download HolidaySmart 假期日常 app
謝嘉怡素顏拍片 自認唔似港姐「唔夠高瘦」連爸爸都嫌佢男仔頭!

謝嘉怡素顏拍片 自認唔似港姐「唔夠高瘦」連爸爸都嫌佢男仔頭!

娛樂新聞
By Cheryl on 12 Nov 2021
Digital Editor

港姐冠軍謝嘉怡現在不時現身TVB節目,更有份參演劇集《愛回家之開心速遞》。日前,佢素顏拍片用廣東話分享4個令佢開心嘅秘訣,以及回港一年後嘅生活嘅差異,又直認自己唔似傳統港姐!

謝嘉怡素顏拍片用廣東話大談4大快樂秘訣Photo from 謝嘉怡 IG

謝嘉怡素顏拍片曬廣東話

26歲謝嘉怡回港一年,為了出演TVB節目及演戲而下了不少苦功學廣東話。近期佢開通了YouTube頻道及小紅書帳戶同粉絲拉近距離,當中數條影片主要以英語溝通。但最新一條影片,嘉怡大部分時間都用廣東話分享了4個保持開心嘅秘訣。

謝嘉怡加入TVB後亮相劇集《愛回家之開心速遞》Photo from TVB

謝嘉怡分享4大快樂秘訣

自認樂天派性格嘅謝嘉怡表示能令佢開心嘅首要秘訣係keep住學習新技能,不斷嘅學習會讓人快速成長,尤其呢家網上有好多免費資源,佢認為大家可以好好把握呢個機會學新事物。

謝嘉怡認為不斷學習可驅使快樂Photo from Lisa-marie tse 謝嘉怡 YouTube

第二個秘訣,嘉怡稱要付諸行動,身體力行嘗試事物,試咗先會了解自己嘅喜好。佢續指,如果你嘗試學烘焙,咁下次同人交談時就可以分享自身經驗,從而在過程中建立自信。有自信光彩,人自然會開心。

謝嘉怡表示要不斷嘗試及學習Photo from Lisa-marie tse 謝嘉怡 YouTube

感到自在最緊要

第三個秘訣,嘉怡認為要令自己舒服才能快樂。佢指自己由小到大都被人稱為「男仔頭」,連爸爸都經常問佢:「點解你唔著裙?點解你唔著靚啲?」但嘉怡都唔會太在意呢啲評論,佢亦覺得著運動服先係最舒服,而感到舒適先會開心。

謝嘉怡話佢爸爸以前會問佢點解唔著多啲裙Photo from Lisa-marie tse 謝嘉怡 YouTube

謝嘉怡自認唔高唔瘦,唔係標準港姐

嘉怡又指,自己嘅形象唔符合標準港姐,佢唔高亦唔係最瘦:「高度我冇辦法改變,我天生係咁矮;但肥、瘦就有辦法解決,雖然有人話唔食嘢就可以瘦,但我自己好鐘意食甜品,所以我會有平衡,一個星期一定要食一次甜品,否則會唔開心,我食完甜品會去做運動,亦唔會戒口,呢個對我嚟講係一個最簡單又開心嘅減肥方式。」

謝嘉怡自認自己形象唔似傳統港姐Photo from Lisa-marie tse 謝嘉怡 YouTube

又表示自己唔高亦唔係最瘦Photo from Lisa-marie tse 謝嘉怡 YouTube

到最後,嘉怡表示回饋社會係第四個秘訣,佢在乎環保、弱勢社群、流浪貓狗等,而幫助人過程中會收穫到其他人嘅故事和經歷,再從中學習,咁樣都可以令自己感到快樂。

謝嘉怡認為回饋社會及幫助別人過程中得到快樂Photo from Lisa-marie tse 謝嘉怡 YouTube

謝嘉怡分享香港生活差異

除咗分享開心秘訣嘅影片外,嘉怡亦喺另一條影片同爸爸一齊出鏡,大談蘇格蘭和香港嘅生活差異。嘉怡透露佢鐘意香港節奏快、環境方便,例如佢以前住嘅英國郊區,最近嘅麥當勞都要揸車25分鐘先到,巴士亦要一個鐘先有一架,較為不便。

謝嘉怡表示以前住英國郊區去麥當勞都唔太方便Photo from Lisa-marie tse 謝嘉怡 YouTube

不過,回港一年、現時住村屋嘅嘉怡表示佢仍未習慣住大廈,因為太逼狹:「唔可以有花園、又唔可以有陽台,覺得辛苦。」佢又坦言,初抵港時唔識交電費,因為英國銀行會自動扣電費,「但呢度真係要畀,我唔識自己做,所以好多嘢要我表姐教我做。」

謝嘉怡表示以前住英國郊區去麥當勞都唔太方便Photo from Lisa-marie tse 謝嘉怡 YouTube

謝嘉怡話自己初來講不懂自己交電費要表姐教佢Photo from Lisa-marie tse 謝嘉怡 YouTube

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel