【親子遊必去！】即玩西九文化區M+新搞作！免費任睇親子劇場＋芭蕾舞表演＋展覽導賞～

想喺Weekends帶小朋友放電，但又唔知去邊好？唔使怕～小編留意到最近西九文化區有新搞作，啱晒大人小朋友一齊玩～最新開嘅M+有齊一系列免費展覽／工作坊／親子活動，最啱約埋一家大細去玩返餐～想知有咩好推介？快啲睇吓小編嘅詳細介紹啦～

#11月12日開幕萬勿錯過！M+互動表演任你睇～

去西九文化區都總有唔同類型嘅文藝活動可以玩，今次都唔例外～位於西九文化區M+將會喺11月12日正式開幕，畀大人小朋友免費參觀～有巴士導賞團、工作坊、現場表演、放映會等～無論係博物館常客，定係鍾意新體驗嘅朋友都咁啱玩～喺M+可以享受到來自「黑暗中對話（香港）基金會」嘅互動表演，由不同能力人士親自設計同帶領，同大家一齊試下唔用語言嚟交流～仲可以欣賞埋多媒體藝術家梁基爵（GayBird）用喺M+收集而嚟嘅聲音，創作成嘅視聽表演～同場仲有由M+與香港芭蕾舞團聯合製作節目《五小舞作》，在博物館內體驗芭蕾舞嘅力量～

部分活動須預先登記，登記活動將包括博物館入場券。

Photo from M+

#免費玩盡合家歡活動親子劇場！享受家庭樂最佳之選～

另外，小編建議大家可以去M+參加由本地劇團一路青空帶來嘅「親子劇場：加加尋寶遊」！故事入面嘅小朋友加加，由屋企穿過街市嚟到M+開展尋寶之旅，沿途嘅事物都變得奇形怪狀，夠晒天馬行空，小朋友實鍾意～即場仲有親子互動環節，畀你同小朋友一齊玩返餐～除咗有親子劇場之外，同場仲有創作工作坊，畀大人同小朋友一齊創作，唔好錯過「身體遊戲坊」，同埋「M+敢探號」嘅公眾展覽。活動費用全免，無論係大人定小朋友都一樣咁啱玩，勁吸引～

Photo from M+

Photo from M+

#視覺文化巴士導賞團：城市意識流

如果城市係一個人，你會點樣去認識佢呢？M+為你預備一趟與別不同嘅視聽旅程，呢架由九龍塘開往博物館嘅巴士上，有本地小說家及文化評論人潘國靈嘅聲音導航，為大家講解各種城市大小事，加上無伴奏合唱團SENZA A Cappella嘅音樂，等你一邊發掘香港嘅街道文化，感受人和城市之間嘅互動～

想知點參加？由11月5日（星期五），上午10時起去M+網頁：https://mplus.org/2ZPG1gB 登記報名及入場啦。

Photo from M+
 
Text: HolidaySmart editorial

Photo source: M+

Featured for: M+

*本文章的圖片均經其本人或其公司授權，其他媒體不得轉載