download HolidaySmart 假期日常 app
11個《鬼滅之刃》角色真人化! 網民大讚禰豆子顏值高/炎柱超有霸氣!

11個《鬼滅之刃》角色真人化! 網民大讚禰豆子顏值高/炎柱超有霸氣!

生活熱話 電視電影
By Stephanie on 08 Nov 2021
Digital Content Writer

講到日本就不得不提起佢哋嘅動畫文化,當中有唔少動畫都陪伴住大家嘅成長~而近期最熱門嘅動畫《鬼滅之刃》就更加係人氣爆棚,吸引唔少世界各地嘅粉絲觀看!最近,有網民就利用現時嘅AI技術將《鬼滅之刃》裡面嘅角色「真人化」,引起網民們嘅關注。

《鬼滅之刃 遊郭篇》早前宣佈將於今年12月5日開播!Photo from 《鬼滅之刃 遊郭篇》

# 《鬼滅之刃》成為近年最高人氣動畫!

日本動畫一直以來都成功吸引唔少粉絲,而近期最出名嘅日本動畫就一定係《鬼滅之刃》喇~上年,《鬼滅之刃劇場版 無限列車篇》就正式上映,創下佳績,超越知名動畫家宮崎駿嘅作品,成為日本史上最賣座嘅劇場版動畫片!

《鬼滅之刃》成為今年最受歡迎日本動畫之一!Photo from 《鬼滅之刃》

《鬼滅之刃劇場版 無限列車篇》成功創下佳績,成為日本史上最高票房嘅劇場版動畫!Photo from 《鬼滅之刃劇場版 無限列車篇》

當中《鬼滅之刃》嘅劇情十分吸引,而且人物角色亦富有個人特色,其中主角竈門炭治郎嘅妹妹「禰豆子」就成為大家最有人氣嘅角色喇!最近,有熱愛呢部動畫嘅網民就運用AI電腦技術將裡面嘅角色「真人化」,而家就等我哋睇下現實生活中見到佢哋會係點嘅樣啦~

竈門炭治郎

主角竈門炭治郎性格溫柔、熱血,係一位十分保護妹妹嘅哥哥;而佢額頭上嘅傷疤同日輪耳環就更加係佢嘅象徵!AI真人化後,佢五官深邃,十分俊俏,而且睇落亦非常有正義感,令唔少粉絲都話「好有暖男feel」~

《鬼滅之刃》炭治郎AI真人化後嘅模樣,獲網民大讚好有型!Photo from YouTube @AIもしも

竈門禰豆子

禰豆子喺意外中不幸成為鬼,不過依然認得出哥哥炭治郎,並經常喺哥哥深陷危險嘅時候出手相救。而佢為咗抑制自己傷害人類,所以就經常都會咬住擁有封印力量的竹筒!AI真人化後,禰豆子水汪汪嘅眼睛都依然喺度,雖然未能夠完整睇到佢嘅五官,不過粉絲們都認為佢一定同角色一樣非常可愛~

禰豆子真人化後依舊樣貌甜美!Photo from YouTube @AIもしも

我妻善逸

我妻善逸性格膽小懦弱,不過就非常願意為朋友或者女仔挺身而出。真人化後,佢具標誌性嘅黃色頭髮就依然被保留,不過唔少網民都認為唔太相似「好似動畫版冇咁得意!」

我妻善逸真人化後,被網民選為最唔相似嘅角色!Photo from YouTube @AIもしも

「蟲柱」蝴蝶忍

九柱之一嘅「蟲柱」蝴蝶忍無論係衣著定髮色都係紫色,散發住非常神秘嘅氣息!真人化之後嘅蝴蝶忍,睇落非常優雅而且有氣質,而佢炯炯有神嘅雙眼亦完美呈現返出嚟~

蝴蝶忍真人化後,成為超有氣質嘅美女!Photo from YouTube @AIもしも

「炎柱」煉獄杏壽郎

「炎柱」煉獄杏壽郎搶眼嘅髮色同造型,同佢熱血積極嘅性格非常相似。真人化後嘅佢髮型依然獨特,而向上揚嘅眉毛令佢更顯霸氣,好有正氣!不過亦有網民覺得真人版有少少似「孫悟空」,大家又點睇呢?!

炎柱煉獄杏壽郎睇落十分正氣,好有正義感!Photo from YouTube @AIもしも

「水柱」富岡義勇

「水柱」富岡義勇散發住冷漠嘅氣場,唔太鍾意講嘢,令人都唔太敢隨意靠近佢。而AI真人化後就好成功將佢嘅特色展現出嚟,冷酷嘅眼神同動畫版嘅一模一樣!

水柱富岡義勇嘅冷酷感覺,完全成功透過真人版展現出來!Photo from YouTube @AIもしも

「音柱」宇髄天元

「音柱」宇髄天元喺動畫中非常注重自己嘅外型打扮,帥氣嘅樣貌成功吸引唔少女粉絲喜歡。而真人化後,佢嘅五官精緻係一位花美男,並散發住一種獨特嘅貴族氣質~

「音柱」宇髄天元真人化後,簡直就係一位花美男!Photo from YouTube @AIもしも

「戀柱」甘露寺蜜璃

「戀柱」甘露寺蜜璃個性比較害羞,最令大家深刻嘅就係佢一頭粉紅色同清綠色嘅髮色。真人化後,佢依然保持住粉紅色髮色同埋碧綠色嘅雙眼,十分有少女心~

「戀柱」甘露寺蜜璃真人化後依然非常有少女感覺~Photo from YouTube @AIもしも

「霞柱」時透無一郎

「霞柱」時透無一郎喺動畫中經常都睡眼惺忪,仲經常發呆,好少永遠活於自己嘅世界中咁。經過AI真人化後,佢依然非常呆,而且仲散發住一種非常神秘嘅氣息~

「霞柱」時透無一郎散發住神秘嘅氣息。Photo from YouTube @AIもしも

「風柱」不死川實彌

性格比較衝動嘅「風柱」不死川實彌,臉上嘅疤痕以及銀白色嘅髮色,都充分將佢嘅性格特徵展現出嚟。而真人化後,呢2大特徵就全部神還原,並且帶俾人一種「生人勿近」嘅感覺!

「風柱」不死川實彌衝動冷酷嘅性格,真人化後一一還原出來!Photo from YouTube @AIもしも

「蛇柱」伊黑小芭內

「蛇柱」伊黑小芭內兩隻眼睛本來就唔同顏色:右邊金色、左邊綠色,因為小時候受傷,所以經常都會用繃帶將口遮蔽。變真人化後,佢完全變成咗日系型男,而且異色瞳孔令佢睇落非常有魅力!

「蛇柱」伊黑小芭內真人化後變成日系型男!Photo from YouTube @AIもしも

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【鬼滅之刃】第二季遊郭篇12月開播!劇情+預告+5大看點搶先睇!10月率先播《無限列車篇》電視版!

29 Sep , 2021

《鬼滅之刃2遊郭篇》將於12月在日本搶先開播!改編被譽為日本漫畫神作的《鬼滅之刃》,繼《鬼滅之刃劇場版無限列車篇》打破《神隱少女》近20年票房神話,成為日本最新動畫電影票房冠軍,今年再有新作!被視為最精彩篇章的《遊郭篇》將有全新角色,搶先來睇劇情、預告及5大看點等介紹~而《無限列車篇》亦會於10月推出全新的電視版動畫,部分內容戲院都未播過,鬼滅迷又能再次重溫啦!

被譽為神作的《鬼滅之刃》推出新作,第二季《遊郭篇》將於今年12月在日本搶先開播!Photo from 鬼滅の刃公式 Twitter

·《鬼滅之刃2遊郭篇》劇情簡介

改編自漫畫家吾峠呼世晴的同名漫畫系列第九卷起(約第67話至第97話),《鬼滅之刃2遊郭篇》將延續《鬼滅之刃劇場版 無限列車篇》的劇情,講述鬼滅隊失去炎柱煉獄杏壽郎,炭治郎等人又有新任務。「上弦之六」墮姬隱身於品流複雜的吉原遊郭(花街),趁機獵殺食物—人類!鬼滅隊九柱之一「音柱」宇髓天元的太太潛入調查後一去不返,於是帶著炭治郎、我妻善逸及伊之助,前往吉原遊郭調查真相…

·《鬼滅之刃2遊郭篇》5大看點

#以「音柱」宇髄天元為主軸

《鬼滅之刃2遊郭篇》將以「音柱」宇髄天元為主軸,被譽為《鬼滅之刃》系列中最精彩的一篇!宇髄天元雖然是忍者,口頭禪是「華麗」,一身超閃鉆石珠寶,雙手指甲塗到五顏六色,裝扮非常獨特。他擁有一對日輪刀,被封為「音柱」是因為其獨門絕招「譜面」,能計算敵人的行動節奏,隨著節拍打擊對方的弱點。同時,他還會使用炸藥,配合「音之呼吸」能做成爆炸傷害!

《鬼滅之刃2遊郭篇》以「音柱」宇髄天元為靈魂人物,被譽為是《鬼滅之刃》系列中最精彩的一篇!Photo from 《鬼滅之刃2遊郭篇》預告截圖

#全新角色「墮姫」

全新登場的反派角色「上弦之六」墮姬,美艷身影令人印象深刻,但心狠手辣的背後似乎有著悲慘的身世。此角色由聲優澤城美雪演繹,她擁有不少代表作,包括《魯邦三世》的峰不二子、《福音戰士新劇場版:Q》的鈴原櫻、《刀劍神域Ⅱ》的朝田詩乃等,令鬼滅迷相當期待她的詮釋!

在《遊郭篇》中登場的墮姬,美艷外貌之下非常心狠手辣!Photo from 《鬼滅之刃2遊郭篇》預告截圖

「上弦之六」墮姬的背後似乎隱藏著悲慘的身世。Photo from 《鬼滅之刃2遊郭篇》預告截圖

#「音柱」消失的老婆

忍者世家出生的宇髓天元,家中有九兄妹但七個早死,所以非常珍惜家庭。後來娶了三個女忍者做老婆,分別為雛鶴、槙於和須磨,經常炫耀自己的三個老婆!其中,槙於在《遊郭篇》假扮「遊女」混入吉原,正因為她突然音訊全無,宇髄天元才會派出三位鬼滅隊新人潛入,追查她的下落。

「音柱」宇髓天元共有三個老婆,分別為(由上至下)須磨、槙於和雛鶴。Photo from 《鬼滅之刃2遊郭篇》預告截圖

#鬼滅隊三子扮藝伎

潛入吉原遊郭的炭治郎、我妻善逸及伊之助,為了深入調查需要犧牲「色相」,男扮女裝成炭子、善子及豬子,混入花街當實習藝伎,化上奇特的妝容,視覺超沖擊爆笑!

《鬼滅之刃2遊郭篇》的炭治郎。Photo from 《鬼滅之刃2遊郭篇》預告截圖

《鬼滅之刃2遊郭篇》的我妻善逸。Photo from 《鬼滅之刃2遊郭篇》預告截圖

《鬼滅之刃2遊郭篇》的伊之助。Photo from 《鬼滅之刃2遊郭篇》預告截圖

犧牲「色相」的我妻善逸、的炭治郎及伊之助,藝伎扮相超好笑!Photo from 《鬼滅之刃》漫畫截圖

#著名花街吉原遊郭

位於江戶(現時的東京)的吉原遊郭其實是古代官方認可的花街(風月區)。在《遊郭篇》中,有幾千位「遊女」(藝伎)在此工作,但任何人忽然消失卻無人追問,因此成為「上弦之六」墮姬藏身的地方。

吉原遊郭其實古代的風月區,集合了各式各樣的「遊女」(藝伎)。Photo from 《鬼滅之刃2遊郭篇》預告截圖

·《鬼滅之刃2遊郭篇》主題曲+片尾曲

話說由日本歌姬LiSA演唱《鬼滅之刃劇場版無限列車篇》的主題曲《炎》,於2020年創下亮眼成績~雖然《鬼滅之刃2遊郭篇》的主題曲《殘響散歌》及片尾曲《晨曦將至》改由神秘女歌姬Aimer演唱,但仍然期待屆時能再創佳績!

Aimer演唱《鬼滅之刃2遊郭篇》的主題曲《殘響散歌》及片尾曲《晨曦將至》。Photo from 鬼滅の刃公式 Twitter

·《鬼滅之刃2遊郭篇》開播時間

《鬼滅之刃2遊郭篇》確定將於2021年12月5日,率先在日本開播,但目前尚未宣布香港的播出日期,希望好快有好消息!

《鬼滅之刃2遊郭篇》於12月5日起率先在日本播出。Photo from 《鬼滅之刃2遊郭篇》預告截圖

·《鬼滅之刃2遊郭篇》預告

·《鬼滅之刃無限列車篇》電視版動畫10月先播

在新作上映前,官方特別宣布《鬼滅之刃劇場版無限列車篇》重新編輯成電視版動畫,並於10月10日起在日本播出。全劇共7集,其中第一集會是全新劇情,戲院都未播過!故事將從煉獄杏壽郎(炎柱)從鬼滅隊的總部接下任務後,前往無限列車途中時所發生的故事開始。另外,第2至7集除了原有的電影內容,更會加入70個新畫面及配樂,並再次由LiSA演唱新主題曲《明け星》和片尾曲《白銀》。即使已經睇過一次的鬼滅迷,相信仍然會有截然不同的感受!

《鬼滅之刃劇場版 無限列車篇》重新編輯成電視版動畫,共7集,於10月10日起在日本播出。Photo from 鬼滅の刃公式 Twitter

LiSA為《鬼滅之刃 無限列車篇》電視版動畫獻唱新主題曲《明け星》和片尾曲《白銀》。Photo from 鬼滅の刃公式 Twitter

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel