download HolidaySmart 假期日常 app
陳凱琳自爆迷戀鄭嘉穎夠靚仔!老公大感不滿:老咗唔靚仔咁點算?

陳凱琳自爆迷戀鄭嘉穎夠靚仔!老公大感不滿:老咗唔靚仔咁點算?

娛樂新聞
By Jennifer on 01 Nov 2021
Digital Editor

陳敏之YouTube《Chi Chat》請陳凱琳做嘉賓,陳凱琳繼續大談老公鄭嘉穎同兒子嘅生活,佢坦承自己迷戀鄭嘉穎,又貪對方夠靚仔,不過嘉穎就唔係好中意老婆咁講。陳凱琳仲提到生第三胎計劃!

陳敏之YouTube《Chi Chat》請陳凱琳做嘉賓,陳凱琳繼續大談老公鄭嘉穎同兒子嘅生活,Photo from 陳敏之YouTube

陳凱琳爆鄭嘉穎結婚後完全唔同晒?

陳凱琳提到結婚後會親自下廚,初時佢仲會甜蜜問鄭嘉穎:「老公,好唔好食呀?」,點知鄭嘉穎以為佢真心問意見,於是直言佢嘅廚藝仍有改善空間:「你咁問我都想講今日個肉韌咗啲!」,令陳凱琳哭笑不得:「真係自己攞嚟衰。」

陳凱琳提到結婚後會親自下廚,初時佢仲會甜蜜問鄭嘉穎:「老公,好唔好食呀?」Photo from 陳凱琳 IG

鄭嘉穎以為陳凱琳真心問意見,於是直言佢嘅廚藝仍有改善空間:「你咁問我都想講今日個肉韌咗啲!」Photo from 陳敏之YouTube

佢坦言自細就覺得做一個好老婆要識得煮下嘢食,陳敏之即表示自己拍拖時都會下廚,因為要「扮嘢」,陳凱琳指男人都係一樣,戀愛嗰陣可以做一千樣嘢,但結婚後就做半件事都嫌煩。

陳凱琳坦言自細就覺得做一個好老婆要識得煮下嘢食Photo from 陳敏之YouTube

陳凱琳指男人戀愛嗰陣可以做一千樣嘢,但結婚後就做半件事都嫌煩。Photo from 陳敏之YouTube

陳凱琳坦承好迷戀鄭嘉穎

陳凱琳同鄭嘉穎結婚之後十分恩愛,不時會喺IG post相放閃,佢自爆比起兩個仔自己最錫老公:「我真係最錫係我老公,所以啲人話我好迷戀我老公,其實真係幾中意佢。」

陳凱琳同鄭嘉穎結婚之後十分恩愛,不時會喺IG post相放閃Photo from 陳凱琳 IG

陳凱琳自爆比起兩個仔自己最錫老公:「我真係最鍚係我老公,所以啲人話我好迷戀我老公,其實真係幾中意佢。」Photo from 陳敏之YouTube

雖然陳凱琳同老公鄭嘉穎年齡相差22歲,但二人愛得甜蜜,陳凱琳坦言兩人年紀「有啲距離」但自己毫不介意。

雖然陳凱琳同老公鄭嘉穎年齡相差22歲,但二人愛得甜蜜Photo from 陳凱琳 IG

陳凱琳坦言兩人年紀「有啲距離」但自己毫不介意Photo from 陳凱琳 IG

鄭嘉穎唔中意老婆讚自己靚仔

提到自己覺得老公好靚仔,陳凱琳表示佢成日喺鄭嘉穎面前讚對方靚仔,但老公就唔係好中意佢咁講:「佢叫我唔好再咁樣講」,因為鄭嘉穎覺得靚仔唔係永遠:「佢覺得如果你真係淨係中意佢個樣,到佢真係年紀再大啲唔靚仔咁點算?」

陳凱琳表示佢成日喺鄭嘉穎面前讚對方靚仔Photo from 陳凱琳 IG

鄭嘉穎覺得靚仔唔係永遠Photo from 陳敏之YouTube

陳凱琳:「佢覺得如果你真係淨係中意佢個樣,到佢真係年紀再大啲唔靚仔咁點算?」Photo from 陳敏之YouTube

陳凱琳即表示佢讚老公靚仔唔代表淨係中意佢夠靚仔,但又笑言:「雖然係大部分原因。」

陳凱琳即表示佢讚老公靚仔唔代表淨係中意佢夠靚仔Photo from 陳凱琳 IG

陳凱琳笑言:「雖然係大部分原因。」Photo from 陳敏之YouTube

陳凱琳提及生第三胎計劃,大談兒子窩心事

陳敏之問佢有無諗住生多個「追女」,陳凱琳就指自己中意仔多啲,覺得兒子好似小情人,又大爆仔仔嘅窩心事。佢表示有一次帶咗仔仔出門玩一日,個人好攰,喺仔仔獨自睇書嘅時候突然感到有好多壓力,忍唔住喊。

陳敏之追問佢有無諗住生多個「追女」,陳凱琳就指自己中意仔多啲Photo from 陳凱琳 IG

陳凱琳覺得兒子好似小情人Photo from 陳敏之YouTube

陳凱琳表示有一次帶咗仔仔出門玩一日,個人好攰,喺仔仔獨自睇書嘅時候突然感到湊仔嘅壓力,忍唔住流淚。Photo from 陳凱琳 IG

仔仔見狀即走過嚟幫佢抹眼淚,又細細聲道歉:「媽咪Sorry,Don't cry~」,令佢好安慰,陳敏之都大讚佢仔仔好sweet!

仔仔見狀即走過嚟幫佢抹眼淚,又細細聲道歉:「媽咪Sorry,Don't cry~」Photo from 陳敏之YouTube

陳凱琳激罕自爆於加拿大情史

陳凱琳媽媽曾喺節目中爆鄭嘉穎係陳凱琳嘅初戀,陳凱琳就罕有咁自爆喺加拿大嘅情史!佢指識咗一個男仔,雖然未係正式男朋友,但承認:「我都幾中意佢嘅~」

陳凱琳媽媽曾喺節目中爆鄭嘉穎係陳凱琳嘅初戀Photo from 陳凱琳 IG

陳凱琳罕有咁自爆喺加拿大嘅情史Photo from 陳敏之YouTube

有日佢親自下廚,邀請陳凱琳母女食飯,當陳凱琳媽媽見到對方兩邊手臂都紋晒身,都有少少嚇親,但識落都覺得對方無乜嘢。陳凱琳總結:「所以唔好生女」,佢指日後要擔心嘅嘢係一千倍。

當陳凱琳媽媽見到陳凱琳puppy love對象兩邊手臂都紋晒身,都有少少嚇親,但識落都覺得對方無乜嘢Photo from 陳敏之YouTube

陳凱琳總結:「所以唔好生女」Photo from 陳敏之YouTube

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

陳凱琳稱無諗過同鄭嘉穎結婚!自爆拍第一套劇即被老公睇中帶挈上位!

26 Oct 2021

鄭嘉穎同陳凱琳喺圈中恩愛夫妻,兩人育有兩個兒子鄭承悅(Rafael)、鄭承亮(Yannick),一家四口十分幸福。近日陳凱琳上陳敏之嘅YouTube Channel做嘉賓,大爆自己以前好抗拒靚仔,又指無諗過會同鄭嘉穎結婚。

鄭嘉穎同陳凱琳喺圈中恩愛夫妻,兩人育有兩個兒子鄭承悅(Rafael)、鄭承亮(Yannick),一家四口十分幸福Photo from 陳凱琳IG

陳敏之大讚陳凱琳好貼心,成功令鄭嘉穎深陷其魅力

陳凱琳(Grace)結咗婚、為人母後主力照顧家庭,最近佢就獲邀上陳敏之YouTube Channel節目《Chi Chat》,陳敏之回憶起同陳凱琳初次見面嘅時候。

陳凱琳上陳敏之YouTube Channel節目《Chi Chat》做嘉賓,陳敏之回憶起同陳凱琳初次見面嘅時候。Photo from 陳敏之YouTube

陳凱琳喺參選港姐時於化妝間主動同陳敏之傾計,又讚對方「好瘦好高好靚」,仲講到陳敏之當時拍嘅劇《公主嫁到》嘅角色,陳敏之表示見到佢講流利廣東話都嚇咗一跳,以為佢會講英文,但陳凱琳好有禮貌,令陳敏之對佢好有好感。

陳凱琳喺參選港姐時於化妝間主動同陳敏之傾計,又讚對方「好瘦好高好靚」Photo from 陳敏之YouTube

陳敏之表示見到佢講流利廣東話都嚇咗一跳,以為佢會講英文,但陳凱琳好有禮貌,令陳敏之對佢好有好感。Photo from 陳敏之YouTube

之後佢哋一齊去新加坡出席活動時,陳凱琳同何雁詩又喺機場寄明信片,陳敏之形容佢哋孭住個背囊好似小朋友,好可愛。陳凱琳上到飛機仲將明信片送埋畀陳敏之,敏之大讚陳凱琳係一個好sweet、好窩心、貼心嘅女仔。

陳凱琳上到飛機仲將明信片送埋畀陳敏之,敏之大讚陳凱琳係一個好sweet、好窩心、貼心嘅女仔。Photo from 陳敏之YouTube

陳敏之指完全明白鄭嘉穎會對佢死心塌地,因為陳凱琳個人好有愛:「你係叻、甜、靚、正!」,敏之對陳凱琳評價極高!

陳敏之指完全明白鄭嘉穎會對佢死心塌地,因為陳凱琳個人好有愛Photo from 陳敏之YouTube

陳凱琳稱從未想過會同鄭嘉穎結婚

同鄭嘉穎十分恩愛嘅陳凱琳表示佢完全無諗過會同鄭嘉穎結婚,首先佢覺得對方好靚仔,而自己自細就覺得絕對絕對唔可以同靚仔拍拖,因為無安全感又好大競爭:「我又唔係啲咩。」

同鄭嘉穎十分恩愛嘅陳凱琳表示佢完全無諗過會同鄭嘉穎結婚Photo from 陳凱琳IG

陳凱琳指覺得鄭嘉穎好靚仔,而自己自細就覺得絕對絕對唔可以同靚仔拍拖Photo from 陳敏之YouTube

陳凱琳雖然喺加拿大讀書,但佢都睇過好多TVB劇集,所以一開始覺得同鄭嘉穎有好遠距離:「以前睇電視你唔會諗呢啲㗎嘛!」,陳敏之稱:「以為你講年齡有距離」,同老公年齡相差22歲嘅陳凱琳坦言:「都有啲距離嘅......」,但就認為唔緊要。

陳凱琳一開始覺得同鄭嘉穎有好遠距離:「以前睇電視你唔會諗呢啲㗎嘛!」Photo from 陳敏之YouTube

陳敏之稱:「以為你講年齡有距離」Photo from 陳敏之YouTube

陳凱琳坦言:「都有啲距離嘅......」Photo from 陳敏之YouTube

陳凱琳同老公鄭嘉穎年齡相差22歲Photo from 陳凱琳IG

陳凱琳自爆入行初期獲鄭嘉穎帶挈上位拍新劇

陳凱琳又表示覺得鄭嘉穎係一個好cool嘅人,佢憶述自己拍第一套劇《名門暗戰》嘅時候,鄭嘉穎因為識得同劇組嘅黎耀祥等人,經常喺佢哋嘅攝影棚外面走嚟走去,又會行入嚟睇佢哋拍劇,陳敏之即笑言對方係借黎耀祥過橋探班,其實係想睇陳凱琳,陳凱琳亦甜笑回:「唔知喇!」

陳凱琳憶述自己拍第一套劇《名門暗戰》嘅時候,鄭嘉穎因為識得同劇組嘅黎耀祥等人,經常喺佢哋嘅攝影棚外面走嚟走去,又會行入嚟睇佢哋拍劇Photo from TVB

陳敏之笑言鄭嘉穎係借黎耀祥過橋探班,其實係想睇陳凱琳,陳凱琳亦甜笑回:「唔知喇!」Photo from 陳敏之YouTube

陳凱琳自爆未同鄭嘉穎合作前,對方已帶挈佢拍新劇。佢表示有一次鄭嘉穎同佢講:「你要多謝我,你知唔知呀?」,原來佢成日入陳凱琳拍劇嘅攝影棚睇佢做戲,之後向一位熟識嘅監製推薦佢,指陳凱琳演戲好有heart,可以畀啲角色佢,所以陳凱琳第二套劇就係拍《四個女仔三個BAR》。

陳凱琳自爆未同鄭嘉穎合作前,對方已帶挈佢拍新劇。佢表示有一次鄭嘉穎同佢講:「你要多謝我,你知唔知呀?」Photo from 陳敏之YouTube

原來鄭嘉穎成日入陳凱琳拍劇嘅攝影棚睇佢做戲,之後向一位熟識嘅監製推薦佢,指陳凱琳演戲好有heart,可以畀啲角色佢Photo from 陳凱琳IG

陳凱琳因為鄭嘉穎嘅推薦,第二套劇就係拍《四個女仔三個BAR》。Photo from TVB

陳凱琳「呷醋」指老公鄭嘉穎錫仔多過錫佢

陳凱琳指老公錫到兩個仔燶,外界唔少人都話佢改變咗好多,之前個人好cool但依家做咗爸爸日日都攬住啲仔,成日話「仔要窮養」,但實際上就當兩個仔係皇帝。

陳凱琳指老公鄭嘉穎錫到兩個仔燶Photo from 陳凱琳IG

陳凱琳話鄭嘉穎之前個人好cool但依家做咗爸爸日日都攬住啲仔,成日話「仔要窮養」,但實際上就當兩個仔係皇帝。Photo from 陳敏之YouTube

預告中陳凱琳又「呷醋」大爆老公鄭嘉穎錫仔多過錫佢,佢指鄭嘉穎雖然口講梗係揀老婆,因為兒子第時大個就會搬出去,只有佢哋兩公婆「相依為命」,但行為上就唔係,鄭嘉穎永遠一見到兩個仔就出手攬攬,反而叫老婆就十分「木獨」。

預告中陳凱琳又「呷醋」大爆老公鄭嘉穎錫仔多過錫佢Photo from 陳敏之YouTube

陳凱琳指鄭嘉穎雖然口講梗係揀老婆,因為兒子第時大個就會搬出去,只有佢哋兩公婆「相依為命」Photo from 陳敏之YouTube

陳凱琳指老公鄭嘉穎「口不對心」,行為上都係錫仔多啲Photo from 陳敏之YouTube

鄭嘉穎永遠一見到兩個仔就出手攬攬Photo from 鄭嘉穎IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel