download HolidaySmart 假期日常 app
余文樂台灣腔遭內地網民鬧爆 拍片晒居台豪宅 被批:「灣味太濃!」

余文樂台灣腔遭內地網民鬧爆 拍片晒居台豪宅 被批:「灣味太濃!」

娛樂新聞
By Cheryl on 29 Oct 2021
Digital Editor

余文樂2017年與名模王棠云結婚後移居台灣。最近,佢更開通自家YouTube頻道,拍片公開其價值台幣2.8億嘅豪宅及工作室,雖然佢屋企佈置富有藝術感相當吸引,但佢嘅台灣腔卻更搶「耳」,更遭部分內地網名指摘佢「灣味超濃」!

余文樂首度開設個人YouTube頻道《Inside Out 》,分享生活品味Photo from 余文樂頻道《Inside Out 》

余文樂開設YouTube頻道分享生活品味

余文樂入行20年,近日開設自家影片頻道《Inside Out》,分享家庭、事業、生活及投資點滴。影片一開始,佢就表示20年嚟一直在演別人角色,所以呢家想呈現真實嘅自我。

余文樂表示想透過自家YouTube頻道展示真正嘅自己Photo from 余文樂頻道《Inside Out 》

片段展示余文樂踩單車到其個人工作室,據悉,其單車絕非簡單,而係價值3萬多港元嘅SUPER73電動單車。

電動單車價值不菲Photo from 余文樂頻道《Inside Out 》

余文樂工作室走柔和格調,富藝術潮味

攝影師隨後跟余文樂走進其個人辦公室,可見空間非常闊落,色調以柔和嘅灰色、啡色及綠色為主,裡面除了採用不少木系家具外,亦擺設了好多藝術品、潮物與畫作。

余文樂工作室富有個人風格,空間感大Photo from 余文樂頻道《Inside Out 》

掛有一大幅藝術畫作Photo from 余文樂頻道《Inside Out 》

余文樂又指自己有強迫症,別人碰過佢嘅物品佢絕對會知道。

余文樂話佢敏感程度就好似有強迫症咁,一定會知道其他人碰過佢嘅物品Photo from 余文樂頻道《Inside Out 》

之後,余文樂向大家介紹其位於地庫嘅工作空間,入面放滿鞋、工作用嘅時裝樣本、同時亦放有床可供休息。

余文樂地庫工作室環境Photo from 余文樂頻道《Inside Out 》

余文樂地庫工作空間放有不少鞋及樣品Photo from 余文樂頻道《Inside Out 》

除此,佢又向攝影團隊展示一張有破損嘅木椅,破損係在搬運過程中被撞到所致。余文樂對此表示超級痛心,更形容自己嘅強烈情感猶如「有病」。

余文樂向攝影團隊展示收藏嘅傢私Photo from 余文樂頻道《Inside Out 》

當中包括一張在搬運途中被撞到有少許破損嘅木椅Photo from 余文樂頻道《Inside Out 》

著重家庭空間,同老婆兒子溫馨玩樂

余文樂希望為小孩提供一個大嘅活動空間,所以都將家與工作空間分開,令兩者都有充裕空間。佢之後帶大家到屋企參觀,起居家環境採用嘅色調比工作室梗柔和,運用了更多木系佈置,更有一點日系感。

余文樂屋企都幾有日式風格Photo from 余文樂頻道《Inside Out 》

隨後,太太王棠云現身,在旁處理家物。佢被余文樂戲稱為助理,又因素顏狀態而不斷避鏡頭,最後佢裝作要向狂開玩笑嘅丈夫「動武」。

余文樂老婆王棠云在影片現身,卻被老公余文樂戲稱做「助理」!Photo from 余文樂頻道《Inside Out 》

王棠云聽到想對余文樂「動武」Photo from 余文樂頻道《Inside Out 》

余文樂之後到房間陪兒子余初見(Cody)玩耍,父子場面溫馨非常~

余文樂同仔仔余初見玩得不亦樂乎Photo from 余文樂頻道《Inside Out 》

內地網民狠批余文樂一口「台灣腔」

余文樂除了在YouTube上載《Inside Out》首集影片外,亦將佢上載微博。可能因為佢已定居台灣4年,導致口音有變,不少內地網民都留言點評佢嘅「台灣腔」,直言:「你的普通話,灣味兒也太大了吧!」、「台灣住久了,台灣腔現在這麼重」、「你講話好作狀」、「聽得好難受」,更有網民問道:「這種人為什麼微博還不封禁?」

不少內地網民不滿余文樂普通話「灣味太重」Photo from 余文樂 微博評論

更有內地網民話余文樂講話好作狀,聽得好難受Photo from 余文樂 微博評論

有內地網民認為微博應該封禁余文樂Photo from 余文樂 微博評論

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel