download HolidaySmart 假期日常 app
Heidi@SG直言甚少與成員見面! 曾經同Yanny嘈交 承認過往不和傳聞?

Heidi@SG直言甚少與成員見面! 曾經同Yanny嘈交 承認過往不和傳聞?

娛樂新聞
By Stephanie on 04 Nov 2021
Digital Content Writer

女子組合Super Girls 成員之一嘅Heidi(李靜儀)近年轉型成為演員。最近,佢出席公開活動時就表示自己已經好少有機會同隊友們見面,最friend嘅係隊長Aka,仲坦承以前曾經同Yanny(陳穎欣)吵架!

Heidi 最近出席活動時承認曾經與Yanny吵架!Photo from Heidi IG

# Super Girls 成立9年!

現年30歲嘅Heidi(李靜儀)於2012年加入Super Girls女子組合,並於同年出道。佢哋推出嘅歌曲十分多元化,載歌載舞,成功引起網民關注,人氣火速急升!直到2018年,5位成員開始各自發展,現時組合正處於單飛不解散嘅狀態。

五人組合Super Girls於2012年正式出道!Photo from 《鎂光燈下》MV

2018年,Super Girls 成員們開始著重個人發展。Photo from Super Girls IG

# Heidi有意開Roller室內場

Heidi最近出席公開品牌活動嘅時候,就久違地接受傳媒訪問。佢表示非常想去日本旅行,可惜當地疫情嚴重,相信至少都要等多2年先可以到訪;而佢就分享自己最近嘅新愛好滾軸溜冰,並指有同成員Aka一齊玩,仲有意投資開室內roller場地!

Heidi 話非常懷念可以去日本旅行嘅日子!Photo from Heidi IG

Heidi 最近就發掘到新愛好滾軸溜冰!Photo from Heidi IG

# 甚少同成員見面!

當被問到「組合係咪已經拆夥?」,Heidi就否認,仲話只要有客戶邀請就會合體,而推出新歌方面就要睇公司安排。Heidi話自己依然有同Aka 聯絡,至於其他成員就已經好耐冇見,並提及Aka上節目時大爆成員間所發生嘅事,承認「嗰時的確係有同Yanny嘈過交,但而家冇嘢喇。其實個個都會嘈交㗎啦!」

Heidi (李靜儀)直言同Aka最熟,而且而家都仲經常保持聯絡!Photo from Heidi IG

Heidi承認曾經同Yanny吵架,不過而家兩人已經冇事!Photo from Heidi IG

# Aka節目承認有成員因感情問題有爭執!

早前,Aka@Super Girls 就上節目《晚吹-有酒今晚吹》剖白身為隊長嘅佢未有盡本份,「如果嗰時care佢哋多啲,可能成件事就唔同晒!」,非常自責。佢亦於節目坦承成員間曾經因為感情問題而有爭吵,「感情嘅嘢,佢哋都冇辦法控制,當時大家係一時衝動﹗」,令唔少網民推測好有可能係講緊Heidi同Yanny之間嘅不和傳聞!

Aka上節目《晚吹》時表示好後悔未能盡隊長責任!Photo from ViuTV

Aka間接承認隊內有成員曾經因為感情問題而有爭吵!Photo from ViuTV

# 2014年 Heidi與陳考威發展地下情!

2014年,有知情人士表示SG御用音樂監製陳考威(Gareth)同Heidi秘密戀愛中,不過Heidi當時就為咗保護戀情而否認。直到拍拖1年後,Gareth就因為性格不合而向Heidi提出分手,令佢當時飽受情傷!

有傳,Heidi與音樂監製陳考威(Gareth)於2014年開始交往,發展地下情!Photo from Gareth IG

Heidi同Gareth嘅戀情大約維持咗1年多就結束。Photo from Gareth IG

# 陳考威高調認愛Yanny!

隨後,Gareth好快就同Yanny擦出愛火,並高調認愛,令Heidi非常不滿,認為對方有「撬牆腳」嘅嫌疑,立刻取消追蹤對方IG。然而,當時公司為咗組合形象而下「封口令」,不過兩人於活動中貌合神離嘅畫面,就令唔少網民更加確定佢哋感情有變,姐妹情不再!

陳穎欣Yanny公開同Gareth嘅戀情,高調放閃。Photo from Gareth IG

傳Heidi亦因此對兩人嘅戀情感到不滿。Photo from Heidi IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

李靜儀Heidi玩滾軸溜冰晒好身材! 烏身谷出小山丘一洗iPad之名

7 Apr , 2021

近幾日天氣雖然又涼番小小,但依然無阻一眾女士開始晒身材,而近日女子組合 Super Girls 成員李靜儀(Heidi)就喺社交網上傳咗佢去玩滾軸溜冰嘅相同片,表現仲相當專業添!

 Super Girls 成員李靜儀(Heidi)就喺社交網上傳咗佢去玩滾軸溜冰嘅相同片,表現仲相當專業添!

Super Girls 嘅李靜儀最近就愛上咗玩滾軸溜冰,佢喺 IG 上傳咗佢喺街場大顯身手嘅相同片,片中見佢著上小背心同貼身運動褲,喺做足安全措施下施展渾身解數,表現得相當自在!

而喺片中佢仲烏身大晒事業線,雖然佢一直都被指 iPad 胸,但睇番依條片,見佢身材唔止好咗,仲擠出咗小山丘派福利,疑似升級咗添喎!

不過睇佢玩得咁輕鬆自在,完全睇唔出佢上一次玩已經係 20 年前嘅事喇,佢笑言:「每次跌倒 都是為了再次爬起 忌水 怕水 而且唔識游水 都係學返陸地上既運動岩我 十歲後就無再玩過 今年要認真搵呀sir 補鐘」

睇佢玩得咁開心仲話要認真搵教練補鐘,相信佢已經玩到上晒癮喇!

而有網友見佢玩得咁好,就叫佢下次可以挑戰溜冰呀!

唔知佢嘅溜冰技術係咪同樣出色呢?!

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel