download HolidaySmart 假期日常 app
【星空下的仁醫】馬國明湯洛雯對居住地區有共識! 愛巢位置同舊愛相近?新居歸家人名下

【星空下的仁醫】馬國明湯洛雯對居住地區有共識! 愛巢位置同舊愛相近?新居歸家人名下

娛樂新聞
By Stephanie on 12 Nov 2021
Digital Content Writer

最近,馬國明張寶兒等就出席TVB電視劇《星空下的仁醫》嘅宣傳活動。而馬國明就被爆已經訂好婚戒,預備同湯洛雯結婚,不過佢就一一否認傳聞。當被問到買愛巢嘅問題時,佢就坦承有諗法,兩人都有共識,希望可以住喺港島區。

馬國明於電視劇宣傳活動中否認婚訊!Photo from 湯洛雯IG

# 《星空下的仁醫》獲網民大讚!

TVB電視劇《星空下的仁醫》最近熱播中,戲中有唔少「好戲之人」,演技獲網民大讚!最近,一班演員就出席宣傳活動,大談劇中嘅趣事,其中已經返回加拿大嘅鍾嘉欣仲專程拍片感謝觀眾支持。

TVB劇集《星空下的仁醫》有唔少好戲之人出演,令唔少網民大讚好睇!Photo from TVB

《星空下的仁醫》將於11月20號迎來大結局。Photo from TVB

# 馬國明否認婚訊!

早前,傳出馬國明已經訂好婚戒,準備下年年頭同女友湯洛雯結婚。不過傳聞就遭到馬國明否認,表示如果結婚一定會親自想大家公佈,強調自己工作好忙碌「之後一直都要開工,拍完《隱形戰隊》就緊接住拍《法言人》。」暫時都係以工作為優先!

馬國明否認即將同湯洛雯結婚,表示如果結婚一定會親自講!Photo from 娛樂新聞台

早前,馬國明就上載咗拍攝《隱形戰隊》嘅照片。Photo from 馬國明IG

# 正在物色婚後愛巢

馬國明坦承現時準備置業作婚後嘅愛巢,正在物色緊單位!有指,馬國明同湯洛雯所選擇嘅愛巢地點係將軍澳,同舊愛黃心穎嘅住所非常接近,佢隨即回應:「我真係唔知,我同屋企人住。」

馬國明坦承預備置業作婚後居住用。Photo from 湯洛雯IG

黃心穎已經消失於幕前將近2年!Photo from 黃心穎IG

# 同湯洛雯有共識:我哋會住返港島區!

馬國明同湯洛雯一直都居住於港島區,所以買樓嘅時候都會選擇返該區嘅樓盤,揚言唔會選擇近公司嘅地區「我哋都想有放工嘅感覺」。當被問到「係咪想買獨立屋?」,佢就回應並未有呢個能力,只係話現階段能力許可將會自己出晒錢買樓,而愛巢將會落屋企人名,因為佢哋都已經各自擁有物業「畀雙重印花稅好貴,留返啲錢裝修好過啦!」

馬國明表示新屋將會落屋企人名,因為佢哋兩人都已經各自有物業!Photo from 湯洛雯IG

# 張寶兒演出被老公批評?!

另外,張寶兒亦有份出演電視劇,不過佢就話演出遭到老公袁偉豪批評,仲好感慨咁話拍攝《星空下的仁醫》時正值結婚時期,所以更加有感觸!佢透露即將開拍新劇《破毒強人》,並同陳豪、胡定欣等合作,所以未有時間「造人」!

張寶兒亦有份出演《星空下的仁醫》。Photo from TVB

張寶兒表示老公袁偉豪認為佢演技尚有進步空間!Photo from 張寶兒IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

湯洛雯晒照意外曝光半億豪宅?馬國明與女友Staycation不忘帶定情公仔!靚湯開心獻吻

7 May , 2021

湯洛雯早前迎嚟34歲生日,一班好友幫佢慶祝,難得喺外地拍完劇嘅男朋友馬國明亦回港陪佢搬屋,近日靚湯晒晚餐照嘅時候,疑似曝光價值半億嘅新屋!

湯洛雯早前迎嚟34歲生日

馬明靚湯相戀以嚟感情穩定,更多次傳出婚訊,有指靚湯爸爸更送價值半億、位於馬鞍山逾2,000呎嘅別墅畀女兒作嫁妝。

有指靚湯爸爸更送價值半億、位於馬鞍山逾2,000呎嘅別墅畀女兒作嫁妝。

雖然佢哋否認即將結婚,不過馬國明早排結束《白色強人2》外景拍攝後返港,即馬不停啼幫女友手搬屋。

馬國明早排結束《白色強人2》外景拍攝後返港,即馬不停啼幫女友手搬屋。

日前靚湯就公開咗一張打邊爐相,相中只有靚湯一人,不過後面背景就疑似係佢獨居嘅半億新屋!見客廳以米色為主調,感覺溫馨。飯枱亦好大!

靚湯就公開咗一張打邊爐相,相中只有靚湯一人,不過後面背景就疑似係佢獨居嘅半億新屋

喺34歲生日當日,靚湯亦公開咗許願相同一班好姊妹朱千雪、蔡思貝等為佢慶祝嘅照片。

喺34歲生日當日,靚湯亦公開咗許願相

湯洛雯生日,一班好友幫佢慶祝

男友馬國明都有留言:「祝身體健康」,但就被網友嫌棄「太行」無乜誠意,之後馬明再公開一張「合照」。

男友馬國明都有留言:「祝身體健康」,但就被網友嫌棄「太行」無乜誠意

之前靚湯就被問到會回慶祝生日,佢話想香港一日遊去行山、主題樂園同Staycation,而馬明公開相片嘅背景嚟睇應該喺酒店,唔止有代表二人嘅定情公仔,隔離仲有獨角獸造型Cupcake。

之前靚湯就被問到會回慶祝生日,佢話想香港一日遊去行山、主題樂園同Staycation

馬明公開相片嘅背景嚟睇應該喺酒店,唔止有代表二人嘅定情公仔,隔離仲有獨角獸造型Cupcake。

而代表靚湯嘅獨角獸公仔更吻上代表馬明嘅小馬公仔嘅側面,場面浪漫,睇嚟靚湯都好滿意呢個生日!湯洛雯亦有晒「下衣失蹤」美照:「第一次在111樓渡過我的生日,看到四季風景,突然有雲層飄過的時候感覺好像以前坐飛機的時候,好神奇的經驗」,睇嚟佢哋都sweet過生日!

睇嚟靚湯都好滿意呢個生日!

湯洛雯亦有晒「下衣失蹤」美照

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel