download HolidaySmart 假期日常 app
港男自稱收入高卻搵唔到女友! 認為港女好現實「點解咁多男人冇錢但有女友」

港男自稱收入高卻搵唔到女友! 認為港女好現實「點解咁多男人冇錢但有女友」

生活熱話
By Stephanie on 03 Nov 2021
Digital Content Writer

唔少人都會非常在意自身條件,認為只要各方面條件夠好就必定可以成功搵到伴侶!最近,有位港男就於討論區表示「唔明點解好多男人冇咩錢都有女朋友」,仲話自己明明人工都算高,卻依然冇女朋友,感到十分煩惱。

港男諗唔明點解自己搵唔到女朋友!Photo from TVB

# 港男為搵唔到女朋友而煩惱!

唔少單身人士都非常著重喺各方面增值自己,希望可以藉此尋覓到另一半。日前,有位港男就似乎對於自己嘅條件十分滿意,但奈何卻一直搵唔到女朋友,令佢非常苦惱,並喺討論區以「唔明點解咁多男人無乜錢都有女朋友?」為題開post!

港男為自己搵唔到女朋友而感到煩惱!Photo from 連登討論區

# 身邊朋友賺得唔多 但都有女朋友?!

港男表示身邊有唔少朋友年紀大約係25至30歲,但月薪只係得20K咁上下,全副身家得大約100K至200K。每個月都洗到冇咩錢剩,居住喺公屋,冇車冇樓,但都有女朋友。

港男就表示身邊有好多月薪比佢低嘅朋友,而佢哋都搵到女朋友!Photo from TVB

# 認為女仔們選對象時只注重金錢!

港男感到十分不解,喺佢眼中大部份嘅女仔都非常現實,更加著重另一半嘅經濟能力,「佢地依個年紀 得咁少錢夠啦咩」,認為經濟能力較差嘅男仔並冇將來!佢仲話明明部份男仔樣貌亦唔算特別靚仔,但都搵到女朋友,令佢更加唔明白而家女仔們嘅擇偶條件究竟係點!

港男認為女士們都非常現實,注重另一半嘅經濟能力大於一切!Photo from TVB

# 港男自稱經濟條件好

港男話自己從事IT行業,月薪都比佢嘅朋友們高,大約係30K至40K左右,外貌身形中規中矩,而且儲咗唔少錢!唯獨一直都未搵到心儀對象,令佢非常煩惱,所以就於討論區詢問網民們嘅意見。

港男表示自己係一位月薪大約30K至40K嘅IT男,但就一直為搵唔到女朋友而煩惱!Photo from TVB

# 大部分網民唔認同港男諗法!

呢個post隨即引起網民關注!有網民就認為港男嘅睇法同大眾唔太一樣,其實好多人都並非以對方嘅經濟條件為首要嘅擇偶條件,只要對方「正正常常」就可以,好有錢並唔代表會有幸福生活!

網民們就唔認同港男嘅睇法,認為經濟條件並非擇偶條件中最重要嘅!Photo from 連登討論區

網民細心為港男分析,認為佢要改改性格先可以搵到女朋友!Photo from TVB

# 搵唔到女友係因為從事IT行業?!

有網民就「一針見血」咁指出港男嘅問題,覺得從佢嘅語氣就可以知道點解到而家都未搵到女朋友,認為以佢咁嘅性格好容易得罪其他人!另外有網民就講笑咁話「做得IT係冇女㗎啦!」,認為從事IT行業嘅人好多時候都因為需要OT,導致可以認識對象嘅時間減少;就算有女朋友都可能因為冇辦法經常陪伴對方而導致分手收場。

有網民就認為只係睇嗰post就知道港男嘅性格係點,認為佢可能唔太識得同其他人溝通?!Photo from 連登討論區

有網民就分享認為唔少IT男都比較難搵對象!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

港男交友APP遇上超寸嘴女生 出兩次街由好感滿分變負數 網民:太自我!

29 Oct , 2021

交友APP識另一半好易中伏。近日,一名港男到討論區發文,稱自己經交友APP與一女生約會,開頭幾順利,但見面一次後,女生疑露出真面目,開始不斷窒事主,甚至連去貓Cafe未能吸引貓貓到自己身邊都換被該女寸一餐,令事主大感愕然。

港男網上發文指經交友APP任食一名串嘴女子Photo from TVB

港男經交友APP識咗嘅「寸嘴女」

最近,一名港男到連登討論區發文,表示自己透過交友APP認識了一名女生,短訊了數星期後進行了第一次約會,佢指當時相處幾舒服又開心。

港男指雙方首次約會時情況良好,對女生都有好感Photo from 《紀念日》劇照

不過,雙方見面一次後,女生便開始有意無意咁窒事主,「可能寸下你星期六要返工啊 ,佢唔洗返啊 , 話我煮餸會食死人個啲。」

約會一次後,女生開始露出串嘴本性Photo from 《我的野蠻女友》

經歷愛貓過身嘅港男去貓Cafe慘被寸「引唔到貓」

事主本認為咁樣只係代表二人開始熟絡,豈料到第二次約會才是惡夢嘅開始。二人到了一間貓Cafe約會,而事主以往有養貓經驗,但貓貓因年老而在前排去世。而女方則無養過貓,所以事主便教佢「引貓埋身」嘅方法,及令貓貓舒服嘅手法。

港男經歷愛貓過身,到貓cafe仍慘被女方串引唔到貓貓Photo from 《當這地球沒有貓》

然後,事主稱有好多貓都接近女方又畀佢摸,佢自己就無咩同貓玩。過了一會,二人坐低休息時,女方又開始「嚟料」,起勢寸事主:「你睇吓啲貓,隻隻都幾痴我,全部都好嗲我啊,你睇下你 一隻都引唔到,仲話自己養過貓喎~」女方甚至攞事主養貓經歷做「子彈」,話佢養過貓卻無貓埋身。

女方好滿意自己成功引貓Photo from TVB

事主當時唯有苦笑,心情變差,而當兩人晚餐時,事主曾嘗試轉話題,但仍無阻女方繼續將佢點樣吸引唔到貓貓,繼續吹噓自己好勁,而事主就好廢。

女方不斷吹噓自己引貓幾勁Photo from TVB

港男心淡,勸各位約會時要適可而止

晚飯途中,該女見到眼前嘅食物又重提事主煮嘢會食死人,而到咗呢一刻,事主對女方嘅好感值已降至零分,甚至生厭。而約會完結後,事主已經無再回覆女方訊息,而女方仍有問事主「覆慢咗」。

港男指約會時瘋狂被串已令佢心淡Photo from 《我的野蠻女友》

對此,事主奉勸大家約會時要克制,「有啲嘢唔好做過火」,又指大家適當地互窒會有正面效果,但該女好明顯已「踩過界」,亦概歎佢性格與各方面都唔錯,唯獨唔顧人感受扣曬分。

事主勸各位約會時多顧及人感受,串人都要適可而止Photo from 連登討論區

網民:女方太自我,連普通朋友都唔想做

對此,不少網民都認為該女太自我中心,即使一齊咗都唔會開心,「唔識謙卑,唔識睇人面色適可而止,莫講做女朋友,普通朋友都唔想。」

有網民認為女方太自我中心導致佢咁串Photo from 連登討論區

有網民指女方咁嘅性格,連普通朋友都唔會想做Photo from 連登討論區

女方早知道港男愛貓已過身

亦有網民留言,認為該女可能習慣同意中人咁樣相處,不自知傷害逼人感受。對於「寸事主引唔到貓」方面,要視乎佢本身對事主愛貓過身一事知唔知情再評論。事主回覆,稱女方知道此事,自己亦無法制止佢,更形容該女猶如「一架已經停唔到嘅火車」,所以佢已經死心。

事主稱,女方知道佢有愛貓過身,又形容佢係一部停唔到嘅火車Photo from 連登討論區

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel