download HolidaySmart 假期日常 app
姚焯菲新歌3日內突破44萬瀏覽! MV留言有讚無彈:千年難得一遇仙女!

姚焯菲新歌3日內突破44萬瀏覽! MV留言有讚無彈:千年難得一遇仙女!

娛樂新聞
By Stephanie on 01 Nov 2021
Digital Content Writer

現年15歲嘅姚焯菲(Chantel)因為參加節目《聲夢傳奇》而人氣急升,成功吸粉無數。最近,佢就推出咗新歌《原來談戀愛是這麼一回事》,MV中仙氣造型獲網民大讚,並於短短一日內獲得逾18萬人瀏覽!

姚焯菲(Chantel)最近首度推出個人單曲《原來戀愛是這麼一回事》!Photo from 姚焯菲IG

# 姚焯菲受力捧 推出個人單曲!

姚焯菲(Chantel)自參加TVB節目《聲夢傳奇》後而聲名大噪,雖然最終未能於決賽仲得冠軍,但都依然獲得唔少粉絲嘅支持。早前,《聲夢》學員炎明熹(Gigi)同鍾柔美(Yumi)都陸續推出咗新歌,而Chantel就成為咗擁有個人單曲嘅第3位學員!

姚焯菲(Chantel)憑甜美外貌以及歌聲,吸粉無數!Photo from 《聲夢傳奇》

Chantel成為第3位推出個人單曲嘅《聲夢傳奇》學員!Photo from 鍾柔美IG

# 新歌MV獲粉絲大讚!

Chantel嘅新歌《原來談戀愛是這麼一回事》MV就於10月29日下午1點嘅時候正式推出,佢貫徹以往甜美清純嘅形象,以歌聲想大家訴說一對情侶會面對嘅種種困難。其中MV入面,Chantel身穿露肩公主裙登場,獲唔少粉絲大讚仙氣造型「高貴又有氣質!」

姚焯菲於MV中嘅仙氣形象獲粉絲大讚!Photo from 《原來談戀愛是這麼一回事》MV

姚焯菲嘅粉絲們都覺得呢首歌曲嘅風格十分適合Chantel!Photo from 《原來談戀愛是這麼一回事》MV

# MV釋出一日內足足18萬人瀏覽!

作為《聲夢》嘅人氣三甲之一,Chantel嘅粉絲們緊係會落力支持佢啦~MV釋出4個小時就有逾4萬人瀏覽,其後不足24小時就成功吸引逾18萬人瀏覽,成績十分唔錯!截止今日(11月1日)為止,佢嘅MV瀏覽數量已經達到440,379,而網民更加喺留言區對佢讚不絕口!

姚焯菲新歌《原來戀愛是這麼一回事》於3日內獲得逾44萬人觀看!Photo from 姚焯菲YouTube

姚焯菲嘅粉絲們對歌曲有讚無彈!Photo from 姚焯菲YouTube

# 《聲夢》學員幫手宣傳

一班《聲夢》學員亦發揮佢哋互助互愛嘅精神,喺IG分享Chantel嘅新歌,炎明熹仲大讚歌曲非常洗腦「太可惡了,令我整個腦海不斷浮現原來談戀愛!」兩人今年都推出咗個人單曲,有機會角逐樂壇新人獎,但並冇因此影響到佢哋,感情依然非常好~

炎明熹亦有於IG為Chantel新歌做宣傳!Photo from 炎明熹IG

姚焯菲同炎明熹節目完結後,都依然感情好好!Photo from 姚焯菲IG

# 炎明熹MV觀看數已破百萬!

炎明熹喺9月20日發佈佢嘅首支個人單曲《真話的清高》,成功於3日內獲得逾30萬嘅瀏覽人數;而Chantel就於3日內獲得於44萬人瀏覽,就咁睇Chantel成績略勝一籌!不過炎明熹嘅MV亦成功於一個月內衝破100萬觀看次數,十分厲害!

炎明熹嘅單曲《真話的清高》於個月內突破百萬人瀏覽!Photo from 星夢娛樂YouTube

炎明熹嘅粉絲亦有為佢籌備巴士燈箱廣告作應援!Photo from 炎明熹IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

姚焯菲接拍新樓盤廣告 吸金力驚人! 網民翻出鍾柔美出道前廣告:細個就搵外快!

14 Sep , 2021

TVB節目《聲夢傳奇》比賽已經完滿結束咗一段日子,而有份參加節目嘅學員亦因此而人氣急升!最近,姚焯菲(Chantel)就獲邀拍攝新樓盤廣告,吸金力極強;而另一位參賽者鍾柔美(Yumi)就被網民翻出兒時嘅演出片段,被網民指「細細個就已經識得搵錢」!

姚焯菲喺《聲夢》完結後依然人氣高企!Photo from 姚焯菲 IG

#《聲夢》學員因節目人氣急升!

TVB節目《聲夢傳奇》成功捧紅唔少有份參賽嘅學員,令佢哋人氣急升,頻頻接job!其中節目中嘅「人氣王」姚焯菲(Chantel)節目結束後依然人氣高企,獲得唔少廣吿商嘅青睞~

即將15歲嘅姚焯菲最近頻頻接job!Photo from 姚焯菲 IG

#人氣王姚焯菲已接拍5個廣告

姚焯菲(Chantel)喺參加節目後就已經拍攝咗大約5個廣吿,包括2個銀行廣吿以及時裝品牌等。日前,佢仲獲邀參與位於鰂魚涌嘅新樓盤廣吿,成為首位進軍樓盤廣告嘅聲夢學員!

姚焯菲已經接拍5個廣吿!Photo from 姚焯菲 IG

#為新樓盤擔任代言人!

喺廣吿短片中,只見Chantel到訪示範單位以及會所內嘅唔同設施,仲大談自己理想中嘅Dream Life「就係可以有K房唱歌同埋Gym room做運動」!據悉,呢個新樓盤打算吸引一班年輕嘅客人,故此睇中年紀輕輕嘅Chantel作為代言人,並用佢甜美嘅聲線去為介紹樓盤。

姚焯菲最近獲邀拍攝樓盤廣告!Photo from THE HOLBORN樓盤廣吿

姚焯菲表示希望有K房可以隨時唱歌!Photo from THE HOLBORN樓盤廣吿

即將迎來15歲生日嘅Chantel就已經獲唔少廣吿商青睞,再加上未來TVB亦將會繼續提供機會俾一班聲夢學員,相信佢嘅吸金能力將會有增無減!

姚焯菲預計將受TVB力捧,吸金力將更強?!Photo from 姚焯菲 IG

#網民翻出鍾柔美出道前片段!

而《聲夢》嘅另外一位學員鍾柔美(Yumi)最近就被網民翻出兒時嘅表演片段,現時只係得14歲嘅佢,其實係童星出身!自6歲開始就已經參加唔同表演及比賽,擁有豐富嘅舞台經驗,所以之前喺聲夢嘅舞台表演時亦非常淡定,佢曾經表示每個星期都會話至少5小時學習唱歌、鋼琴、跳舞等興趣班。

鍾柔美係童星出身!Photo from 鍾柔美IG

鍾柔美小時候就已經累積好多舞台經驗~Photo from 鍾柔美IG

#曾有份參與微電影及電視劇拍攝

Yumi係家燕媽媽藝術中心嘅其中一位畢業生,曾參與由家燕媽媽監製嘅微電影《娃娃》,係裡面嘅主要演員之一,戲份相當多;而佢亦曾經參與電視劇《城寨英雄》、《平安谷之詭谷傳說》等演出,同陳展鵬合作過㗎~

 鍾柔美有份參與家燕媽媽監製嘅微電影《娃娃》!Photo from 《娃娃》

鍾柔美與陳展鵬合作拍攝《城寨英雄》~Photo from 微博

#網民直言:細細個就開始搵外快!

網民們見狀就大讚Yumi細細個就已經好靚,並笑言「估唔到佢細個嘅時候,吸金力就已經咁強!」睇嚟《聲夢》嘅學員們都好有「錢途」~

鍾柔美曾經拍攝KFC廣告!Photo from KFC廣吿

鍾柔美曾參與「媽媽咪咪嘉年華」表演~Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel