陳法拉新劇造型有大突破！ 超短曲髮展現成熟美 網民反應不同！
Photo from 陳法拉IG
# 2005年入行並加入TVB！
現年39歲嘅陳法拉2002年開始於美國參加選美比賽，再於2005年回港參加《國際華裔小姐》榮獲亞軍，並成為TVB旗下藝人。直到2013年離巢，前往美國修讀戲劇碩士課程，後來就正式進軍荷李活影圈！
Photo from TVB
Photo from TVB
# 參與MARVEL電影，進軍荷李活！
早前，陳法拉就有份參與MARVEL電影《尚氣與十環幫》，票房成績非常好，佢於電影中嘅亮眼表現亦獲得唔少網民大讚，人氣再度上升！工作接唔停嘅佢，最近就獲邀請出演HBO美劇飾演反派角色，亦係佢第2次出演美劇，該劇係改編自張曼玉曾經擔任主演嘅經典法國片《女飛賊再現江湖》（Irma Vep）。
Photo from 陳法拉IG
Photo from 陳法拉IG
# 現於法國預備新劇拍攝
而陳法拉就帶同法籍老公以及囡囡一齊前往法國工作，仲喺IG上載咗為新劇剪短頭髮嘅照片。由照片中所見，佢已經將頭髮剪短到及肩長度，仲挑戰瀏海髮型，睇落依然非常青春！
Photo from 陳法拉IG
Photo from 陳法拉IG
# 新劇短髮造型同米雪相似？！
後來，陳法拉又再補上戲劇中嘅髮型照，只見佢嘅頭髮比之前所見嘅更加短，而且仲變成曲髮，顯得比較成熟，同佢以往嘅風格差天共地！但網民似乎對於佢嘅新髮型有唔同嘅睇法：有網民就直言覺得劇中髮型好似唔太適合佢，感覺太過成熟；有網民仲講笑咁話新髮型同當年《溏心風暴》米雪嘅髮型簡直係一模一樣啊！
Photo from 陳法拉IG
Photo from TVB
# 網民大讚髮型有突破！
不過亦有部份網民覺得法拉嘅顏值成功駕馭呢個咁難carry嘅曲髮造型，雖然同佢以往嘅風格有啲唔同，不過都算係一個唔錯嘅新嘗試，紛紛留言表示非常期待佢於新劇中嘅表演！
Photo from 陳法拉IG
Photo from 陳法拉IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
39歲陳法拉晒最新素顏照 網民：肌膚光滑到似20歲少女！
31 May , 2021
39歲陳法拉同法籍老公Emmanuel Straschnov結婚兩年，現育有一女兒「小米妮」，法拉努力兼顧家庭工作，所以佢最近都不忘飛往法國補慶母親節，並上載同老公約會合照上社交平台，當中，法拉更大曬素顏照，網民見到都直言似20多歲少女多啲！
Photo from 陳法拉 IG
法拉同老公於2019年結婚後，一直非常甜蜜，無被法拉嘅幕前工作影響到。兩人更於今年情人節宣布愛情結晶品「小米妮」於鼠年尾出世。法拉平時都把握時間享受親子時光，早前，佢更加帶埋囡囡一齊搭飛機，畀「小米妮」陪自己去拍戲。
Photo from 陳法拉 IG
Photo from 陳法拉 IG
近年到荷里活發展嘅法拉，參演咗Marvel首部亞裔英雄電影《尚氣》，電影將於今年上映。早前，法拉亦同多位電影人討論有關亞裔美国人係荷里活中地位議題。
Photo from 陳法拉 IG
早前，法拉喺某名牌嘅訪談項目中表示，佢覺得做媽媽後面對嘅困難挑戰係要學識運用時間，適當分配私人生活同事業，睇嚟法拉喺依方面都遊刃有餘。
Photo from 陳法拉 IG
日前，法拉於IG上載一組相片，關於佢到法國同老公一齊補回慶祝母親節，佢喺帖文用法文寫道：「第一次喺法國慶祝母親節。」
Photo from 陳法拉 IG
相片中，可見法拉素顏上陣，直望鏡頭甜笑，網民都大讚佢少女味極重，肌膚幼滑，一啲都睇唔出佢已為人母！
Photo from 陳法拉 IG
同老公嘅合照中，猛烈陽光照臉下，法拉都依然明艷照人，皮膚保養得相當唔錯，睇唔出任何歲月痕跡，話係20幾歲女仔應該都有唔少人信~
Photo from 陳法拉 IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
