download HolidaySmart 假期日常 app
無火串燒放題優惠!每位$168起任食2小時超過30款串燒小食/台式甜品

無火串燒放題優惠!每位$168起任食2小時超過30款串燒小食/台式甜品

美食推介 著數優惠Smart Select
By Cheryl on 11 Nov 2021
Digital Editor

串燒放題餐廳歡喜燒TapNow聯推「2小時無火串燒放題」優惠,每位只需$168起即任食超過30款串燒、炸物、主食、台式甜品等,仲會獨家送泰式炸蒜燒茄子,套票設2個時段任揀!以下即睇優惠詳情~

觀塘歡喜燒推「2小時無火串燒放題」優惠Photo from TapNow

觀塘無火串燒放題之選

位於觀塘嘅港式串燒放題餐廳歡喜燒主打無火自轉串燒,只要將串燒放在爐上,串燒就會自動旋轉,食物燒得非常均勻,啱晒懶人!

將串燒放在爐上,就會開始自轉燒烤,超級方便!Photo from TapNow

超過30款串燒,供多款醬料自行調味

店家現同TapNow推出放題優惠套票,低至$168起就可任食超過30款串燒,例如:雞腎、雞軟骨、泰式雞、棒棒雞、一支雞、鴨胸肉、美味牛柳、濃汁牛丸、厚切牛舌、多款丸及腸類、蔬菜、棉花糖、蒜蓉包等等,應有盡有。餐廳仲會提供沙嗲醬、鰻魚汁、泰式辣醬、孜然粉等多款調味料,客人可自行調味,好有樂趣!

餐廳仲提供多款開胃醬汁畀你自行調味!Photo from TapNow

多款特色小食、炸物、主食

唔只串燒,套票更提供多款特色小食,有:軟殼蟹漢堡、蟹肉薯餅、焗日本紫薯、雞肉洋蔥圈等等,款款都好滋味~

除咗串燒,小食都唔馬虎,必食推介有:軟殼蟹漢堡!Photo from TapNow

香口小食包羅萬有,有:蟹肉薯餅、焗日本紫薯、雞肉洋蔥圈等Photo from TapNow

除此,套票亦提供多種炸物,例如:吉列蠔、吉列炸蝦、脆薯條、一口芝士、芝心魚腐等;而主食亦有蒜蓉生菜、腐乳通菜、蠔油菜心、肉醬意粉、白飯,保證飽肚!

炸物選擇都超豐富~Photo from TapNow

即叫即製台式甜品

有齊小食主食又點少得甜品?餐廳除了提供西瓜、豆腐花、啫喱、雪糕、雪條外,更讓客人盡享即叫即製嘅台式甜品,可選仙草、芋泥沙冰、或牛奶沙冰,再任選4款配料,款式有:芋圓 / 地瓜圓 / 紫薯圓 / 黑糖珍珠 / 優格魔豆 / 芒果魔豆 / 荔枝椰果 / 蘆薈 / 愛玉凍。

客人更可歎自選配料嘅台式甜品!Photo from TapNow

獨家送泰式炸蒜燒茄子

TapNow預訂套票,每枱仲會送泰式炸蒜燒茄子1份,茄子鋪滿炸蒜,香氣與味道都一流!

TapNow獨家送蒜香味超濃嘅泰式炸蒜燒茄子1份Photo from TapNow

方案A【$168】2小時無火串燒放題|入座時段 5pm-7pm(按此預訂

套票有2種方案,並以入座時段區分。方案A可任食2小時,入座時段為:5pm-7pm 或 5:30pm-7:30pm。

方案B【$198】2小時無火串燒放題|入座時段 6pm-10pm(按此預訂

想食晏啲朋友則可選方案B,同樣任食2小時,入座時段為:6pm-8pm / 7pm-9pm / 8pm-10pm。

2小時無火串燒放題套票提供2種方案、2種入座時段Photo from TapNow

小童優惠

90cm以下小童可免費享用套票!最啱一家大細帶埋細路嚟食餐飽!

90cm以下小童可免費食串燒放題!Photo from TapNow

咁抵食嘅串燒放題優惠由即日起做到下年嘅1月31日,優惠並不適用於2021年12月25- 27日 及 2021年12月30-31日及2022年1月1日。套票需最少2位客人預訂。另外,套票會於特定日子收取相關附加費,詳情請到預訂網查閱。

「TapNow獨家!歡喜燒 2小時無火串燒放題優惠」
優惠期:由即日起至2022年1月31日
地址:觀塘開源道62號駱駝漆大廈1座5樓C號舖
預訂網址:https://bit.ly/30etymS

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel