男友買樓唔加名但要求一齊供樓！港女：仲要我拎一半身家夾首期
Photo from TVB
港女呻男友層樓無加名但要求畀首期、一齊供樓
網友喺香港討論區開post「如果層樓無你名應該畀首期嗎？」，佢指自己本身有樓揸手，所以男朋友買樓唔可以加佢個名。乍一聽伴侶同自己都有樓，本來係令人羨慕嘅事，但樓主嘅煩惱亦隨即而來。
Photo from TVB
樓主稱男友知道佢有積蓄，所以要求大家一齊夾份畀首期，其中樓主要畀一成首期、而男友就畀三成。除咗首期，之後層樓嘅裝修費用同供樓男友都想兩人一齊畀。
Photo from TVB
男友未求婚、兩人感情一般，港女不願夾份出首期
樓主對此有啲抗拒，佢指男友連婚都未求，男友稱想先買樓後結婚，又指樓主有錢就應該要一齊畀。樓主雖然明白獨力買樓真係好難，但男友嘅態度令佢有唔少顧慮。
Photo from TVB
Photo from TVB
樓主指同男友已經拍咗好耐拖，男友依家已唔會特別去氹佢，平時兩人話題又唔多，淨係會放假出下街食飯咁，相處時間耐咗，都無乜情侶之間嘅激情。
Photo from TVB
再加上本身男友嘅流動現金比樓主多，亦曾經講過唔使樓主畀首期但買完樓而家股票蝕咗又要樓主拎一半身家夾首期。男友又稱因為趕唔切同埋婚後財產要一半，唔肯先簽紙後買樓。
Photo from TVB
港女覺得層樓無名無保障，似貼錢嫁、迫男友結婚
就係因為咁，樓主覺得依家好似係佢貼錢嫁、迫男友結婚咁，但佢都知如果佢唔夾份畀首期，男友會埋怨佢，但要佢夾份佢又覺得男友無為佢著想過，好似只係想搵人夾首期同供樓，而結婚亦唔係自願。
Photo from TVB
男友就表示係因為樓主所以先去買樓，但層樓話晒都無加樓主名，佢覺得完全無保障！
Photo from TVB
網友勸唔好畀首期，認為男友信唔過
唔少網民都勸樓主唔好畀首期！有網友指樓主同男友都未結婚，無必要咁快承擔另一半嘅責任，而且層樓又無名、兩人亦唔係夫妻關係，認為男友信唔過，唔應該幫手畀首期同供樓。
Photo from 香港討論區
Photo from TVB
樓主有補充指男友覺得係因為樓主想結婚所以佢先會買樓，因此佢認為樓主有義務一齊畀錢，不過樓主就表示層樓佢完全無份，唔明佢點解要畀錢，仲話如果佢唔肯畀，男友應該會同佢分手。
Photo from TVB
自己有樓單身好過結婚
有網友就認為樓主自己都有樓，使乜咁辛苦供多層：「本身都已經可以他他條條生活，為咗結婚無啦啦又要孭條數上身」，仲話搞到咁單身仲舒服過結婚！
Photo from 香港討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
港女想同男友搬出去過二人世界！家人願出150萬助買樓！男友竟拒絕兼要住劏房
9 Jul 2021
買樓上車對依家嘅年輕人嚟講絕對唔容易實現，近日有網友喺網上發文表示想同男友搬出去住，家人更有意出資幫佢哋買樓，不過男友唔要之餘，仲話要住劏房！
Photo from TVB
樓價高企，就算結咗婚都未必買到樓，情侶想一齊住都唔容易。有網友喺香港討論區開post表示想同男朋友搬出去過二人世界。
Photo from TVB
樓主指同男友睇樓，對方就有諸多要求，嫌呢間太遠、嗰間太貴，樓主就認為：「咁搬出去住就係咁架啦」
Photo from TVB
之後樓主男友同屋企人講想搬出去住，佢媽媽就表示可以借$150萬畀兒子同樓主買樓，點知樓主男友推咗：「唔洗啦！我哋會自己搞掂架啦！」，令樓主大為無奈：「點搞掂？屋企人借錢比你又話唔要，話同我搬出去住又要嫌三嫌四」
Photo from TVB
Photo from TVB
於是樓主就問男友：「又唔買又揀唔岩樓租，咁點搬出去住？」，男友竟話：「我哋住劏房咪得囉！」，樓主相當抗拒，佢認為既然都搬得出去住，點解仲要住劏房：「我都係想過好啲嘅生活姐，咁都有錯咩…」
Photo from TVB
Photo from TVB
樓主補充指男友都有話想同佢一齊住，但就覺得住劏房都無問題，仲話深水埗幾好，有網友問係咪因為未有經濟基礎，樓主就表示計過條數兩個人夠交租同日常開支：「同佢睇樓就係嫌呢間遠個間貴，依家住劏房都唔係平囉！問佢點解揀劏房，佢話深水埗方便喎…」
Photo from 香港討論區
Photo from TVB
樓主又指同男友睇過月租$9,000嘅村屋，但男友嫌唔夠方便、又諗過住服務式公寓，樓主覺得唔洗自己做家務又有享受，不過男友就唔中意：「點解要比錢住酒店？咁樣冇家的感覺」
Photo from TVB
Photo from 香港討論區
Photo from 香港討論區
有網民提出樓主男友應該唔想搬出去咁大開支，又質疑樓主有無能力負擔到搬出嚟住嘅開支：「其實你咪又係冇能力搬出去住」、「搬出去住唔係想像噤計用錢」
Photo from 香港討論區
Photo from 香港討論區
Photo from 香港討論區
Photo from 香港討論區
Photo from 香港討論區
Photo from 香港討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
