download HolidaySmart 假期日常 app
鍾培生豪宅5個雪櫃大公開!激多酒+溝女專用格 網民:酒池肉林!

鍾培生豪宅5個雪櫃大公開!激多酒+溝女專用格 網民:酒池肉林!

娛樂新聞
By Cheryl on 01 Nov 2021
Digital Editor

鍾培生早前同林作打拳賽名氣大增,佢貴為知名「富三代」,居住環境當然大。佢日前拍片公開家中有多達五個雪櫃,入面嘅食材同酒都非常齊全,更有一個雪櫃係「溝女專用」!

鐘培生貴為本港知名「富三代」,早前同林作打拳令知名度更進一步Photo from 鐘培生 IG

鍾培生公開家中5個大雪櫃

鍾培生向來有喺自家YouTube頻道「培生培心」拍攝不同系列影片,分享個人生活及投資心得等點滴。今次佢就拍片公開家中嘅五個雪櫃究竟裝啲咩!

鍾培生拍片公開屋企5個雪櫃裝啲咩Photo from 鍾培生 Derek Cheung 頻道

嚟到第一個雪櫃,鍾培生表示上面貼有許多女傭「能做」和「不能做」嘅筆記,又發現一支KFC送贈嘅酒,可惜已過期。

鍾培生表示曾獲KFC贈送酒水,但過咗期都無飲過Photo from 鍾培生 Derek Cheung 頻道

第1個雪櫃好多醬,又言討厭韓國產品

雪櫃裡有好多烹調醬,佢指所有嚟自韓國嘅產品一律都係佢媽媽買,因為佢本人好討厭韓國人及韓國文化。

鍾培生稱家中一切韓國產品都係媽媽購買Photo from 鍾培生 Derek Cheung 頻道

鍾培生表示討厭韓國人,故不會買韓國產品Photo from 鍾培生 Derek Cheung 頻道

另外,雪櫃裡有數支高蛋白質嘅奶類產品,鍾培生稱因為味道難喝而從來唔會飲。

鐘培生表示屋企有奶但因味道問題唔會飲Photo from 鍾培生 Derek Cheung 頻道

其他食材有麵、中秋節剩下嘅月餅、魚子醬、高級火腿、火鍋用嘅魚蛋、凍肉等。

好多三文魚Photo from 鍾培生 Derek Cheung 頻道

雪櫃好多凍肉Photo from 鍾培生 Derek Cheung 頻道

唔敢掂已開封醬料?冰塊都富貴過人

輪到第二個雪櫃,內容明顯較第一個櫃少,但仍放了很多醬料,仲有一隻鹽焗雞、蔬菜、凍肉等,亦有一支「唔知點解喺度」嘅伏特加,而冰格嘅冰都嚟自知名魚子醬品牌 Royal Caviar ,相當富貴。

第二個雪櫃明顯有較多空位Photo from 鍾培生 Derek Cheung 頻道

有鹽焗雞、娃娃菜等食材Photo from 鍾培生 Derek Cheung 頻道

鍾培生又稱,好多醬料開封後都唔敢再掂佢哋,因為會覺得好油。

鍾培生認為開封後醬料好油所以不太想接觸它們Photo from 鍾培生 Derek Cheung 頻道

成櫃都係酒,仲有「溝女專用格」

到第三個雪櫃,一打開櫃門就見到「酒水林立」嘅畫面。鍾培生稱呢個雪櫃適合 House party 用,若有朋友飯聚時未飲夠就會邀請佢哋上嚟繼續飲。

第三個雪櫃放滿酒,適合開派對用Photo from 鍾培生 Derek Cheung 頻道

呢個雪櫃殊不簡單,除咗有招呼朋友用嘅酒水,仲有溝女必備嘅雪糕櫃!鍾培生稱自己一問女士們要唔要食雪糕,就會「個個都癲咗」,「到凌晨會見到好多靚女食緊雪糕」。

等鍾培生隆重為大家介紹佢嘅雪糕溝女格Photo from 鍾培生 Derek Cheung 頻道

雪櫃其中一格放滿雪糕與雪條,係鐘培生嘅「溝女專用格」Photo from 鍾培生 Derek Cheung 頻道

魚子醬月餅都有Photo from 鍾培生 Derek Cheung 頻道

「溝女格」下方又一個酒櫃,放有好多紅白酒、香檳等。

溝女用嘅雪糕櫃下方放有好多香檳、‘紅白酒’Photo from 鍾培生 Derek Cheung 頻道

到第四個雪櫃,擺放了不少凍肉、冷凍海鮮、鮑參刺肚等食材;雪櫃採用雙門設計,另一邊櫃又係擺咗好多酒。

第四個雪櫃放有不少冷凍食材,包括螺頭Photo from 鍾培生 Derek Cheung 頻道

同一雪櫃中,放食材另一邊櫃又係放酒Photo from 鍾培生 Derek Cheung 頻道

雪埋自己都有?!

之後,鍾培生又介紹了一個「另類」雪櫃,佢聲稱係冷凍自己用,該「雪櫃」表面更印有影片頻道嘅名稱及標誌「培生培心」,但佢無於同一影片作詳細解釋。

雖然不算「5部雪櫃」之一,但呢部自我冷凍機都值得一提Photo from 鍾培生 Derek Cheung 頻道

酒,又係酒

到最後一個雪櫃,連鍾培生都不好意思地表示「都係酒」,然後佢拿了其中數支出嚟簡介一下。

到最後一個雪櫃,都係放酒,連鍾培生本人都感到不好意思Photo from 鍾培生 Derek Cheung 頻道

鍾培生簡單為其中數支酒作簡介Photo from 鍾培生 Derek Cheung 頻道

到拍片先知自己有成5個雪櫃

佢坦言拍呢條片先知道屋企有咁多凍肉,但平時無人煮畀佢食,公仔麵則吃好多。總結嚟講,佢發現家中雪櫃大多都擺放雪糕、酒、肉、和醬料。佢更表示,自己一直以為家中只有三個雪櫃,到呢家先知原來有五個,搞笑得嚟又符合鐘培生「富貴」形象。

鍾培生竟然唔知家中有5部雪櫃,佢一直以為得3部Photo from 鍾培生 Derek Cheung 頻道

有網民睇完鍾培生嘅分享影片,將佢五個雪櫃情況形容為:「真正嘅酒池肉林。」

有網民認為鐘培生雪櫃猶如酒池肉林Photo from 鍾培生 Derek Cheung 頻道

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel