download HolidaySmart 假期日常 app
Coffee林芊妤自爆懷孕3月才被求婚 過程Hea爆 大呻:未試過有男人咁對佢

Coffee林芊妤自爆懷孕3月才被求婚 過程Hea爆 大呻:未試過有男人咁對佢

娛樂新聞
By Cheryl on 10 Nov 2021
Digital Editor

Coffee林芊妤離巢TVB後成功轉型做瑜伽教練及KOL。近日,佢更在自家YouTube頻道上載了同老公翟志榮嘅首條訪問片,大玩「快問快答」,當中Coffee爆出老公當年向佢求婚嘅過程Hea到爆!更話未試過有男人咁對佢!

Coffee林芊妤同老公拍「快問快答」訪問片爆出不少夫妻笑料Photo from Coffee林芊妤 IG

林芊妤首次同老公一起拍訪問片

Coffee於2018年宣佈懷孕4個月,並與交往3年、任職銀行嘅澳洲籍馬來西亞華人翟志榮入紙申請結婚。Coffee誕下兒子翟德彥(伯伯)後經常在社交網分享幸福家庭照及生活點滴,不時引起熱話。

Coffee林芊妤經常在IG曬出家庭幸福照Photo from Coffee林芊妤 IG

Coffee由藝人轉做瑜珈教練兼KOL後獲不少支持,其YouTube頻道擁有155萬粉絲,佢上載嘅瑜伽教學片深受女士歡迎。最近,佢拍了首條與老公一起拍攝嘅「快問快答」訪問片,雙方都會被問對對方嘅不同睇法。

Coffee林芊妤同老公一齊拍片做訪問Photo from Coffee林芊妤 YouTube

林芊妤大爆老公Hea爆求婚過程

其中一條最有趣嘅問題就係,翟志榮被問覺得Coffee認為佢做過最感動嘅事係咩,佢回答係求婚。Coffee聽到便立即否認:「求婚?大家想唔想知道佢點樣求婚啊?」

Coffee林芊妤不太同意老公認為求婚係對自己最感動嘅事Photo from Coffee林芊妤 YouTube

然後佢表示當自己懷孕5個月時(後來更正為3個月),Coffee正在家房間,燈光突然被關,然後有東西眨吓眨吓,「原來係戒指,仲要跌咗落地下,佢(老公)執返起身,仲要跪都唔跪,話『嫁畀我啊』,咁樣係最感動?」

Coffee林芊妤大爆當年被求婚經過Photo from Coffee林芊妤 YouTube

老公好直接就問嫁唔嫁Photo from Coffee林芊妤 YouTube

翟志榮聽罷則說:「個point係佢記得啊。」Coffee再反駁:「我記得係因為最差啊嘛!我個人生未試過有男人咁對我!一定唔係呢樣囉!錯!」

Coffee林芊妤表示無試過有男人咁對佢Photo from Coffee林芊妤 YouTube

林芊妤認為感動時刻都在小細節上

Coffee表示最感動嘅事應該係一啲細節位,例如兩人睇戲時,老公借外套畀佢,即使佢凍都唔會問Coffee取回;Coffee又指,佢懷孕7、8個月時,老公會幫佢抬行李箱。翟志榮聽了都說:「呢啲都係好基本嘅嘢~」而Coffee自己都話:「你知就好啦!」、「我係咪要求太低?」

Coffee林芊妤指感動時刻其實在於生活小細節Photo from Coffee林芊妤 YouTube

Coffee林芊妤反問係咪自己要求太低Photo from Coffee林芊妤 YouTube

林芊妤與老公大談對方奇怪習慣

另一有趣問題就係,被問到婚後發現對方最奇怪嘅習慣係咩,翟志榮表示,Coffee竟然有如廁後不沖廁習慣,令佢好奇老婆是否想讓別人知道自己有多健康而留低「便便」給人觀看。Coffee聽到都尷尬得哭笑不得,又堅稱自己只係忙著思考其他事情而忘記沖廁而已。到Coffee回答問題時,就表示老公嘅怪習慣係周圍放屁,原來兩公婆嘅怪習都係排洩相關,相當搞笑。

Coffee林芊妤被老公大爆如廁嘅奇怪習慣尷尬不已,又感到非常搞笑Photo from Coffee林芊妤 YouTube

Coffee林芊妤反擊老公,大爆佢都有奇怪習慣Photo from Coffee林芊妤 YouTube

影片發佈後,Coffee亦有喺IG發文表示影片除了想為大家帶來快樂外,亦想讓大家理解於一段關係中,雙方未必會絕對了解對方,但最緊要係熱戀期過後仍體諒對方,多為對方著想,並多去留意對方優點。

Coffee林芊妤認為一段關係中,雙方保持真誠及體諒對方係好重要Photo from Coffee林芊妤 IG

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel