download HolidaySmart 假期日常 app
陳偉霆被2舊愛Angelababy、蔡卓妍左右夾擊!李現避前任讓位畀Baby遭拒好尷尬

陳偉霆被2舊愛Angelababy、蔡卓妍左右夾擊!李現避前任讓位畀Baby遭拒好尷尬

娛樂新聞
By Cheryl on 15 Nov 2021
Digital Editor

陳偉霆過往先後與楊穎(Angelababy)及蔡卓妍(阿Sa)交往,三人現時都集中在內地發展演藝事業並獲得高人氣。日前,三人同在深圳出席時尚品牌活動竟出現「陳偉霆與兩舊愛同台」嘅尷尬場面!而Baby亦被指瘦到令人擔憂!

陳偉霆出席時尚芭莎慈善晚會2021竟與兩舊愛Angelababy及蔡卓妍尷尬同框Photo from 陳偉霆 微博

時尚芭莎慈善晚會邀群星出席

近日,時尚雜誌芭莎在深圳舉行慈善晚會,並邀來一眾影星出席,包括:楊冪、景甜、李現、楊洋等人,而陳偉霆就與內地劇《斛珠夫人》拍檔楊冪一起以「情侶檔」姿態現身,現場可謂星光熠熠。

時尚芭莎日前舉行大型慈善晚會Photo from 微博

陳偉霆、Angelababy、阿Sa尷尬同框

當晚,陳偉霆兩名舊愛Angelababy及阿Sa同樣有出席活動,三人前後腳行紅地毯,典禮過程亦坐不同桌,理應唔會出現同框畫面。不過,典禮最後要求所有嘉賓站到台上大合照,最後竟構成令人熱議嘅話題場面。

舞台打圈由左至右:Angelababy、陳偉霆、蔡卓妍Photo from 微博

Angelababy被李現等男星鼓勵站近陳偉霆

陳偉霆一直與楊冪站在中心,與穿綠色裙嘅Angelababy嘅站位都有一段距離。但係,站在陳偉霆旁邊嘅幾位明星都積極想讓Baby站到C位,當中包括李現、楊洋、井柏然都不斷向Baby揮手鼓勵佢往中間站。但Baby已望到了陳偉霆嘅身影,所以都露出尷尬笑容及耍手擰頭,更一度在原地轉圈,拼命不前往陳偉霆嘅所在處。

楊穎身旁嘅幾位男星尤其李現都揮手叫佢上C位,陳偉霆則在台中央Photo from 微博

楊穎不斷拒絕上前,更一度原地轉圈,一旁嘅楊冪則站在原地眼望望Photo from 微博

李現讓位大有原因,竟是避開前任鍾楚曦?!

李現咁落力請Baby站C位除咗出於紳士風度外,其實同以上藝人都一樣,都想避開前任!據悉,李現曾與同場嘅內地女星鍾楚曦有過一段情,而鍾楚曦一直站在合照右側,中間則隔著陳偉霆與楊冪,企左邊嘅李現想盡量同鍾楚曦隔開,於是就「好心」咁讓位畀Baby,但佢可能太集中「執行任務」,竟完全忘記了Baby與陳偉霆嘅關係!

原來現場有咁多對明星舊情人~Photo from 微博

陳偉霆拉楊冪做「護身符」

相信陳偉霆都發現了Baby嘅狀況,所以立即急拉拍檔楊冪到身旁做「護身符」,夾在中間嘅楊冪則不時左右兩望。最後,Baby成功拒絕C位,與陳偉霆相隔六個身位,但中間與李現等人你推我讓嘅情景已經足以構成熱話。陳偉霆拉楊冪 arrow Capture

阿Sa與阿嬌、容祖兒一同站邊位

此時嘅另一邊廂,阿Sa亦與鍾欣潼(阿嬌)及容祖兒一同上台,並低調低站在舞台邊位,而容祖兒及阿嬌都好識做咁站到阿Sa旁邊,盡量將佢同陳偉霆隔至最開,而三名好姊妹亦未有被其他嘉賓慫恿上前。最後,在合照中蔡卓妍與鍾楚曦站右邊、陳偉霆與楊冪站中央、李現站到了楊冪身邊、而Baby則相隔多個身位站在左邊。就係咁,現場便上演了一場多對明星舊愛連環躲避對方嘅「暗戰」。

舞台另一邊,阿Sa則與阿嬌及容祖兒一齊企Photo from 微博

陳偉霆與阿Sa得距離(箭咀)Photo from 微博

網民:陳偉霆左Angelababy右阿Sa

對此,不少內地網民都認為這尷尬場面相當搞笑,笑言:「陳偉霆也不容易,左有蔡卓妍、右有Angelababy!」、「大寶貝轉圈圈笑到我~」雖然有網民批評李現等人不夠敏感,讓場面變得尷尬,但亦有網民認為李現好有可能不知道陳偉霆與Baby的關係。

網民笑言陳偉霆被Angelababy及蔡卓妍左右夾擊Photo from 微博

有網民認為Baby原地轉圈相當搞笑Photo from 微博

Angelababy瘦到現骨

除此,Angelababy當晚嘅身材及打扮亦引起熱議,佢以一身低胸綠色碎花禮服現身,猶如花仙子般仙氣十足。

楊穎一身綠色花仙子造型好亮眼Photo from 楊穎工作室 微博

不過,有粉絲在現場拍下嘅零修圖照片顯示,Baby嘅心口、膊頭及手臂均骨感強烈,不少網民都認為佢瘦得令人擔憂,並希望佢保持美麗同時注意健康。

但粉絲拍下嘅零修圖照下,Angelababy瘦得令人驚訝Photo from 微博

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel