【野外步出2】江嘉敏著比堅尼上節目晒身材！ 自認係Fatman 絲巾遮肚卻更顯圓潤？
TVB新節目《野外步出2》由「奶仔」方紹聰主持，而第一集就邀請咗江嘉敏以及黃美棋做嘉賓，一齊去水上樂園玩。節目中，江嘉敏身穿比堅尼大晒身材，不過就用絲巾圍住下半身，似乎係想遮住肚腩，令畫面嘅美感「大打折扣」！
Photo from 《野外步出2》
# 《野外步出2》熱播中！
由方紹聰（奶仔）主持嘅TVB綜藝節目《野外步出2》正在熱播中，將會帶嘉賓們去唔同嘅地方遊山玩水。而今輯嘅最大亮點就係一共邀請咗25位女嘉賓參與，其中包括：波波（黃婧靈）、林凱恩、李靜儀（Heidi）等，成功引起網民關注！
Photo from 《野外步出2》預告
Photo from 《野外步出2》預告
# 江嘉敏身穿比堅尼大晒身材！
而《野外步出2》第1集就邀請咗江嘉敏同黃美棋擔任嘉賓，一齊去位於元朗區嘅水上樂園玩。難得去得水上樂園，女嘉賓們就當然係身穿泳衣登場啦～其中，江嘉敏就身穿白色比堅尼大晒好身材，不過佢就用絲巾遮掩腰部，但就反而令「肚腩」更加顯眼！
Photo from 《野外步出2》
Photo from 《野外步出2》
# 自認fatman？！
當兩位嘉賓喺節目出場嘅時候，黃美棋就講笑咁話「Fatman，你點解喺度嘅？」，而主持人奶仔隨即加把口「你咁叫佢！江嘉敏又會多單新聞㗎喇！」不過江嘉敏當日似乎心情超好，回應「我fat唔係新聞，係舊聞！2年前就已經講緊直到而家。」不過主持人就改口大讚江嘉敏，其實已經比以前瘦咗好多！
Photo from 《野外步出2》
Photo from 《野外步出2》
# 第一輯亦有份做嘉賓！
其實江嘉敏都係《野外步出》第1輯嘅嘉賓之一，而當時佢亦都係第1集出演負責打頭陣。奶仔憶述當時拍攝情況：「佢嗰日着咗件粉紅色風褸，感覺好健康，好似啲Auntie咁，好雍容華貴，好似去咗慧妍雅集啲活動。」不過佢當時著得十分密實，觀眾無緣睇到佢嘅好身材，所以監製先會再次邀請佢！
Photo from 《野外步出2》
Photo from 《野外步出》
# 邊尖叫邊玩水上設施！
細膽嘅江嘉敏喺節目中嘗試玩唔同嘅設施，佢喺上有3層咁高嘅滑梯時就一邊尖叫一邊爬，睇嚟真係好驚咁！當準備由最高處滑落時，佢突然表現得非常驚清，仲向攝影師講「如果你係女仔就好，我可以俾你摸下我心跳！」
Photo from 《野外步出2》
Photo from 《野外步出2》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
江嘉敏假髮照被指撞樣王祖藍！狂賣口乖：我都想似佢咁聰明咁多計
29 Sep , 2021
Photo from 江嘉敏IG
江嘉敏為拍新劇剪短髮
江嘉敏日前喺IG Story post出剪短髮嘅相片，雖然仍然係化女生妝容，但頭髮剪得好短之餘仲gel起咗，睇落的確有幾分中性feel！
Photo from 江嘉敏IG
其實佢係為拍攝新劇《四十二章經》而剪髮，由之前甜美女生大變身走中性路線，江嘉敏似乎都好唔習慣，佢post出長髮舊照：「一路出event心情一路忐忑，買落嘅裙要過一排先著得嚕」
Photo from 江嘉敏IG
《代溝關注組》江嘉敏載齊陰假髮
之後出演節目《代溝關注組》時佢更載上平陰假髮，厚重瀏海令江嘉敏表示：「呢個埃及妖后髮型真係唔係人人carry到，搞到影相都要三七面又雙手托下巴先得」
Photo from 江嘉敏IG
江嘉敏假髮look被指撞樣王祖藍
佢嘅齊陰負離子假髮同影相角度極似以前中學女生嘅「MK照」，不過有網民就指佢戴假髮好似王祖藍！
Photo from 江嘉敏IG
王祖藍之前喺TVB以「Handelababy」女裝造型拍過唔少綜藝節目，而江嘉敏嘅假髮造型竟然激似王祖藍扮女人，尤其係個鼻，十分相似！江嘉敏本人亦回覆網友：「你唔係第一個咁講」
Photo from TVB
Photo from 江嘉敏IG
Photo from 江嘉敏IG
Photo from TVB
江嘉敏賣口乖讚王祖藍聰明又多計
王祖藍以「首席創意官」身份回歸TVB，江嘉敏同依家係管理層嘅王祖藍撞樣，雖然被人話似男人，但佢賣晒口乖：「係喎，勁多人咁講，我都想似佢咁聰明咁多計」，仲落埋心心眼添！
Photo from 江嘉敏IG
Photo from 江嘉敏IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
