《愛回家》梁茵坦承離巢原因！曾被同行嘲諷? 初期月薪少於$6,000

By Stephanie on 02 Nov 2021

Digital Content Writer

於TVB處境劇《愛回家之開心速遞》飾演「George」嘅張明偉早前就宣佈離開劇組，估唔到事隔一個月又再多一位演員離開！據悉，劇中飾演「威龍潘金蓮」Anita嘅梁茵(Kiko)將會離開TVB，佢接受傳媒訪問嘅時候就解釋離巢原因係因為薪水問題？！

Photo from 梁茵IG

# 已經加入TVB 9年！

現年27歲嘅梁茵(Kiko)入行前係模特兒，獲得TVB青睞，於2012年正式成為合約藝人。入行至今已經9年，其中佢就有份參與《愛回家》4輯嘅拍攝。雖然佢飾演嘅角色大多都不太討好，需要利用美色誘惑他人，不過亦因此而令嘅知名度有所提升。

Photo from TVB

# 劇中與張明偉對手戲多！

梁茵憑著《愛回家之開心速遞》「威龍潘金蓮」Anita而變得為人熟悉，不過自從劇中追求者之一嘅「George」張明偉離開劇組後，佢嘅戲份亦因而受到影響。有眼尖嘅網民就發現佢已經有一段時間冇於劇中出現，並專攻影圈拍攝《水着女王》，而TVB嘅官網亦冇咗佢嘅相片，令大家紛紛推測佢好有可能已經離巢！

Photo from 梁茵IG

# 坦白離巢真正原因！

梁茵早前接受傳媒訪問嘅時候，就證實10月約滿正式離開TVB！佢亦透露離開嘅原因，公司指「過往嘅包薪騷唔達標」，所以新約嘅條件將會係無底薪當作還騷。但由於佢經常拍攝《愛回家》並有紀錄自己嘅工作次數，所以就曾經同公司理論過，後來先發現原來自己計算方法同公司嘅有出入！

Photo from 梁茵IG

# 初入行時月薪不足$6,000！

梁茵仲話初初入行嘅時候，多數都係演路人甲嘅角色，月薪唔夠$6,000，過得非常辛苦！由於當時佢細佬仲處於求學階段，補習費用昂貴，家人又剛剛從公屋搬往居屋住，未能為家人分擔經濟壓力。幸好佢獲得家人嘅體諒，寧願向親友借錢，鼓勵佢繼續追夢。

Photo from 梁茵IG

# 十分孝順家人

其實梁茵都係一位十分孝順嘅女仔，佢為幫補家計，一邊做演員，一邊做金融從業員，亦會投資美容生意，實行多方面事業發展。有段時間，梁茵媽媽因為生病而未能工作，佢亦會主動將家用金額增加，等媽媽可以好好休養！

Photo from 梁茵IG

# 離巢全因冇底薪？！

雖然梁茵表示對工作9年嘅公司十分不捨，但係由於人工一直以來都係「有減冇加」；而且新約嘅無底薪，令佢對生活完全失去保障，所以佢就更加下定決心要離開TVB，並於IG寫上「公司在九年來，給我演繹過不同的御用角色，試過做青樓女子、拜金港女、情婦、花瓶等角色，真的感激公司讓我有機會發揮，留給觀眾深刻印象，實在感激不盡。」

Photo from 梁茵IG

相關文章：謝芷倫離《愛回家》後生活富貴複式豪宅擁巨型露台係遊艇會常客？！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

張明偉首度披露離開《愛回家》原因　心灰意冷：希望公司尊重珍惜藝員！

30 Aug , 2021
TVB藝人張明偉於《愛‧回家之開心速遞》中飾演「佐治」一角而為人熟悉，不過最近佢就於IG發文表示即將告別《愛回家》！而佢喺接受傳媒訪問嘅時候，就首度披露離開嘅原因，仲話「希望公司學懂尊重，珍惜默默耕耘，由低做起嘅訓練班藝員同事。」

Photo from 《愛回家》

藝人張明偉自2012年簽約成為TVB藝人後，有份出演多部電視劇，不過大部份都只係飾演配角角色。直到接拍處境劇《愛‧回家之開心速遞》中飾演「佐治」，一頭亂髮，以及喺劇中同池子孝（阮政峰飾）嘅兄弟情，令佢成功喺觀眾心目中留下深刻印象！

Photo from 《愛回家》

Photo from 張明偉IG

#突然宣佈離開《愛‧回家之開心速遞》

不過，張明偉突然於IG宣布自己即將離開《愛回家》，並且向支持佢嘅觀眾表達謝意「衷心多謝你地每一位支持，希望大家日後留意我其他作品討論，有緣再見」，正式結束3年幾嘅拍攝！

Photo from 張明偉IG

直到近日，張明偉就喺接受媒體採訪時，首次向大家公開離開嘅原因，暗示TVB高層「大換血」後，以為將會有新開始，但結果卻令佢心灰意冷「我呢種配角隨時都有可能消失，咁不如喺大家心目中留低好印象，有緣再見」。之後，佢亦似乎有感而發咁向公司喊話「希望公司學懂尊重，珍惜由低做起嘅訓練班藝員同事。」，認為現時其實仲有好多有熱誠但卻依然未有演出機會嘅後輩！