【東張西望】雲疊花園葉經理現身!揭騎呢「翻生」過程!入ICU都親自出通告

【東張西望】雲疊花園葉經理現身!揭騎呢「翻生」過程!入ICU都親自出通告

時事熱話
By Jennifer on 05 Nov 2021
Digital Editor

早前位於沙田嘅雲疊花園就出現咗詭異通告指管業經理葉紹剛離世,但又稱被救援人員用「巨型呼級機」救返。之後葉經理再出通告分享佢住院心得,TVB東張西望》就採訪葉經理同佢老婆,親解「翻生」嘅經過。

早前位於沙田嘅雲疊花園就出現咗詭異通告指管業經理葉紹剛已離世,但又稱被救援人員用「巨型呼級機」救返Photo from Facebook「雲疊花園居民權益監察組」

雲疊花園出現葉經理「死而復生」詭異通告

喺Facebook早前流傳雲疊花園居民公開嘅一則特別通知:「管業經理葉紹剛先生於2021年10月14日證實死亡。」但下一句又指當日夜晚消防人員、救護人員、護理人員使用巨型呼級機48小時「終於將管業經理葉紹剛先生性命救回。」

Facebook早前流傳雲疊花園居民公開嘅一則特別通知Photo from TVB

通告內容令人摸不著頭腦,其後大堂屋苑公告欄再張貼另一張由葉經理發出嘅特別通知,分享佢獲救回性命嘅心得,分別稱深切治療部無需使用口罩、回家後可用搓手液清理頭部、熱水噴射做消毒等,最奇怪嘅係「家居人士可以使用搓手液清理臀部(不分男女)」。

其後大堂屋苑公告欄再張貼另一張由葉經理發出嘅特別通知,分享佢獲救回性命嘅心得Photo from Facebook「雲疊花園居民權益監察組」

雲疊花園葉經理「翻生」所發出嘅通告隨即成為網民熱話,有唔少人都想知葉經理到底發生咩事,近況如何,《東張西望》新一集即到訪葉經理屋企。

《東張西望》新一集到訪葉經理屋企Photo from TVB

管業經理葉紹剛指自己當時已死去,幸得消防人員急救

葉經理表示10月14號佢於家中不醒人事,佢更指自己當時已經死咗:「個人無晒生命跡象,即係死咗,不過死而復生姐!」,佢稱希望大家唔好誤會,又話佢老婆都當佢嗰日死咗。

葉經理表示10月14號佢於家中不醒人事,佢更指自己當時已經死咗Photo from TVB

葉經理憶述佢都唔知發生咩事,佢14號傍晚感不適,佢老婆同返佢講佢當時突然昏迷,老婆見狀即call救護車,葉經理血壓一直下跌,而消防員到達現場不斷安慰葉經理太太,又為葉經理急救,令佢血壓升返。葉經理講返呢件事表示好感激當日嘅消防人員,更忍唔住落淚。

葉經理憶述佢都唔知發生咩事,佢14號傍晚感不適,佢老婆同返佢講佢當時突然昏迷,老婆見狀即call救護車Photo from TVB

葉經理講返呢件事表示好感激當日嘅消防人員,更忍唔住落淚。Photo from TVB

葉經理憶述深切治療部(ICU)留院經歷

葉經理隨後送往聯合醫院嘅深切治療部(ICU)留醫,但佢就指過程十分不愉快,首先佢綁咗喺床上14日,又指ICU唔畀食嘢、唔畀飲水,葉經理稱係醫生嘅指示:「話驚我危險、驚我跌親,我都幾難接受。」

葉經理隨後送往聯合醫院嘅深切治療部(ICU)留醫,但佢就指過程十分不愉快Photo from TVB

葉經理覺得唔合理,於是簽紙出院。葉經理指喺通告心得寫「用搓手液清理頭部、臀部」都係由於佢喺ICU嘅經歷,佢洗頭係用搓手液,護士要佢著止尿片,稱ICU無廁所,叫佢「瀨」喺尿片度,如廁後用搓手液抹返乾淨,葉經理強調通告所寫嘅都係事實。

葉經理指喺通告心得寫「用搓手液清理頭部、臀部」都係由於佢喺ICU嘅經歷,佢洗頭係用搓手液,護士要佢著止尿片,稱ICU無廁所,叫佢「瀨」喺尿片度,如廁後用搓手液抹返乾淨Photo from TVB

指現時手腳無力,葉經理夫婦激動爆喊

喺訪問中途葉經理拎起玻璃杯飲水,卻突然手無力打爛咗隻杯,佢表示:「我唔記得講你哋聽呀!因為我啲手腳成擔重咁樣!」

訪問中途葉經理拎起玻璃杯飲水Photo from TVB

葉經理突然手無力打爛咗隻杯,佢表示:「我唔記得講你哋聽呀!因為我啲手腳成擔重咁樣!」Photo from TVB

葉經理入院後由老婆一手一腳照顧,提到丈夫入院嘅經歷,葉經理太太激動爆喊:「我得呢個老公咋!」,而11月1號,雲疊花園再發第3張通告指葉經理連著底衫底褲都要老婆協助。

葉經理入院後老婆一手一腳照顧佢Photo from TVB

提到丈夫入院嘅經歷,葉經理太太激動落淚Photo from TVB

11月1號,雲疊花園再發第3張通告指葉經理連著底衫底褲都要老婆協助。Photo from Facebook「雲疊花園居民權益監察組」

葉經理承認通告係佢所寫:「你當我懵盛盛啦啱啱好返,但我寫嘅係實況。」,葉經理又指佢發通告前有問准法團。其實葉經理喺4年前因為屋苑嘅食水問題已經上過節目,今次更係佢首次停工。

葉經理承認通告係佢所寫:「你當我懵盛盛啦啱啱好返,但我寫嘅係實況。」Photo from TVB

葉經理喺4年前因為屋苑嘅食水問題已經上過《東張西望》Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

廣告
廣告

【東張西望】苦主連續被呃錢10次!向三間財務公司借錢再入數!金額達半億!

1 Nov 2021

有苦主向《東張西望》報料指遇上「借錢騙案」,有騙徒假扮金融中介公司以種種荒謬藉口向同一位受害人騙取大量金錢,而苦主竟然上當10次!為咗借錢周轉仲再問財務公司借錢入數?!

有騙徒假扮中介、金融公司以種種荒謬藉口向同一位受害人騙取大量金錢,而苦主竟然上當10次Photo from TVB

《東張西望》觀眾報料稱被金融中介公司騙錢

騙徒層出不窮,TVB《東張西望》有觀眾報料稱佢哋透過中介向金融公司借錢,但錢就借唔到,反而仲入咗大量金錢畀對方!

《東張西望》有觀眾報料稱佢哋透過中介向金融公司借錢,但錢就借唔到,反而仲入咗大量金錢畀對方!Photo from TVB

有「金融公司中介」以cold call形式致電苦主問佢哋使唔使借錢,黃小姐公司結業要還錢,而何先生就需要借錢找卡數,於是「中介」就提出「超低息槓桿貸款」,聲稱只需入$2萬港幣就可以借到10倍金額(即$20萬)。

有「金融公司中介」以cold call形式致電苦主問佢哋使唔使借錢,並提出「超低息槓桿貸款」,聲稱入$2萬港幣就可以借到10倍金額(即$20萬)。 Photo from TVB

苦主為借到大筆金錢,就入錢落中介公司提供嘅「轉數快」戶口,其理由係金融公司喺澳洲,所以唔可以入落香港銀行戶口,而一定要用轉數快過數。

苦主為借到大筆金錢,就入錢落中介公司提供嘅「轉數快」戶口Photo from TVB

苦主要畀「預繳還款額」,入得多錢會送iPhone

苦主黃小姐入咗$2萬後,「貸款部經理」就再致電稱為保障公司,要苦主再入$4萬作「預繳還款額」。之後再聲稱入多幾萬蚊會分別送iPhone、名錶、電腦等,氹啲苦主心甘命抵繼續入錢。

苦主黃小姐入咗$2萬後,「貸款部經理」就再致電稱為保障公司,要苦主再入$4萬作「預繳還款額」Photo from TVB

騙徒聲稱入多幾萬蚊會分別送iPhone、名錶、電腦等,氹啲苦主心甘命抵繼續入錢。Photo from TVB

之後又有自稱係「公司保安部」嘅人打電話指苦主入嘅金額有問題,表示只係收到「預繳還款額」嘅一半,懷疑係之前嘅員工「落格」,仲嚇苦主話隨時報警,叫對方再入多兩個月「預繳還款額」。

之後有自稱係「公司保安部」嘅人打電話指苦主入嘅金額有問題,表示只係收到「預繳還款額」嘅一半Photo from TVB

騙徒要苦主向財務公司借錢入數

黃小姐連續幾次都上當入錢,中介公司又叫佢入$1.5萬「保證金」,黃小姐稱已無錢再入,對方竟表示可介紹財務公司畀佢,借錢後再入數!黃小姐借完財務公司錢後,中介公司反口稱發現佢有差財務公司錢,所以唔批貸款,於是又介紹咗另一間財務公司畀佢,如是者黃小姐先後向3間財務公司借錢$8.5萬。

黃小姐稱已無錢再入,對方竟表示可介紹財務公司畀佢,借錢後再入數Photo from TVB

何先生更誇張,佢分別向財務公司借$7萬、$20萬、$8萬,佢仲問埋屋企人、親戚朋友借錢,中介公司又指如果佢唔入錢會搵人「淋紅油」。而黃小姐借完財務公司後,中介又稱佢簽名錯咗搞到戶口被凍結,要再入數「解凍」。

何先生更誇張,佢分別向財務公司借$7萬、$20萬、$8萬,佢仲問埋屋企人、親戚朋友借錢Photo from TVB

中介公司指唔入錢會搵人「淋紅油」(示意圖)。Photo from TVB

金額達半億!網友稱苦主唔抵可憐

有苦主「阿V」更透露佢受騙金額加埋高達半億,但一開始想借嘅錢就一毫紙都無落過袋!有網友直言苦主太天真,完全唔值得可憐!

有苦主稱加埋金額高達半億!Photo from TVB

有網友直言苦主太天真Photo from 香港討論區

網民指苦主完全唔值得可憐!Photo from 香港討論區

亦有網民大為不解,指苦主一開始只想借$20萬,但入下入下都入咗幾十萬,唔明有錢點解仲要借錢。

有網民大為不解Photo from 香港討論區

網友指苦主一開始只想借$20萬,但入下入下都入咗幾十萬,唔明有錢點解仲要借錢。Photo from LIHKG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel