林峯新劇《星辰大海》展咆哮演技 爆青筋肉緊示愛 遭網民嘲「中年偶像劇」

不少香港藝人都北上發展，並成功在內地打響知名度。林峯與陳偉霆都係當中例子，兩人今年都獲得不少內地戲劇資源，但從宣傳物品中可見，佢哋嘅演技都頗為誇張，引起網民熱話。

林峯內地新劇演「恐怖情人」？！

41歲林峯離巢TVB後將事業發展轉移內地，並成功接拍多套戲劇及綜藝作品，佢現時有數套電視劇待播。當中，由林峯及內地女星劉濤主演嘅《星辰大海》會在今日（30日）首播。

Photo from 微博

劇集講述家境貧困嘅女生簡愛（劉濤飾演）如何由辦公室小薯一路拼搏，最終成為跨國集團董事長，當中佢會遇到由林峯飾演嘅商界才俊方恆之，並發展戀情。

Photo from 《星辰大海》預告片

Photo from 《星辰大海》預告片

劇集嘅官方微博上載咗預告片，可見林峯對劉濤死纏難打，林峯更在微博嘅宣傳帖文寫道：「簡愛，你不可能離開我的，我會一直纏著你！」甚有恐怖情人味道。

Photo from 林峯 微博

林峯於內地劇《星辰大海》中表現激動

預告片中，林峯更失驚無神開水喉向劉濤示愛，話自己唔會放棄女方，惟水喉被舉高時一拼將二人淋濕。有網民將劇集形容為「中年偶像劇」，又設計對白，指：「你（林峯）只淋自己不行嗎？這次換我（劉濤）被淋。」

Photo from 《星辰大海》預告片

Photo from 《星辰大海》預告片

Photo from 微博

除此，林峯更在預告片中失控咆哮，向劉濤大叫：「我愛你！我不要這種眼神！」，佢激動得青筋爆現，場面頗為嚇人。有內地網民看畢預告後，認為林峯像被有「咆哮帝」之稱嘅馬景濤附體，認為劇集睇落頗為「狗血」，但仍會期待。

Photo from 《星辰大海》預告片

Photo from 《星辰大海》預告片

Photo from 《星辰大海》預告片

陳偉霆於《侍神令》有獨特造型與演技

除咗林峯，較早前陳偉霆亦於內地戲劇中展現獨特造型及演技。佢於年初上映嘅內地賀歲電影《侍神令》中與周迅、陳坤等紅星有對手戲。佢飾演嘅陰陽師表面正直，實則陰險，佢留有一頭長直紅髮，妝容妖媚。有網民認為造型夠破格，亦有人認為太奇怪。

Photo from 《侍神令》

Photo from 《侍神令》

令網民想起經典爆喊場面

電影嘅花絮短片中可見，陳偉霆掐著周迅頸部，眼神充滿殺氣，甚有氣勢。

Photo from 《侍神令》

Photo from 《侍神令》

不過，有網民卻想起佢喺內地劇《活色生香》中一場經典慘情戲，相信大家都睇過，當時陳偉霆攬住已過過身嘅女角大哭大喊，但表情卻像又笑又喊，被嘲演技浮誇。事後，陳偉霆聲稱自己有乾眼症所以難以流淚，仲試過要半日才能培養情緒，流出真眼淚。

Photo from 《活色生香》

Photo from 《活色生香》

相關文章：林峯即將重返樂壇 成為華納旗下歌手?! 網民期待：「當年被吹捧得太勁 引起反感」

相關文章：陳偉霆46歲粉絲穿著火辣求注意 見樣即掩面忍笑 網民：阿姨，我還想努力！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）