download HolidaySmart 假期日常 app
?模何珮瑜Jeana北上發展榮升女一 ! 今年收入逾百萬 創下歷年新高!

?模何珮瑜Jeana北上發展榮升女一 ! 今年收入逾百萬 創下歷年新高!

娛樂新聞
By Stephanie on 28 Oct 2021
Digital Content Writer

何珮瑜(Jeana)10年前以?模身分出道,後來轉戰電影界成為演員,可惜都未能夠成為一線女星。最近,佢就將事業重心轉移返內地,並同謝天華合作拍攝電影,榮升做女主角,成功於短短半年時間內賺取幾百萬,迎來事業高峰!

何佩瑜(Jeana)最近北上搵真銀,成功接拍多部電影榮升女一!Photo from 何佩瑜IG

# 從模特兒變成演員!

現年31歲嘅何佩瑜(Jeana)2010年以「周秀娜師妹」嘅身份出道,憑著坦率直白嘅個性,經常於公開場合中語出驚人,而當年佢同周秀娜嘅不和傳聞亦傳到街知巷聞!後來,佢轉型成為演員,先後參與多部電影拍攝,包括《喜愛夜蒲》、《一代宗師》等,但大多都飾演配角角色,未能夠晉身成為一線女演員。

何佩瑜Jeana於2010年出道成為模特兒!Photo from 何佩瑜微博

Jeana早前上載自己剛出道時同而家嘅對比照。Photo from 何佩瑜IG

# 今年初往內地發展!

今年初,Jeana就開始北上發展,成功接拍多部電影《黑金風暴》、《死亡之窟之燭陰古城》等,接job接唔停手。日前,佢仲擔正做電影《72小時黄金行動》嘅女主角,同謝天華一齊合作,齊齊搵真銀!

Jeana轉往內地發展後,不停接拍電影!Photo from 何佩瑜微博

何佩瑜即將同謝天華合作拍攝《72小時黄金行動》,擔正做女主角!Photo from 何佩瑜微博

# 事業發展超順利!

據悉,Jeana今年嘅收入就已經達到幾百萬,收入係佢入行以來嘅最高峰!而佢現時嘅工作就已經排到年尾,完全唔擔心會有空白期。雖然於內地發展十分順利,不過佢今年亦經歷咗人生嘅低潮期,事關佢公公婆婆都先後離世,令佢更加珍惜同家人一齊嘅時光!

Jeana今年嘅收入已經創下佢入行以來嘅新高!Photo from 何佩瑜微博

不過Jeana早前因為家人離世而陷入低潮!Photo from 何佩瑜IG

# 有意於上海定居!

由於Jeana其他嘅家人都居住於內地,令佢亦開始希望想於上海定居,現時正在尋找適合嘅物業。等到所有事情安頓好之後,就接埋父母去上海定居,而細佬就返澳洲讀書,希望可以喺空餘時間陪伴父母!

何佩瑜計畫同家人一齊定居上海!Photo from 何佩瑜IG

Jeana亦因而變得更加珍惜與家人一齊嘅時光!Photo from 何佩瑜IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

周秀娜罕有晒露半球性感照被批?!網友力撐證明身材全天然!

23 Mar, 2021

35歲嘅周秀娜?模出身,初出道以魔鬼身材而為人熟悉,近年佢專注拍戲,好少再以性感造型示人,近日佢罕有公開deep V禮服照大派福利,點知竟被網民踩身材!

35歲嘅周秀娜?模出身Photo from 周秀娜IG

周秀娜初出道獲封「翻版樂基兒」,喺書展推出嘅超性感寫真令佢成為話題女王,風頭一時無兩!

周秀娜初出道獲封「翻版樂基兒」Photo from 周秀娜IG

不過以「性感女神」形象爆紅之後,近年周秀娜集中於拍電影,已甚少再以性感造型現身。就算有晚裝、泳衣相都見到上圍似乎「縮水」唔少,甚至瘦到胸部見骨。

近年周秀娜集中於拍電影Photo from 周秀娜IG

周秀娜IGPhoto from 周秀娜IG

周秀娜IGPhoto from 周秀娜IG

收起性感嘅娜姐喺影壇發展唔錯,更憑《29+1》獲提名你00因為年《香港電影金像獎》「最佳女主角」!努力受到認同!

周秀娜IGPhoto from 周秀娜IG

最近周秀娜罕有著禮服大騷豐滿身材!中門大開deep V露半球,造型非常性感!

最近周秀娜罕有著禮服大騷豐滿身材!Photo from 周秀娜IG

佢留言指:「鎂光燈下的影子,無數個自己」,雖然只係黑白照,但無論近鏡、遠鏡都睇到周秀娜身材fit爆!

相片吸引網友大讚佢好靚、好性感!點知竟有網民留言話:「有點下垂」,即被其他網民反駁:「還有人能反地心吸力?」、「有 假既咪會」,力撐娜姐證明自己body無加工過。

相片吸引網友大讚周秀娜好靚、好性感!Photo from 周秀娜IG

周秀娜IGPhoto from 周秀娜IG

有網民留言話:「有點下垂」,即被其他網民反駁Photo from 周秀娜IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel