download HolidaySmart 假期日常 app
吳千語生日獲富三代施伯雄示愛 男方求放合照認證地位 林峯曾控訴舊愛!

吳千語生日獲富三代施伯雄示愛 男方求放合照認證地位 林峯曾控訴舊愛!

娛樂新聞
By Cheryl on 29 Oct 2021
Digital Editor

吳千語自與林峯分手後一直被傳撻著「百億富三代」施伯雄,惟一直未有認愛。日前,吳千語28歲生日,施伯雄喺微博發佈一張壽星女遮樣慶生照,並趁機向吳千語表白,而千語都有作出回應!

吳千語28歲生日獲富三代施伯雄高調示愛求認證Photo from 吳千語 微博

吳千語生日獲施伯雄示愛

吳千語於2018年與林峯分手,之後有傳佢撻著全國政協及地產商施子清嘅長孫施伯雄,有指佢身家達百億!兩人一直未有承認戀情,直至日前,施伯雄終於高調示愛,又求公開二人合照認證地位!

有指「富三代」施伯雄坐擁百億身家!Photo from 施伯雄 微博

吳千語近日在微博上載了一系列28歲慶生照,相中可見現場用了大量鮮花與綠色植物佈置。

吳千語28歲生日派對佈置用了不少植物佈置Photo from 吳千語 微博

環境佈置富有森林味~Photo from 吳千語 微博

吳千語於留言區稱讚施伯雄:「花花很到位。」男方則表示:「我來了!然後又暈倒了!」相信現場鮮花係由施伯雄安排,被讚嘅佢留言顯得相當開心。

負責安排鮮花佈置嘅施伯雄被吳千語大讚後開心留言Photo from 吳千語 微博

而施伯雄自己亦在微博發佈了一張壽星女遮樣慶生照,環境佈置與吳千語嘅照片一致,佢同時在帖文高調示愛:「祝@Karena吳千語生日快樂!我人生最尊重的人,教我怎麼自強不息,別讓路人的意見干擾,對自我尊重,開心開朗的態度過自己的日子。謝謝你,我愛你!」

施伯雄上載了一張明顯係吳千語慶生嘅照片Photo from 施伯雄 微博

施伯雄在同一帖文想吳千語高調表白Photo from 施伯雄 微博

而吳千語則用英語留言回應:「Thank you my soulmate, my best friend fh!!(謝謝,我的靈魂伴侶,我最好的朋友!)」而施伯雄亦再回應,指自己暈倒了,又大派心心emoji,認真癡情。

吳千語留言回禮,施伯雄癡情表示自己要暈倒了Photo from 施伯雄 微博

施伯雄想Po吳千語合照認證關係

施伯雄之後亦再轉發吳千語嘅慶生系列組圖,寫道:「老實說我也認為現在是適當時候發新的合照,媒體不停用我超黑超醜的照片,大家幫忙問@Karena吳千語意見。」由此可見,施伯雄好想公開佢同吳千語合照以認證身份!

施伯雄轉發吳千語生日組圖求發合照認證地位Photo from 施伯雄 微博

確實,二人數年前起被傳有戀情,更有指吳千語已搬入男方1,800呎嘅複式豪宅,但雙方未曾發佈合照承認關係。有網民亦發現施伯雄嘅微博帖文,大多數都係關於吳千語,睇嚟佢對千語愛意真係好強烈!

施伯雄好多微博帖文都係關於吳千語,例如大讚起用千語嘅品牌「有眼光」Photo from 施伯雄 微博

林峯疑曾控訴舊愛吳千語3宗罪

林峯與吳千語曾有一段情,男方最終於2018年承認二人分手。而林峯其後與內地女星張馨月結婚,並育有一女。兩人更亮相內地真人騷《妻子的浪漫旅行5》,當中,林峯對舊愛作出控訴,更大數對方3宗罪,又指分手後遇上張馨月,感覺瞬間大有改善。雖然無開名,但網民憑線索將矛頭直指吳千語。

林峯與張馨月結婚後參演內地真人騷《妻子的浪漫旅行5》並經常引起熱議Photo from 《妻子的浪漫旅行5》

1. 逼林峯做不喜愛嘅事

節目裡,林峯講述一名舊愛會經常將自己嘅思維方式強加於自己身上,令佢於交往期間做了好多自己不喜歡嘅事,林峯話佢只為討好對方才配合做法。

林峯指舊愛在交往期常強逼自己做不喜愛嘅事Photo from 《妻子的浪漫旅行5 》

2. 舊愛令林峯自卑

林峯又指,舊愛會不斷踩自己:「你這個不夠,你那個不夠,讓你學這個學那個。」林峯因此覺得自己咩都做唔好,自卑感日漸增強,令關係變得不健康。

林峯更指舊愛令佢感自卑Photo from 《妻子的浪漫旅行5 》

3. 舊愛想利用愛犬與林峯見面

唔只林峯,張馨月亦有在節目爆料,佢指林峯求完婚當日,林峯收到舊愛訊息話佢隻狗好掛念林峯,想叫林峯去探望愛犬。林峯坦言此事令佢覺得對唔住張馨月。而佢同吳千語交往期間都曾被拍到一起放狗,而張馨月就係林峯同千語分手後嘅下一任,所以不少網民估計該名想借愛犬見面嘅舊愛就係吳千語。

連張馨月都爆料,指林峯求婚當日被舊愛傳短訊,想佢返去探望愛犬Photo from 《妻子的浪漫旅行5 》

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel