菊梓喬「星夢一姐」地位不保？！出新歌零宣傳？公司轉捧師妹谷婭溦
Photo from 菊梓喬 IG
菊梓喬3奪「最受歡迎女歌星」，穩坐「星夢一姐」寶座
現年34歲嘅菊梓喬自2017年加盟星夢娛樂後受星夢前CEO何哲圖賞識，獲安排演唱多首劇集主題曲，曾經試過一年獨唱7首劇集歌，可謂TVB劇集歌嘅「御用歌手」！
Photo from 菊梓喬 IG
除咗密密出歌之外，菊梓喬更連續三屆蟬聯《勁歌金曲頒獎典禮》「最受歡迎女歌星」大獎，平咗鄭秀文同楊千嬅嘅紀錄，穩坐「星夢一姐」之位。
Photo from 菊梓喬 IG
TVB與唱片公司破冰後，有指星夢前CEO何哲圖愛將菊梓喬地位不再
「獎門人」曾志偉上任TVB高層後就安排何麗全擔任星夢新CEO，並與3大唱片公司「破冰」。身為星夢前CEO何哲圖愛將嘅菊梓喬喺對方離巢後，有指勢力大減，
Photo from TVB
原本嘅「星夢一姐」亦被指以往影大合照中多數都企中間，但自「破冰」後就被安排企邊邊位，與以往一姐待遇大有不同，似乎地位不再！
Photo from TVB
菊梓喬工作量大減，《星空下的仁醫》劇集歌早就錄好？
最近有指菊梓喬不但工作機會大減，連劇集歌都唱少咗！佢最新嘅歌曲係《星空下的仁醫》片尾曲《我會害怕》，但原來歌曲已經係一年前錄好，仲係星夢前CEO何哲圖離巢前幫佢揀。
Photo from 菊梓喬 IG
雖然嚟緊仲有幾首劇集歌將會推出，但都係已經錄好嘅歌，菊梓喬直認跟住仲未有再錄劇集歌嘅安排，已經耐到唔記得幾耐無唱。翻睇星夢娛樂嘅官方IG，有關菊梓喬最新嘅post已經係近1個月前，正正係10月15日宣傳《星空下的仁醫》片尾曲《我會害怕》。
Photo from 星夢娛樂
不過有Hana嘅fans就不滿歌曲封面設計：「是但加幾棵草當cover張相，唔好咁劣質啦好無」、「戥Hana唔抵」，又指希望Hana轉公司。
Photo from 星夢娛樂
Photo from 星夢娛樂
谷婭溦曾呻不獲公司重用，出道6年首推個人專輯
相反除咗《聲夢傳奇》嘅學員之外，星夢呢排宣傳得最多嘅仲有Hana嘅師妹谷婭溦，谷婭溦同樣有份唱《星空下的仁醫》插曲《不敢開口》，近嚟更推出首張專輯《哭牆》。
Photo from 谷婭溦 IG
谷婭溦曾參加內地湖南衛視著名歌唱節目《快樂女聲》，亦受星夢娛樂前CEO何哲圖賞識加入公司，出道近6年先首次出唱片，谷婭溦曾坦言有少少覺得被公司忽略，又話自己唔係最受重視嗰個。
Photo from 谷婭溦 IG
吳若希大讚係「星夢No.1」，谷婭溦獲力捧
不過最近佢嘅首張專輯《哭牆》奪得金唱片（1.5萬張銷量）好成績，星夢仲為佢舉行祝捷會，除咗有星夢CEO何麗全出席，連大師姐吳若希都有現身力撐！
Photo from 星夢娛樂
Photo from TVB
谷婭溦表示佢初初入行廣東話唔好，幾乎被公司雪藏2年，直言依家終於「翻生」，而吳若希又大讚佢唱功勁：「係我心目中星夢唱將No.1～」
Photo from TVB
谷婭溦已獲星夢CEO何麗全開口應承將會安排佢開騷，又表示會為谷婭溦打入內地巿場做好準備，睇嚟谷婭溦依家係星夢力捧嘅對象！
Photo from 谷婭溦 IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
「星夢一姐」菊梓喬大合照企側邊！直言：可能下次見我唔到
11 Mar 2021
Photo from 星夢娛樂
TVB搵咗「獎門人」曾志偉上任副總經理，對綜藝、娛樂節目大改革，而星夢娛樂原CEO何哲圖離職，由何麗全擔任星夢新CEO。
Photo from 星夢娛樂
喺曾志偉力推下，TVB同3大唱片公司「破冰」，三大旗下歌手可再上TVB，亦可繼續現身其他電視台，而原本嘅「星夢幫」被指成「棄將」，工作機會大減。
Photo from TVB
TVB日前舉行《博愛歡樂傳萬家》記者會，3大旗下歌手如Gin Lee、AGA、欣宜、C ALL STAR等都有份出席，星夢代表僅派出「一姐」菊梓喬、谷婭溦同JW王灝兒。
Photo from TVB
Photo from TVB
Photo from TVB
貴為一姐嘅菊梓喬3奪勁歌「最受歡迎女歌星」，以往影大合照中多數都係企中間。
Photo from 菊梓喬IG
Photo from 星夢娛樂
Photo from 星夢娛樂
不過今次記者會大合照時，「星夢一姐」菊梓喬被安排企喺側邊位，與以往一姐待遇大有不同，被問到星夢歌手會唔會以後演出機會減少，菊梓喬直言：「可能你下次見我唔到！」佢指樂壇應該百花齊放，有唔同歌手出演唔同節目，令大眾Keep住有新鮮感。
Photo from TVB
Photo from TVB
雖然作為星夢娛樂舊CEO何哲圖嘅愛將，有傳聞指菊梓喬可能會跟舊老闆離開，不過佢否認，又表示同新老闆何麗全會面後想走唔同音樂風格，對日後發展感期待。
Photo from 星夢娛樂
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
