男人越易得到女人就越唔珍惜？！網民熱議太快應承就唔矜貴：要吊高嚟賣
Photo from TVB
「速食愛情」流行，令男人輕易得到女人後唔珍惜
談戀愛有時真係好講「feel」，只要有感覺，即使認識嘅時間唔長都可以極速拍拖。戀愛進度不停加速，可能會相處得好甜蜜，亦有可能會出現唔同感情問題。
Photo from TVB
有網民喺香港討論區發文「係咪男人越易得到女人就越唔珍惜？」，佢指依家呢個時代不乏男女初次見面就決定喺一齊，見兩次就發生關係。
Photo from TVB
樓主又以朋友作為例子，稱朋友同佢男友都係咁，識咗無幾耐就一齊，但好快佢朋友就覺得男友對自己唔好喇，樓主問：「係唔係女仔太快應承男士，發生咗關係就唔『值錢』？」
Photo from TVB
「愛情源於幻想」，太快一齊會無晒神秘感？
唔少網友都同意樓主嘅說法，更直言係「公開嘅秘密」、「男人個個都係咁」。有網民認為經歷過追求過程先會覺得段感情夠珍貴。
Photo from 香港討論區
Photo from TVB
有網友就提出「愛情源於幻想」，喺確定關係前會對對方有想像，好多人都話曖昧係男女之間最美嘅關係，但一旦一齊咗可能會令幻想破滅，有網民指喺超短時間內追求到女生亦會令男人覺得呢個女仔「太隨便」。
Photo from 香港討論區
Photo from TVB
「男人不壞，女人不愛」，壞男人越嚟越多
另一方面，有網友就表示「男人不壞，女人不愛」，男人對女人好嘅時候女生唔會記得，但有少少對佢唔好就會即刻留下深刻印象，甚至有患得患失嘅感覺。
Photo from 香港討論區
Photo from TVB
不過都有人提出同男女無關，只係咁啱樓主朋友嘅男友係衰人。有網友就表示對人好係無用，因為對方只會覺得理所當然，所以佢指要「吊高嚟賣」，對方先會識得珍識。
Photo from TVB
Photo from 香港討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
男友藉口多多 要港女包辦約會費用 大男人行為 令港女大呻：頂唔住！
27 Jul 2021
男女朋友出街拍拖嘅時候，難免都會花費唔少金錢！最近，有港女表示男友因為經濟狀況出咗問題，而導致需要佢長期負責俾錢。然而，當同男友講起金錢分配嘅時候，仲反而被男友責怪返轉頭，令佢十分憤怒！
Photo from TVB
同另一半約會嘅時候，大家都難免會需要花錢，而呢件事亦成為唔少情侶爭吵嘅原因之一！日前，有位港女就喺討論區訴苦同男友拍拖嘅時候經常都需要由佢俾錢，令佢經濟狀況十分困難。
Photo from Dcard討論區
港女表示自己剛剛畢業，未搵到全職工作，不過就同時返兩份Part time，每個月都有大約$6,000收入；男友就穩定工作，月入18K。兩人一向嘅相處模式都係男友俾大份，佢俾細份。直到半年前，男友父母因為受傷同失業，導致男友需要將大部份嘅收入都俾晒屋企，每個月只係得幾千蚊用！
Photo from TVB
當時，男友就曾經同佢講過「咁下次出街可能要我請食飯 以後就AA」，而港女亦答應。然而喺約會嘅時候，男友經常都會利用唔同嘅藉口去叫港女俾錢，例如：冇帶cash、銀行唔夠錢、有消費券再請你等，最過分嘅係男友依然堅稱佢哋兩人係AA制！
Photo from TVB
再加上，男友非常注重自己嘅面子，出街食飯嘅時候，會要求港女將信用卡俾佢，等佢去俾錢，令港女非常唔理解！港女亦因而導致用嘅錢多咗，每個月都只係勉強夠錢找卡數。
Photo from TVB
港女決定要計算下個月嘅用錢budget，所以就詢問男友「你下個月係要我請食飯定AA? 我要計錢」，然而卻被男友責怪佢斤斤計較，唔理解佢嘅難處。港女聽到後，憤怒到不停喺討論區大呻男友早排先買咗新衫話返工見客用，但佢自己就算對鞋爛咗都唔買，只係為咗預留多幾百蚊等佢哋可以一齊食飯，令港女十分難受！
Photo from TVB
大部份網民睇完都認為男友非常自大，仲好似調轉頭責怪返港女，加上兩人嘅金錢觀念明顯唔同，令唔少網民都覺得港女應該盡快同男友分手；但亦有網民認為而家男友只係因為遇到困難先需要幫助，質疑港女並非真心愛男友！
Photo from Dcard討論區
Photo from Dcard討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
