download HolidaySmart 假期日常 app
李嘉欣、袁詠儀美顏濾鏡開太強!網民:完全認唔出,都變蛇精了!

李嘉欣、袁詠儀美顏濾鏡開太強!網民:完全認唔出,都變蛇精了!

娛樂新聞
By Cheryl on 28 Oct 2021
Digital Editor

唔少女藝人即使天生麗質都開行美顏濾鏡,導致靚樣「變形」。近日,「大美人」李嘉欣袁詠儀都因濾鏡開太行而令外貌出事!不少網民見到佢哋嘅「新樣」都嚇親,直言假到爆。

李嘉欣、袁詠儀相繼開美顏濾鏡出事!Photo from 李嘉欣 IG、袁詠儀 微博

李嘉欣自拍開濾鏡出事!

51歲「大美人」李嘉欣(Michele)雖然不再於幕前演出,但仍經常於社交平台分享近況。日前佢喺個人IG上載了一條疑似在私家車廂嘅自拍短片,李嘉欣喺鏡頭前大擺可愛表情放電。

李嘉欣坐車大玩自拍Photo from 李嘉欣 IG

不過濾鏡太大反而唔自然Photo from 李嘉欣 IG

網民:自然啲靚啲!

不過,由於美顏濾鏡開太行,令Michele本來已經好精緻嘅五官再進化,變得相當蛇精。不少網民都留言表示佢外貌變得好唔自然,「嘩! 勁膠!假爆!」、「唔好用apps太膠面,自然啲靚啲。」

李嘉欣開重濾鏡引網民熱議Photo from 李嘉欣 IG

李嘉欣自拍大show可愛表情Photo from 李嘉欣 IG

有網民認為嘉欣唔開濾鏡會更靚女~

有網民話李嘉欣唔開filter會更好睇Photo from 李嘉欣 IG

甚至有人覺得濾鏡令嘉欣變得像「蛇妖」。睇嚟大家都愛Michele最原始嘅美貌~

有網民認為李嘉欣開美顏濾鏡效果似蛇妖Photo from 李嘉欣 IG

同時,亦有好多網民留言大讚嘉欣美麗,自拍可愛,係永遠嘅女神~

都有唔少網民大讚嘉欣可愛又靚Photo from 李嘉欣 IG

李嘉欣自拍影片仍獲不少網民讚賞Photo from 李嘉欣 IG

袁詠儀同網紅玩直播帶貨慘遭濾鏡「變臉」

除咗李嘉欣開美顏有反效果外,連「靚靚」袁詠儀都一樣。近日,50歲袁詠儀都跟上內地潮流,同一名網紅主播玩直播帶貨。

袁詠儀近日同內地網紅直播主一齊玩帶貨Photo from 袁詠儀 微博

身穿白襯衫嘅袁詠儀同主播一同現身直播,但一開鏡便嚇壞網民。因為網紅主播將美顏濾鏡開行,導致坐在一旁嘅靚靚都被「變臉」,臉型變得極尖細,雙眼皮超深,整體五官比例變得嚴重失衡,大家熟悉嘅袁靚靚瞬間變成某不知名網紅。

網紅主播開濾鏡,一旁嘅袁詠儀都「大受影響」Photo from 影片截圖

袁詠儀外貌瞬間「蛇精化」Photo from 影片截圖

網民:差別大到張智霖都認唔出!

就連一旁嘅網紅主播都發現太誇張,於是降低了濾鏡程度,效果係有變得自然,不過假味仍揮之不去。

連主播都覺得太誇張,將濾鏡關細Photo from 影片截圖

係有自然咗,但仲有真假味Photo from 影片截圖

對此,不少觀眾都留言直言,「靚女開美顏會變外星人」,「將濾鏡留給網紅吧」、「就算係張智霖都認不出!」確實,濾鏡下嘅靚靚同平時嘅佢判若兩人,氣質反被大減。所以,相信大多觀眾都係鐘意「無添加」嘅袁詠儀!

網民都愛自然嘅袁靚靚多啲~Photo from 袁詠儀 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel