download HolidaySmart 假期日常 app
「當女友係公主既男人好肉酸」引熱議 幫拎手袋/綁鞋帶 港女係被縱出嚟?!

「當女友係公主既男人好肉酸」引熱議 幫拎手袋/綁鞋帶 港女係被縱出嚟?!

生活熱話
By Cheryl on 05 Nov 2021
Digital Editor

每對情侶都有自己一套嘅相處之道,不過某啲行徑可能會引起途人側目。近日,有網民到討論區發文,稱不滿部分港男當女友係公主,幫佢哋拎手袋、綁鞋帶等,搞到本港出現好多「港女」,帖文引嚟網民熱議,而且意見兩極!

有男網民上網發文指不滿又不解部分男士當女友係公主咁寵,又形容佢哋好「肉酸」Photo from 堅離地愛堅離地 劇照

男網民不滿部分港男當女友係公主咁鍚

最近,一名男網民(下稱:樓主)到香港討論區發文,表示佢不解為何有男人當女朋友係公主,令自己變得像奴隸一樣,又將「港女」現象歸咎於太寵女友嘅男士身上。

樓主不解為何某些男人甘願將自己變成女友嘅「奴隸」Photo from 香港討論區

樓主認為部分男士太寵女友,令自己地位變到跟奴隸一樣Photo from 香港愛情故事 劇照

拎手袋、綁鞋帶

首先,樓主指自己見過不少男士幫另一半拿手袋,經佢觀察,女方並唔係因為太多嘢拎先無法拿袋,所以佢唔明嗰啲男人係咩心態。

樓主見到不少男士都幫女友拿手袋並感到不解Photo from 香港愛情故事 劇照

第二,樓主又不滿部分男士會當街當巷幫女人綁鞋帶,問道:「唔係大肚、又唔係行動唔方便,做咩要連鞋帶都要人幫你綁?」又直言如果不懂綁鞋帶就應該購買無鞋帶設計嘅鞋。

男生幫女友綁鞋帶會唔會「做多咗」?Photo from 太陽的後裔 劇照

得女友先可以行街購物?!

第三,樓主指出很多情侶行街時,女方可隨心睇衫睇化妝品,但當男方想進入模型/玩具舖,女友便會即時「黑晒口面」。佢又稱,黑口黑面已算好脾氣,更甚會口出惡言,斥男方屋企都無位擺玩具,如果有位都應讓給女友擺放物品。

只有女友一方才可以慢慢行街購物?Photo from 最愛女人購物狂 劇照

樓主認為到店舖「睇下」唔代表會買,唔明點解咁都要受氣。佢又指,部分男士好唔爭氣,被女友「講兩句」就會立即離開店舖。

樓主感概部分男士睇女友面色,無得行自己想睇嘅店舖Photo from 愛的逼降 劇照

樓主認為「港女」係由部分男士寵壞而成

樓主總結時表示,佢認為香港不少女性常被指有公主病、唔溫柔,出現咁多「港女」嘅原因就係有班「當女朋友係公主/女皇咁湊嘅男人」。

樓主認為港女係由部分港男寵壞而成Photo from 過街英雄 劇照

網民意見兩極:男人做壞市 vs 樓主太多事

帖文一出即引熱議,而網民意見都頗為兩極。有部分人士認同樓主,認為有男生自以為係暖男,卻寵壞了女生,搞到出現不少「收兵派帽」情況。

有留言認為有些男士以大男人主義出發照顧女友,又自以為暖男Photo from 香港討論區

另有網民將「寵壞女友」現象歸咎於大男人心態,認為部分男士係出於「錫女人係男人天職」嘅心態,但最後做壞市。

有人指,部分男士太寵女友會做壞市Photo from 香港討論區

亦有另一派網民直言,如過女方脊椎頸椎有問題,而佢手袋又重,係咪都唔幫佢拎,「因為反正佢有病或者受左傷,根本冇人睇得出。都係面子比較緊要?定係照幫佢拎然後通街同人講,我老婆有病或者受咗傷?」

有人認為樓主無法得知其他人幫女友拿物品嘅真正原因,亦會將面子放於健康以上Photo from 香港討論區

除此,有網友就認為樓主太多事,坦言:「你咪理人啦,人地點相處同你有乜關係?」、「相親相愛沒關係啊~」亦有人覺得幫下手拎袋、綁鞋帶都無咩問題好正常。

有網民認為其他情侶相處唔到樓主批判Photo from 香港討論區

有網民認為兩者相愛,幫助對方一下無咩問題Photo from 香港討論區

有人表示樓主不滿男方幫女友做嘅事都算正常Photo from 香港討論區

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel