反駁要改都係改中文名啦。

有網民則表示:「關唔關風水事?」Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

盤點20個藝人真名+英文名 叫Michael嘅多數都係型男?!

5 Mar 2021

其實喺娛樂圈裡面,好多藝人都會選擇改返個藝名。一來係因為自己嘅真名比較大眾化,未必能夠令大眾留下深刻印象,二來係希望可以藉著轉名黎改下自己嘅風水轉轉運,從而令自己係娛樂圈嘅路更加順。但大家又究竟知道幾多個藝人嘅真名呢?一齊黎盤點一下廣為人知嘅明星真名啦~

Ali FBPhoto from Ali FB

森美-梁志健 Sammy

森美就曾經因為佢嘅英文名而發生咗個小插曲。吳日言話讀書嘅時候,見電台通告寫Sammy以為係鄭秀文,就好興奮咁諗住去追星,點知去到發現係森美,忍唔住係電台節目話森美做咩要改個咁嘅英文名!

森美FBPhoto from 森美FB

杜汶澤Chapman-吳卓彰Edward

因為父親爛賭,所以唔想跟佢姓。而杜汶澤呢個名嘅由來亦十分搞笑,事關佢當時好鍾意賽馬,佢就見到其中一隻馬叫「澤汶渡」,就索性將個名倒轉黎讀變成自己個名!

杜汶澤喱騷FBPhoto from 杜汶澤喱騷FB

鍾欣潼(鍾欣桐)Gillian-鍾嘉勵(改名前:鍾狄珊)

原來啊嬌已經改咗四次名。父母喺佢出世嘅時候幫佢起咗個名叫鍾狄珊,之後佢兩歲嘅時候就改名為鍾嘉勵。決定入行嘅時候,就開始用藝名鍾欣桐。2013年,決定要將本身嘅桐字改做潼字,連身分證都統一咁用呢個名。

鍾欣桐IGPhoto from 鍾欣桐IG

廣告
廣告

李佳芯Ali-李嘉馨

曾經用過本名係有線電視工作,後來因為家人建議而改名。李佳芯仲表示改完名之後,身體無以前咁弱,而且事業發展亦比之前順利。

李佳芯FBPhoto from 李佳芯FB

菊梓喬(邯娜)Hana-陳曉怡

專程搵師傅改藝名菊梓喬再正式入行。佢仲話嗰位師傅係創造佢出來嘅人,令佢可以變得咁旺。

菊梓喬FBPhoto from 菊梓喬FB

除咗以上嘅藝人之外,都仲有好多藝人係用藝名㗎,快啲睇吓有無你哋熟悉嘅藝人啦!

麥浚龍Juno-麥允然Bobby

Juno FBPhoto from Juno FB

講起Bobby就諗起呢位佛系Bobby~~

Whatsapp StickerPhoto from Whatsapp Sticker

歐陽震華Bobby-歐陽耀泉

TVBPhoto from TVB

林峯-林匯文(後來改為:林逸峰)

林峯IGPhoto from 林峯IG

唐詩詠Natalie-唐思盈

唐詩詠FBPhoto from 唐詩詠FB

陳山聰Joel-陳山蔥

陳山聰FBPhoto from 陳山聰FB

高海寧Samantha-沈江莉

高海寧FBPhoto from 高海寧FB

黎諾懿Chris-黎日昇

黎諾懿IGPhoto from 黎諾懿IG

姚子羚Elaine-饒慧玲

姚子羚IGPhoto from 姚子羚IG

陳小春Jordan-陳小臻

陳小春FBPhoto from 陳小春FB

湯怡Kathy-袁家怡

湯怡IGPhoto from 湯怡IG

楊明Matt-林明樂(改名前:林楊明)

楊明IGPhoto from 楊明IG

吳若希Jinny-吳嘉妮

吳若希IGPhoto from 吳若希IG

吳卓羲Ron-吳兆棠

吳卓羲IGPhoto from 吳卓羲IG

蕭正楠Edwin-蕭錦麟

蕭正楠FBPhoto from 蕭正楠FB

王喜-鄺毅怡

王喜FBPhoto from 王喜FB

同場加映,原來最多男藝人用嘅英文名就係Michael喇,而用呢個名嘅男藝人就分別有苗僑偉,王敏德,唐文龍,謝天華,陶大宇等。睇黎用得呢個名嘅人多數都係型男,想改名英文嘅男仔不妨可以考慮吓用呢個名~

唐文龍FBPhoto from 唐文龍FB

TVBPhoto from TVB

Text: HolidaySmart Editorial

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel